Azərbaycan təhsilində birinci sinif uşağına sual: "ixtiyar səndə olsaydı, büdcəni necə xərcləyərdin"...

Tarix: 04.12.2015 / 02:02
Bölmə: Sosial

Əjdər Ağayev: "Dərsliklər hazırlanarkən uşaqların yaş kateqoriyası nəzərə alınmalıdır"

"Elə uşaq var pul barədə anlayışı zəifdir"

Azərbaycan təhsili yeniləşmə mərhələsini yaşamaqdadır. İlk növbədə, ümumtəhsil məktəbblərində daha qabarıq şəkildə hiss edilən və onun keyfiyyət göstəricilərinin yaxşılaşdırılmasına yönəlmiş bu yeniləşmə təhsilin məzmununda, təlim prosesinin təşkili və idarə olunmasında mütərəqqi baxışlara, pedaqoji texnologiyalara istinad olunması ilə şərtlənir.

Bu kontekstdə dərslik problemi daim gündəmdə olan məsələlərdən biri olub. Problem ondadır ki, bəzi dərsliklər, həqiqətən də, müasir pedaqoji, psixoloji və metodik tələblərə cavab vermir. Təlim yükü ağır olub materialları akademik səviyyədə işlənən bu tipli dərsliklər çətin mənimsənildiyi üçün tədrisdə müxtəlif problemlər yaradır. Hazırkı təhsil naziri də mətbuata açıqlamalarında dərslik sahəsində olan problemlərə toxunub.

Sovet dönəmində SSRİ Pedaqoji Elmlər Akademiyası tərəfindən hazırlanan dərsliklərdən istifadə olunurdu. Yəni bu kitablar sırf pedaqoji elmlər üçün hazırlanırdı. Azərbaycan və digər ittifaq respublikaları bu dərsliklərin tərcümə olunmuş variantından istifadə edirdi. Sovet dönəmi dağıldıqdan sonra hər bir ölkə öz dərsliklərini yaratmağa başladı. O üzdən ilk vaxtlar Azərbaycanda da bəzi problemlər ortaya çıxdı. Ancaq görünən odur ki, bəzi dərsliklərin məzmununun çətin və ağır olması hələ də özünü göstərir. Azərbaycanın orta məktəblərində istifadə edilən "Həyat bilgisi" dərsliyi iqtisadi bilikləri özündə ehtiva edir. Qeyd edək ki, hazırda "Həyat bilgisi" fənni 1-8-ci sinif şagirdlərinə keçilir. 1-ci sinifdə tədris olunan "Həyat bilgisi" kitabında belə bir sual var: "ixtiyar sizdə olsaydı, pulu necə xərcləyərdiniz?". Birinci sinifdə oxuyan şagirdə bu cür sual vermək nə dərəcədə doğrudur? O yaşda olan uşaq nə bilir pulu nə cür xərcləmək lazımdır? Belə sual yuxarı sinif şagirdlərinin dərsliklərində öz əksini tapsaydı, hardasa başadüşülən olardı.

Məsələyə münasibət bildirən təhsil eksperti Əjdər Ağayevin sözlərinə görə, dərsliklər hazırlanarkən bu kimi məqamlara diqqət edilməlidir: "Bunun bir səbəbi ondan irəli gəlir ki, zaman, dövr dəyişib. Məsələ ondadır ki, indiki birinci sinifdə oxuyan uşaqlar 20 il əvvəlki uşaqlar deyil. Çox dəyişiblər və bəzən adama elə məntiqli cavab verirlər ki, təəccüblənməyə bilmirsən. Mənim nəvələrim var. Onlardan biri birinci sinfə gedir, digərinin 4 yaşı var. Ancaq onlar elə gözəl bilirlər ki, pul nədir və ixtiyar sahibi olsalar onu necə xərcləyəcəklər. Niyə pul yoxdur və olsa, onu necə xərcləməyin yolunu da bilirlər. İndiki uşaqlar qabaqkı dövrün uşaqlarından ona görə fəaldırlar ki, hər gün informasiya alırlar. Cəmiyyətdə də pul hər gün işlənən bir tədavül vasitəsidir. O üzdən, indiki uşaqlar bir qədər fərqlidir. Ancaq bu o demək deyil ki, bütün azyaşlı uşaqların bilik və anlayışı eyni səviyyədədir. Eləsi var ki, pul barədə anlayışı zəifdir. Belə halları da nəzərə almaq lazımdır. O baxımdan hesab edirəm ki, müasir dövrün tələblərinə rəğmən, bu kimi məqamlara diqqət etmək lazımdır. Yəni dərsliklər hazırlanarkən uşaqların yaş kateqoriyası nəzərə alınmalıdır".

Vidadi ORDAHALLI

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...