Uşaq bezləri böyük təhlükə mənbəyi imiş...

Tarix: 02.12.2015 / 01:25
Bölmə: Sosial

Aysel Əliyeva: "Bez istifadə olunan uşaqlarda hissiyyat refleksi zəifləyir"

"İstifadəyə yararsız bezlərin ölkə ərazisinə gətirilməsi qadağan olunmalıdır"

İndi bütün analar körpələri üçün birdəfəlik uşaq bezlərindən istifadə edir. Uşaq bezləri anaların rahatlığını artırdığı üçün çox az adam onun zərərləri barədə düşünür. Hətta yaşlı nəslin nümayəndələri də gənc analara baxıb "indi uşaq saxlamağa nə var ki, bağlayırsan pampersi, qoyursan saatlarla yatır" - deyirlər.

Mütəxəssislərin araşdırmalarına görə, uşaq bezləri xlorla ağardılır. Proses zamanı dioksin xaric olunur və bu maddə insan sağlamlığı üçün təhlükəli hesab edilən maddələrdən sayılır. ABŞ-ın Ətraf Mühitin Mühafizəsi Təşkilatının hesabatına görə, dioksinlər xərçəng yaradıcı maddələrdir. Belə ki, onlar qara ciyər funksiyasına təsir edə, immunitet, sinir və hormon sistemini sıradan çıxara bilər.

Bu günlərdə Türkiyənin Gömrük və Ticarət Nazirliyi bəzi uşaq bezlərinin satışına qadağa qoyub. Məlum olub ki, həmin bezlərin hazırlanmasında kimyəvi maddələrdən istifadə edilir. Həmin ölkənin həkimləri uşaq bezindən istifadə edən valideynlərə xəbərdarlıq edir ki, ehtiyatlı olsunlar. Səbəb həmin bezlərin tərkibindəki kimyəvi maddələrin körpələrə zərərli olmasıdır.

Qeyd edək ki, ölkəmizdə satılan belə məhsulların əksəriyyəti xaricdən idxal olunur, buna görə də valideynlər diqqətli olmalıdır.

Pediatr Aysel Əliyeva bizimlə söhbətində bildirdi ki, bez istifadə olunan uşaqlarda hissiyyat refleksi zəifləyir: "Onlar özlərində quruluq, nəmlik, soyuq, isti kimi hissləri hiss edə bilmir. Daim olaraq quru olan körpələrdə itən bu refleks onların nə zaman güvəcə getmək lazım olduğunu unutdurur. Buna görə valideyn istədiyi qədər övladını güvəcə öyrətsin, uşaq reflekslər bərpa olunana kimi özünü idarə edə bilmir".

Pediatr onu da əlavə etdi ki, bezlərin yaratdığı əsas problem dəri səpkisidir: "Bez gec dəyişdirildiyi halda dəri səpkiləri əmələ gəlir. Eyni zamanda, keyfiyyətli bez seçilmədikdə dərinin soyulma ehtimalı mövcuddur".

A.Əliyevanın sözlərinə görə, valideynlər uşaqlarına bez alarkən diqqətli olmalıdır: "Alınan bezi isə istifadə etdikdə ən gec 3 saatdan bir dəyişdirilməlidir. Günün 24 saatı bez istifadə etmək körpəyə zülm etməkdir. Ən azından gün ərzində 1 və ya 2 dəfə bezsiz geyindirərək körpə dərisinə rahatlıq vermək lazımdır. Valideynlər bez alarkən mütləq bağlı bezlərə üstünlük verməlidir".

Həmsöhbətimizin sözlərinə görə, qənaət etmək məqsədilə uşaq eyni bezdə uzun zaman saxlansa, körpədə dermatit əmələ gələ bilər: "Uşaq bezlərinin körpənin 6 ayından sonra istifadəsi məsləhət deyil".

Pediatr bildirdi ki, istifadəyə yararsız bezlərin ölkə ərazisinə gətirilməsi qadağan olunmalıdır: "Aidiyyəti qurumlar bu məsələdə aktiv olmalıdır. Gələcəyimiz olan uşaqların sağlamlığı üçün ucuz və keyfiyyətsiz bezlərin istifadəsinə qadağa qoyulmalıdır".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...