Kirayə geyimlərdə antisanitar - gigiyenik təhlükə...

Tarix: 01.12.2015 / 02:25
Bölmə: Sosial

Eyyub Hüseynov: "Kirayə verilən paltarlar bir dəfə istifadədən sonra dezinfeksiya edilməlidir"

Samirə Həsənova: "Bəzi zöhrəvi xəstəliklər var ki, kirayə geyimlər vasitəsilə yoluxmaq mümkündür"

Toy, şənlik, ya da xüsusi gün və gecələrdə bir çox insan xərci azaltmaq üçün kirayə paltarlar götürür. Hətta təkcə böyüklər üçün yox, uşaqlar üçün də kirayə geyimlər var.

Bir çox insan ziyafət donları, gəlinliklər, kostyum, ayaqqabılar, aksesuarlar, toy, ziyafət, ya da xüsusi mərasimlər üçün almaqdan çox kirayə paltara üstünlük verir, xüsusilə də bir dəfə geyiniləsi paltarları.

Kirayə paltar bazarında olan 1 geyimi həftə ərzində ən az 2-3 nəfər geyinir. Mütəxəssislər isə xəbərdarlıq edir ki, kirayə geyimlər dəri-zöhrəvi xəstəliklərin yaranmasına səbəb olur.

Maraqlıdır, insanların mütəmadi geyindiyi kirayə geyimlər kimyəvi təmizləməyə verilirmi?

Dermatoloq Samirə Həsənova bizimlə söhbətində qeyd etdi ki,

kirayə paltarların istifadəsi insanlarda göbələk, qotur və digər qorxulu dəri xəstəliklərinin yaranmasına gətirib çıxarır: "Kirayə verilən paltarlar bir dəfə istifadədən sonra dezinfeksiya edilməlidir. Ancaq çox zaman əlavə xərc olduğu üçün mağazalarda bu qaydalara əməl olunmur".

Həmsöhbətimiz bildirdi ki, bəzi dermatoloji xəstəliklər var ki, onlar təmas yolu ilə yoluxur. Natəmiz, geyinilmiş geyimlər qoturluq, dəmrov kimi xəstəliklərə səbəb olur. "Bəzi zöhrəvi xəstəliklər var ki, kirayə geyimlər vasitəsilə yoluxmaq mümkündür. Məsələn, bədəndə açıq sızanaq varsa, geyinilən natəmiz kirayə geyimdən həmin yaraya mikrob düşə bilər. Daha sonra həmin mikrob qana qarışa bilər və daha ağır fəsadlar yaranar".

Onun sözlərinə görə, çox zaman gözəl görünmək istəyi sağlığa üstün gəlir. Amma hər halda yenə də kirayə geyimlər götürən zaman paltarların kimyəvi təmizliyinə diqqət etmək lazımdır.

Dermatoloq onu da əlavə etdi ki, kirayə paltarlar uşaqlar üçün də götürülür. Xüsusən 3-6 yaş arasında uşaqlara kirayə paltar geyindirmək olmaz. Çünki bu dövrə qədər onların immun sistemi çox zəif olur və anında istənilən xəstəliyə yoluxma ehtimalı artır. Buna görə də uşaqlara öz paltarlarını geyindirmək daha məqsədəuyğundur: "Kirayə geyim geyindirilən uşaqlarda əlvan dəmrov, dəri infeksion xəstəlikləri və kontakt allergik reaksiyalar yarana bilər".

Azad İstehlakçılar Birliyinin sədri Eyyub Hüseynovun sözlərinə görə, kirayə bazarı haqqında quruma şikayətlər daxil olur: "Bizə bu barədə şikayət edənlər çoxdur. Bacardıqca kömək etməyə çalışırıq. Amma təklif edərdim ki, kirayə paltar almaqdansa, ucuz da olsa, özlərinə yeni paltar alsınlar. Yüz adamın əynindən çıxan geyimi geyinmək düzgün deyil".

Onun dediyinə görə, digər tərəfdən, satıcılarla müştəri arasında heç bir müqavilə bağlanmır. Şərtlər şifahi olduğu üçün çox zaman zərəri müştəri çəkir: "Kirayə verilən paltarlar bir dəfə istifadədən sonra dezinfeksiya edilməlidir. Ancaq çox zaman əlavə xərc olduğu üçün mağazalarda bu prosedura əməl olunmur".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...