18 metrlik avtobuslar dar Bakı küçələrində necə dönəcək?

Tarix: 25.11.2015 / 01:58
Bölmə: Sosial

Şahin Camalov: "18 metr uzunluğunda olan avtobusu xəttə buraxmaq tamamilə yanlış bir addımdır"

"Bu çox ciddi problemlərin yaranmasına gətirib çıxaracaq"

"Ardıcıl olaraq bir neçə avtobusun xəttə buraxılmağındansa, bir iritutumlu avtobusun xəttə fəaliyyət göstərməsi daha məqsədəuyğundur". Bunu "BakuBus" MMC-nin mətbuat xidmətinin rəhbəri Nuridə Allahyarova Bakıda iritutumlu sərnişin avtobusunun test edilməsinə münasibət bildirərkən deyib.

Onun sözlərinə görə, Bakıda müəyyən marşrut xətləri var ki, orada avtobusların böyük sıxlığı müşahidə olunur: "Bu məqsədlə Azərbaycana yeni iritutumlu avtobus gətirilib. Sınaqdan keçirilən avtobus 170 nəfər tutur, uzunluğu 18 metrdir. Fransanın ən məşhur şirkətlərindən birinin istehsalıdır".

N.Allahyarova bildirib ki, hələlik sözügedən avtobusun Bakıya neçə ədəd gətiriləcəyi və nə vaxtdan xəttə buraxılacağı barədə məlumat yoxdur. O vurğulayıb ki, bütün bunlar testin nəticələrindən sonra bəlli olacaq: "Avtobus 1 nömrəli xətt üzrə marşruta buraxılıb. Həm yol, həm də sərnişin tutumu baxımından test üçün uyğun olan marşrutu seçmişik. Testin nəticələrinə uyğun addım atacağıq. Hissələri "qarmoşka" ilə ayrılan avtobusun şəhərdə hərəkətinin rahat olub-olmaması hələ məlum deyil. Ona görə də xəttə bir neçə yox, bir ədəd yeni avtobus buraxdıq".

Aydın məsələdir ki, müxtəlif səbəblərdən Bakı yolları elə də geniş deyil. Şəhərin bir sıra yerlərində yollar dardır. Bundan başqa, paytaxta nəqliyyat vasitələrinin həddən artıq çox olması günün müxtəlif saatlarında tıxacların yaranmasına səbəb olur. Belə olan halda, 18 metr uzunluğunda avtobusların xəttə buraxılması və bunun sınaqdan uğurla çıxacağına ümid etmək nə dərəcədə doğrudur?

Məsələyə münasibət bildirən "Təhlükəsiz Yol" Alyansının koordinatoru Şahin Camalov buna tənqidi prizmadan yanaşdı. Onun fikrincə, bu cür avtobusların xəttə buraxılması məqsədəuyğun deyil: "Bir müddət əvvəl orta hissəsi "qarmoşka"lı olan avtobusların xəttə buraxılması effekt vermədi. Bakının bir neçə mərkəzi küçəsi buna şərait yaratsa da, digər küçələr, xüsusən də döngələr buna imkan vermir. Belə olan halda, 18 metr uzunluğunda olan avtobusu xəttə buraxmaq tamamilə yanlış bir addımdır. Yaxşı olardı ki, həmin qurumlar bu addımı atanda müvafiq hesablamalar aparardılar. Aparmayıblarsa, bu onların ciddi səhvindən irəli gəlir. Çünki bu çox ciddi problemlərin yaranmasına gətirib çıxaracaq. Bakı şəhərində nəqliyyatın axını, intensivliyi, küçələrin dar olması bu kimi nəqliyyat vasitələrindən normal səviyyədə istifadə olunmasını mümkünsüz edir. Bu tip avtobusların xəttə buraxılması tıxacları daha da artıracaq. Fikrimcə, 18 metr uzunluğunda avtobuslardansa, "BakuBus"un istifadə etdiyi müasir avtobuslar daha əlverişlidir.

Yaxşı olardı ki, həmin nəqliyyat vasitələrinin sayı artırılsın. Onlardan böyük avtobusların xəttə buraxılması effekt verməz, əksinə, əlavə problemlər yaradacaq. Xüsusən də nəqliyyatın axınında problem yaradacaq".

Vidadi ORDAHALLI

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...