DİN-in uşaqlara qarşı zorakılıq halları ilə bağlı məlumatı ekspertlərin də diqqətini çəkdi

Tarix: 20.11.2015 / 01:55
Bölmə: Sosial

Kəmalə Ağazadə: "Azyaşlı zorakılığa məruz qaldıqdan sonra psixoloji sarsıntı keçirir və onda şüuraltı xəstəliklər baş qaldırır"

"Uşaqlara qarşı zorakılığın aradan qaldırılması istiqamətində aidiyyəti qurumlar tərəfindən müəyyən tədbirlər görülür"

Son illər ölkəmizdə uşaq hüquqlarının qorunması istiqamətində müvafiq tədbirlərin həyata keçirilməsinə baxmayaraq, həm paytaxtda, həm də bölgələrdə azyaşlılara qarşı zorakılıq hallarına təsadüf edilir.

Açıqlanan statistik rəqəmlərə əsasən, bu ilin ilk 9 ayında Azərbaycanda azyaşlılara qarşı 470 cinayət hadisəsi baş verib, onun 133-ü zorakılıqla bağlı olub. Bu barədə Daxili İşlər Nazirliyinin idarə rəisi Adıgözəl Adıgözəlov uşaq hüquqları ilə bağlı keçirilən konfransda çıxışı zamanı deyib. Onun sözlərinə görə, 2010-cu ildən başlayaraq, belə cinayətlərin dinamikasında azalma müşahidə edilir. A.Adıgözəlov bildirib ki, əvvəlki illərdə uşaqlara qarşı törədilən zorakılıq cinayətləri müəyyən qədər məişət zəminində baş versə də, bu il zorakılıqla bağlı törədilən 133 cinayətin çox cüzi bir hissəsi - 7-si məişət zəminində olub: "Azərbaycan ailələrində zorakılığa məruz qalan bəzi uşaqların nə özləri, nə də valideynləri hüquq-mühafizə orqanlarına müraciət etmir. Bu da sonda böyük fəsadlara səbəb olur".

Uşaqlara qarşı törədilən zorakılıq faktları ilə bağlı qəzetimizə açıqlama verən uşaq hüquqları sahəsi üzrə ekspert Kəmalə Ağazadə bildirdi ki, ötən illərlə müqayisədə bu il uşaqlara qarşı törədilən məişət zorakılığının qarşısı alınıb. Onun sözlərinə görə, uşaqlara qarşı zorakılığın aradan qaldırılması istiqamətində aidiyyəti qurumlar tərəfindən müəyyən tədbirlər görülür: "Daxili İşlər Nazirliyi, Ailə, Qadın və Uşaq Problemləri üzrə Dövlət Komitəsi, Təhsil, Səhiyyə və Əmək və Əhalinin Sosial Müdafiəsi Nazirliyi bu sahədə xeyli işlər görür. Bu qurumlar tərəfindən silsilə tədbirlər keçirilir. Daxili İşlər Nazirliyi zorakılığa məruz qalan uşaqların sonrakı həyatı ilə məşğul olur. Yəni onların sığınacağa yerləşdirilməsi məsələsində kifayət qədər iş görür".

Zorakılıq hallarının qarşısının alınması istiqamətində bu gün məzun evi yaradılıb ki, onlar hansısa cinayətkar qrupun təsirinə düşməsin.

Həmsöhbətimiz qeyd etdi ki, azyaşlı zorakılığa məruz qaldıqdan sonra psixoloji sarsıntı keçirir və onda şüuraltı xəstəliklər baş qaldırır: "Cinsi zorakılığa məruz qalmış azyaşlı hadisəni yaşadığı müddətdə anlamasa da, müəyyən zaman keçdikdən sonra kənardan eşitdiyi məlumatlar nəticəsində məsələdən agah olur və gəncin beynində şizofreniya yaranır, psixoloji problemlər baş qaldırır. Gələcəkdə bu, nevrotik hallarla nəticələnir və zorakılığa məruz qalmış insanın həyatı alt-üst olur. Bu kimi xəstələr psixoloqa müraciət etdikdə müalicə uzunmüddətli olur, bəzən isə xəstənin sağalmaq ehtimalı sıfıra bərabər olur".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...