Dünyada tələbə təqaüdləri azaldılır, Azərbaycanda isə...

Tarix: 12.11.2015 / 02:04
Bölmə: Sosial

Jalə Əliyeva: "Sözügedən sərəncamın ən böyük özəlliklərindən və üstünlüklərindən biri də odur ki..."

"Bu onların həm də məsuliyyətini, elmə, təhsilə həvəsini bir daha artırmış olacaq"

Məlum olduğu kimi, Prezidentin 10 noyabr 2015-ci il tarixli Sərəncamı ilə "Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması haqqında" 2013-cü il 30 avqust tarixli, 3108 nömrəli Sərəncamında dəyişikliklər edilib.

Dəyişikliklərə əsasən, ödənişli əsaslarla təhsil alan tələbələrə də təqaüd veriləcək.

Sərəncama müvafiq olaraq ali və orta ixtisas təhsil müəssisələrində əyani formada təhsil alan tələbələrə, ödənişsiz və ya ödənişli əsaslarla təhsil almalarından asılı olmayaraq, təqaüdlər ümumi orta müvəffəqiyyət göstəricisi nəzərə alınmaqla, fənlər üzrə akademik nailiyyətlərinə görə ödəniləcək. Yeni qayda tələbə təqaüdünün həqiqi təyinatını özündə əks etdirir və ədalət prinsipinə əsaslanır. Belə ki, sərəncama müvafiq olaraq birinci yarımildən sonra, tələbənin dövlət sifarişi və ya ödənişli əsaslarla təhsil almasından asılı olmayaraq, təqaüd təhsil müəssisəsinə cari ildə həmin ixtisas üzrə dövlət sifarişi ilə qəbul olunmuş tələbələrin ümumi sayı gözlənilməklə, yüksək akademik göstəriciləri ilə fərqlənənlərə təyin ediləcək.

Sərəncam həmçinin bir sıra sosialyönümlü üstünlüklərə malikdir. Belə ki, sərəncamın tətbiqi aztəminatlı ailələrdən olan, ödənişli əsaslarla təhsil alan və yüksək akademik göstəricilərlə fərqlənən tələbələrə təqaüd almaq imkanı yaradır. Bununla yanaşı, qaçqın və məcburi köçkünlər, həmçinin təhsil haqqı dövlət tərəfindən ödənilən digər imtiyazlı ailələrdən olan tələbələr sosial rifah halını yaxşılaşdırmaq imkanı əldə edəcək.

Bütövlükdə, Prezidentin sözügedən sərəncamını ekspertlər necə dəyərləndirir?

Sözügedən məsələni dəyərləndirən millət vəkili Jalə Əliyevanın fikrincə, indiki reallıqda doktorantların, o cümlədən, ali və orta ixtisas məktəbləri tələbələrinin təqaüdlərinin artırılması çox müsbət addımdır: "Bu həm də onun göstəricisidir ki, dünyada qlobal iqtisadi təlatümlər, sarsıntılar yaşanmasına baxmayaraq, tələbələrə diqqət var. Hətta növbəti ilin büdcəsində müəyyən azaldılmalar edilməsinə baxmayaraq, ölkə əhalisinin, xüsusilə onun daim qayğıya və diqqətə ehtiyacı olan təbəqəsinin-tələbələrin sosial durumunun yaxşılaşdırılması, onların elmə, təhsilə həvəsinin daha da stimullaşdırılması Azərbaycan dövlətinin və ölkə Prezidentinin fəaliyyətinin başlıca prioritet istiqamətlərindəndir. Dövlət başçısı özü həmişə çıxışlarında vurğulayıb ki, Azərbaycan gəncliyi, savadlı və bilikli nəsil ölkənin gələcəyidir, intellektual kapitalıdır. Bu istiqamətdə nə lazımdırsa, onlar edilməlidir və necə ki, edilir. Bu sərəncamın ən böyük özəlliklərindən və üstünlüklərindən biri də odur ki, ilk dəfə olaraq ödənişli təhsil alan gənclərin, tələbələrin təqaüdlə təmin olunması nəzərdə tutulur. Bəlkə də Azərbaycan dünyanın yeganə ölkəsidir ki, məhz ödənişli təhsil alan tələbələr üçün təqaüd, büdcədən vəsait ayrılır.

Bu özü bir daha onu göstərir və sübut edir ki, bilikli, savadlı, elmli gənclik Azərbaycan dövlətinin baş məqsədlərindən biridir.

Ona görə hesab edirəm ki, bu addım tələbələrimiz tərəfindən də birmənalı olaraq çox müsbət qarşılanacaq. Bu onların həm də məsuliyyətini, elmə, təhsilə həvəsini bir daha artırmış olacaq".

Vidadi ORDAHALLI

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...