Falçılığın kökünü tam kəsmək mümkün olacaqmı?

Tarix: 05.11.2015 / 01:58
Bölmə: Sosial

Səbuhi Rəhimli: "Azərbaycanda az qala hər kənddə, hər küçədə bir falçı, cadugər var"

Firudin Qurbansoy: "Bu elə fəsaddır ki, qanunla tam şəkildə qarşısını almaq mümkün deyil"

Xəbər verildiyi kimi, Azərbaycanda falçıların fəaliyyəti qanunla qadağan olunur. Dini Qurumlarla İş üzrə Dövlət Komitəsinin sədri Mübariz Qurbanlı mediaya açıqlamasında bildirib ki, dini ayinlərin və mərasimlərin yalnız rəsmi aidiyyəti şəxslər tərəfindən keçirilməsi ilə bağlı qərar layihəsi hazırlanır.

Qərar layihəsinin Nazirlər Kabinetinə təqdim olunacağını deyən komitə sədri qeyd edib ki, bu qərarın qüvvəyə minməsi ilə eyni zamanda falçılıqla məşğul olanların da fəaliyyəti qadağan olunacaq: "Səmavi dinlərdə, o cümlədən islamda falçılıq onsuz da qəbul edilmir". M.Qurbanlı bildirib ki, belə hallara yol verən şəxslər həmin qərar əsasında ciddi cəzalandırılacaq.

Qeyd edək ki, həm yerli və həm də xarici telekanallarda falçıların baxıcı gücünü müəyyən edən verilişlər mövcuddur. Proqrama dəvət olunan falçılar kiminsə keçmiş və gələcək həyatını deyirlər. Keçmiş həyatını düzgün müəyyən edən baxıcı ən yaxşı falçı kimi tanınır.

Maraqlıdır, falçıların fəaliyyəti tam şəkildə necə qadağan olunacaq?

Astroloq Səbuhi Rəhimlinin sözlərinə görə, Azərbaycanda az qala hər kənddə, hər küçədə bir falçı, cadugər var: "Televiziya və qəzetlərdə, jurnal və saytlarda onlara gen-bol meydan verilir. İnsanların savadsızlığından, cahilliyindən yararlanan belələri var-dövlət yığaraq az qala özlərini elitar təbəqə hesab edirlər. Acınacaqlısı odur ki, qara enerji yayan belələrini yüksək rütbəli məmurlar da az müdafiə etmir. 1997-ci ildə dünya ruhaniləri cadugərliyin tüğyan etməsi səbəbindən Bakını "4-cü cəhənnəm nöqtəsi" elan etmişdilər. Təəssüf ki, bu hallar hələ də davam edir. Məncə, ilk növbədə, bu halların yaranmasına səbəb olan zəmini aradan qaldırmaq lazımdır".

S.Rəhimlinin sözlərinə görə, fırıldaqçılara üz tutan insanların əksəriyyəti ümidsizliyə qapılanlardır: "İradəsi zəif olan insanların böyük əksəriyyəti guya ümid işartılarına yetişmək üçün belə fırıldaqçıların yanına üz tutur. Daimi aldanmalarına, maddi baxımdan soyulmalarına baxmayaraq, sanki hipnoz təsiri altına düşərək belələrinin daimi müştərisinə çevrilirlər. Şəxsən mən 20 ildən çoxdur belələrini ifşa etməklə məşğulam".

Astroloq Firudin Qurbansoy hesab edir ki, Azərbaycanda falçılığın qanunla qadağan olunması təqdirəlayiq qərardır: "Azərbaycanda cadugərlər, falçılar cahil əməlləri ilə nə qədər insanı bədbəxt ediblər. Hətta onların əməllərindən dünyasını dəyişənlər də olub. Ona görə də bu qərar vaxtında verilməli, belə mənfi halların azaldılması üçün şərait yaradılmalı idi. Düzdür, bu elə fəsaddır ki, qanunla tam şəkildə qarşısını almaq mümkün deyil. Lakin müəyyən qədər azalmasına səy göstərilməsi çox müsbət haldır".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...