Yetkinlik yaşına çatmayan qızlarımız arasında cinayət meylləri...

Tarix: 30.10.2015 / 01:36
Bölmə: Sosial

Aytəkin Kamranqızı: "Yetkinlik yaşına çatmayan qızların adının cinayətdə hallanması təəssüf doğurur"

"Yeniyetmə qızların cinayət törətməsinin əsas səbəblərindən biri onların tez bir zamanda kriminal aləmin təsirinə düşməsidir"

Azərbaycanda yetkinlik yaşına çatmayanlar arasında cinayət törətmə halları artıb. Balaca cinayətkarların bir qisminin taleyinə məhkumluq həyatı yaşamaq düşür, bir qismi isə müxtəlif cəza növlərilə canını həbsxanaya düşməkdən qurtararaq ailələrinə qaytarılır.

Dövlət Statistika Komitəsinin məlumatına görə, 2015-ci ilin birinci yarısında cinayət törətmiş 14-18 yaşadək olan uşaqların sayı 239 olub ki, bunun 232 nəfəri oğlanlar, 7 nəfəri isə qızlardır.

Məlumata əsasən, 2014-cü ilin müvafiq dövrü ilə müqayisədə cinayət törətmiş uşaqların sayında azalma olub. 2014-cü ilin birinci yarısı 242 cinayət hadisəsini 14-18 yaşadək uşaqlar törədib ki, bunun da 232 nəfəri oğlanlar, 10 nəfəri isə qızlardır.

2015-ci ilin birinci yarısında bu yaş qrupunda olan uşaqların 6 nəfəri (5-i oğlan, 1-i qız) qəsdən adam öldürmə və adam öldürməyə cəhddə, 17 nəfəri (17-si oğlan) qəsdən sağlamlığa zərər vurmada, 122 nəfər (120-si oğlan, 2-si qız) oğurluqda, 2 nəfər (oğlan) soyğunçuluqda, 5 nəfər (oğlan) quldurluqda, 2 nəfər (oğlan) dələduzluqda, 16 nəfər (oğlan) xuliqanlıqda, 5 nəfər (oğlan) narkotik vasitələrlə bağlı cinayətlərdə, 11 nəfər (10-u oğlan, 1-i qız) hərəkət təhlükəsizliyi və nəqliyyat vasitələrinin istismarı qaydaları əleyhinə olan cinayətlərdə, 53 nəfər (50-si oğlan, 3-ü qız) digər cinayətlərdə təqsirləndirilir.

2015-ci ilin birinci yarısında 142 nəfər 14-18 yaşadək olan uşaqlar məhkum edilib ki, bunların 139-u oğlan, 3-ü qızlardır.

2014-cü ilin müvafiq dövründə isə məhkum edilmiş 14-18 yaşadək uşaqların sayı 150 nəfər olub ki, bunun 148 nəfəri oğlanlar, 2-si isə qızlar olub. 2015-ci ilin birinci yarısınadək məhkum edilmiş 14-18 yaşadək uşaqların 18 nəfəri 5 ilədək, 26 nəfəri 5 ildən 10 ilədək azadlıqdan məhrum edilib. Bu müddətdə 14-18 yaşadək məhkum edilmiş uşaqların 41 nəfəri cərimə olunub, 12 nəfəri islah işlərinə, 1 nəfəri ictimai işlərə, 44 nəfəri isə şərti məhkumetməyə cəlb olunub.

Əsas təəssüf doğuran hal cinayət törətmiş yetkinlik yaşına çatmayanlar arasında oğlanlarla bərabər qızların da olmasıdır.

Sosioloq Aytəkin Kamranqızı bizimlə söhbətində bildirdi ki, yetkinlik yaşına çatmayan qızların adının cinayətdə hallanması təəssüf doğurur. Onun sözlərinə görə, yetkinlik yaşına çatmayan qızların cinayət və cinayət xarakterli əməllər törətməsinin bir sıra səbəbləri var: "Ailə daxilində valideynlərin zorakılığı uşaqların bu kimi vərdişlərə yiyələnməsinə səbəb olur. Adətən zorakılıqla qarşılaşmış yeniyetmə qız ətrafında olan kiməsə analoji hərəkət etmək istəyəcək. Yeniyetmə qızların cinayət törətməsinin əsas səbəblərindən biri onların tez bir zamanda kriminal aləmin təsirinə düşməsidir. Bəzən yeniyetmələr ünsiyyət tələbatının və özünü aktuallaşdırma tələbatının ödənilmədiyi səbəbindən qeyri-sağlam qruplara cəlb olunur və həmin qruplar da onların bu istəklərini özlərinə lazım olan istiqamətə yönəltməklə reallaşdırmağa çalışırlar".

Həmsöhbətimiz onu da bildirdi ki, cinayət törətmiş yeniyetmələrin ailə tərzinə nəzər salanda aydın olur ki, o ailədə tərbiyə anlayışı yoxdur: "Yəni valideynlər - həm ana, həm də ata siqaret çəkir, alkoqollu içkilərdən istifadə etməsi yeniyetmələrə təsir edir. Böyükləri təqlid edərək və adətən bunun nə ilə nəticələnəcəyini bilməyərək onlar da bu kimi zərərli vərdişlərə aludə olur. Bu kimi vərdişlər zaman-zaman daha da inkişaf edir. Narkomaniya, toksikomaniya kimi bəlalara yoluxmağa, bu ehtiyacları ödəmək üçün hüquq pozuntularına meyllənməyə səbəb olur. Digər amillər kimi daxili eqodan yaranan bəzi xüsusiyyətləri - münaqişəyə meyllilik, paxıllıq və s. göstərmək olar ki, bunları da düzgün tərbiyə vasitəsilə yönləndirmək mümkündür".

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...