Azərbaycanlı körpələrin adları ilə tariximizə səyahət...

Tarix: 28.10.2015 / 01:35
Bölmə: Sosial

Aytəkin Kamranqızı: "Tarixi adlara gənclərin maraq göstərməsi sevindiricidir"

"Tarixi adların ictimaiyyət arasında geniş təbliğ edilməsində ziyalıların da rolu nəzərə çarpmalıdır"

Azərbaycan xalqı tarixən böyük bir ad mədəniyyətinə sahib olub. Tarixi gerçəklik onu göstərir ki, Azərbaycan xalqı islam dinini qəbul edənə qədər onun məişətində milli adlar üstünlük təşkil edib.

İnsanlar ətraf mühitdə gördüklərini, şahidi olduqları təbii hadisələri bəzən çox mənalı bir milli ada çevirib. Respublikamızda milli adların qoyulması, onların qorunması, nəsildən-nəsilə ötürülməsi zaman-zaman böyük bir ənənəyə çevrilib. Düzdür, vaxt olub ki, milli adların qoyulması sahəsində müəyyən boşluqlar yaşanıb. Bu da onunla bağlıdır ki, beynəlxalq adlar, bolşevizm ideologiyasından doğulan isimlər cəmiyyətimizdə bir növ vətəndaşlıq statusu alıb. Bu da, istər-istəməz, milli adlarımızın sırasını seyrəldib.

Açıqlanan məlumatlara görə, Azərbaycanda son dövrlərdə uşaqlara daha çox tarixi adlar qoyulur. Bu barədə Nazirlər Kabineti yanında Terminologiya Komissiyasının sədr müavini Sayalı Sadıqova media nümayəndələrinə açıqlamasında deyib.

Onun sözlərinə görə, son dövrlərdə uşaqlara daha çox qədim Orxon-Yenisey abidələrində, "Dədə-Qorqud"da, Mahmud Kaşğarlının divanında verilən adlardan istifadə edilir: "Məsələn, bizə "Albas" adının qoyulması üçün müraciət ediblər. Türk mənşəli olan bu ad Qıpçaq hökmdarının adıdır, daha çox mübarizlik, qəhrəmanlıq mənasını ifadə edir. Son dövrdə bizə "Alpər", "Beyrək" adının qoyulması üçün də müraciət edirlər. Belə adların yenidən qayıtması bizim milliliyimizi, kimliyimizi əks etdirir".

Sosioloq Aytəkin Kamranqızı bizimlə söhbətində bildirdi ki,

tarixi adlara gənclərin maraq göstərməsi sevindiricidir: "Tarixi adlar xalqın soykökünün nişanəsidir. Bu cür adlar nə qədər çox olarsa, camaatın milli dəyərlərə rəğbəti bir o qədər artar. Azərbaycan ictimaiyyəti son illər tarixi adların yayılmasına, qorunmasına böyük önəm verir. Bu da bizim tariximizə olan hörmətdən irəli gəlir. Tarixi adları daşıyan şəxslər gələcəkdə öz tanışlarına böyük qürur hissilə adının nə məna daşıdığını izah edəcək".

Həmsöhbətimiz hesab edir ki, tarixi adların ictimaiyyət arasında geniş təbliğ edilməsində ziyalıların da rolu nəzərə çarpmalıdır. İctimai marağın kütləvi olaraq milli kökənli adlara yönəldilməli olduğunu deyən müsahibimizin qənaətinə görə, bu, müstəqil Azərbaycana yaraşan bir addım olardı: "Müstəqil Azərbaycanın özünün müstəqil, lakin ənənələrə söykənən ad siyasəti, ad yaradıcılığı olmalıdır. Artıq vətənimizin adına yaraşan tarixi adların yenidən həyata qaytarılması prosesinə başlanıb. Bu hər bir vətəndaşın, ictimaiyyət nümayəndəsinin ürəyindən olan bir məsələdir".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...