Nəqliyyat Nazirliyinin bir neçə mühüm səlahiyyəti Yol Polisinə verildi

Tarix: 16.10.2015 / 03:28
Bölmə: Sosial

Şahin Camalov: "Baş Dövlət Yol Polisi İdarəsi ona həvalə edilən işin öhdəsindən layiqincə gələcək"

"Nəqliyyat Nazirliyinin inzibati xətalara baxmaqla bağlı xeyli səlahiyyətinin alınaraq Dövlət Yol Polisinə verilməsi olduqca mütərəqqi bir addımdır"

Məlum olduğu kimi, ölkə başçısı İlham Əliyevin 14 oktyabr 2015-ci il tarixli Fərmanı ilə Nəqliyyat Nazirliyinin inzibati xətalara baxmaqla bağlı xeyli səlahiyyəti alınaraq Dövlət Yol Polisinə verilib.

Prezidentin yeni Fərmanına əsasən, İnzibati Xətalar Məcəlləsində nəzərdə tutulan və əvvəllər Nəqliyyat Nazirliyinə tabe olan qurumların baxdığı bəzi inzibati xətalara dair məsələlərə bundan sonra Baş Dövlət Yol Polisi baxacaq. Həmin maddələr aşağıdakılardır:

- taksi tanınma nişanları, taksometr və ya sərnişin və baqaj daşınması qaydaları ilə müəyyən edilmiş digər məlumat göstəriciləri olmadan taksi minik avtomobili ilə sərnişin daşımalarının həyata keçirilməsi (150-2.1.2-ci maddə);

- sərnişin və baqaj daşınması qaydaları ilə müəyyən edilmiş daşınma sənədləri olmadan sərnişin daşımalarının həyata keçirilməsi (150-2.1.7-ci maddə);

- avtomobil nəqliyyatı ilə yük daşınması qaydalarında nəzərdə tutulmuş daşınma şərtlərinin pozulması (150-3-cü maddə);

- xüsusi razılıq (lisenziya) olmadan avtomobil nəqliyyatı ilə sərnişin və yük daşınması, yaxud lisenziya şərtlərinin pozulması (150-4-cü maddə);

- avtomobil yollarında, prospektlərdə, küçələrdə, təhkim və mühafizə zolağında yol hərəkətinin təhlükəsizliyinin pozulması ilə bağlı olan xeyli xətalar (163-cü maddə);

- iriqabaritli və (və ya) ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələblərin pozulması (163-1-ci maddə);

- avtobuslarda və taksi minik avtomobillərində sərnişinlərin icbari fərdi qəza sığortasının olmaması və bəzi başqa xətalar (163-1-ci maddə).

Qeyd edək ki, yuxarıda sadalanan xətaların törədilməsini aşkar etmək və həmin xətaları törədənləri məsuliyyətə cəlb etmək bundan sonra Dövlət Yol Polisi tərəfindən həyata keçiriləcək.

"Təhlükəsiz Yol" Alyansının koordinatoru Şahin Camalov "Bakı-Xəbər"ə açıqlamasında qeyd etdi ki, ölkə başçısının Fərmanına əsasən, İnzibati Xətalar Məcəlləsinə dəyişiklik olunub: "İlk növbədə qeyd etmək istəyirəm ki, Nəqliyyat Nazirliyinin inzibati xətalara baxmaqla bağlı xeyli səlahiyyətinin alınaraq Dövlət Yol Polisinə verilməsi olduqca mütərəqqi bir addımdır.

Dəfələrlə öz müsahibələrimdə qeyd etmişəm ki, Nəqliyyat Nazirliyi bu məsələdə öz üzərinə düşən vəzifəni icra edə bilmir. Onlar güc strukturu olmadığını dərk etmirdilər. Hətta deyərdim ki, güc strukturu belə sürücüyə kobud münasibət bəsləmir və proseslərə aqressiv reaksiya vermir. Mən deyərdim ki, Nəqliyyat Nazirliyi öz səlahiyyətlərini düzgün icra etmirdi. Hətta onların əməkdaşları sürücüləri döyməkdən belə çəkinmirdi. Ümid edirəm ki, İnzibati Xətalar Məcəlləsinə edilən dəyişiklik bu sahədə yaşanan problemləri aradan qaldıracaq".

Ş.Camalov əminliklə bildirdi ki, Baş Dövlət Yol Polisi İdarəsi ona həvalə edilən işin öhdəsindən layiqincə gələcək.

Günel CƏLİLOVA

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...