Amerika Birləşmiş Ştatlarında prezident seçkilərindən sonra Donald Tramp əleyhinə keçirilən etiraz aksiyalarının arxasında bir çox ölkələrdə baş vermiş "rəngli inqilablar"ın müəllifi kimi tanınan iş adamı Corc Sorosun dayandığı ortaya çıxır.
Baki-xeber.com xarici KİV-ə istinadən xəbər verir ki, seçkilərdə qələbə qazanmış Trampa qarşı etiraz aksiyalarını demokrat namizəd Hillari Klintonu da dəstəkləyən sərmayədar yəhudi iş adamı Corc Sorosun maliyyələşdirdiyi təşkilatlar təşkil edir. Qeyd edilir ki, prezident seçkilərində Demokrat Hillari Klintonun "Mavi Amerika"sının qarşısına "Qırmızı Amerika" ilə çıxan Respublikaçı Donald Trampa Klintonlar "Bənövşəyi inqilab"la cavab verir. Belə ki, Amerika mətbuatı seçki məğlubiyyətinin ertəsi günü həyat yoldaşı Bill Klintonla birlikdə bənövşəyi rəngdə paltar geyərək jurnalistlərin qarşısına çıxan Klintonların gedişlərinin səssiz olmayacağını, intiqamlarını bənövşəyi inqilabla alacaqlarını iddia edir. İndi isə ABŞ-ın 45-ci prezidenti seçilən respublikaçı Donald Trampa qarşı təşkil edilən etiraz aksiyalarından bəzilərinin demokratların namizədi Hillari Klintona simpatiyasını gizlətməyən investor, Macarıstan yəhudisi Corc Sorosun maliyyələşdirdiyi qruplar tərəfindən təşkil edildiyi ortaya çıxır.
"Sputnik" yazır ki, MoveOn.org təşkilatının seçkilərdən bir gün sonra yaydığı açıqlamada Sorosla əlaqəli bu qrup tərəfindən təşkil ediləcək anti-Tramp etirazlarının "ksenofobiya, islamofobiya və qadın düşmənçiliyinin amerikalılar tərəfindən rədd edildiyinin bir təsdiqi" olacağı bildirilirdi. Təşkilat amerikalıları "hələ mümkün olduqlarına inandıqları Amerika üçün mübarizə aparmağa" və küçələrə çıxmağa çağırmışdı. Qrupun amerikalılar etiraz etməyə çağırdığı meydanlardan biri də Ağ Evin qarşısı idi.
Digər tərəfdən Klintonun seçki kampaniyasının rəhbəri Con Podestanın WikiLeaks tərəfindən sızdırılan e-poçtları da MoveOn.org ilə milyarder iş adamı Soros arasındakı əlaqələri təsdiqləyir. "Washington Post" qəzetində 2004-cü ildə dərc olunan bir məqalədə isə Soros və həyat yoldaşının MoveOn.org-a 1.46 milyon dollar yardım etdiyi ortaya çıxarılmışdı.
TAHİR