Rusiya Prezidenti Vladimir Putin və ABŞ Prezidenti Donald Tramp Çinin Şençjen şəhərində keçirilən APEC sammiti çərçivəsində təşkil olunan rəsmi qəbulda görüşüblər.
Rusiya mediasının məlumatına görə, liderlər bir-birini salamlayaraq əl sıxışıb və ayaqüstü qısa söhbət ediblər.
Qəbul ənənəyə uyğun olaraq sammitə ev sahibliyi edən ölkənin lideri, Çin Prezidenti Si Cinpinin adından təşkil olunub. Sammitdə iştirak edən ölkələrin nümayəndə heyətlərinin rəhbərləri mərasimə növbə ilə gəliblər. Onları Si Cinpin və həyat yoldaşı qarşılayıb, daha sonra iştirakçılar ənənəvi birgə foto çəkiliş üçün toplaşıblar.
Foto çəkiliş zamanı Putin və Tramp Si Cinpin və həyat yoldaşının hər iki tərəfində yer alıblar. Mərasim başa çatdıqdan sonra Rusiya Prezidenti digər sammit iştirakçıları ilə də salamlaşmaq üçün bir qədər gec ayrılıb.
Bu arada, Rusiya prezidentinin köməkçisi Yuri Uşakov bildirib ki, Putin və Trampın görüşündə hər iki ölkənin nümayəndə heyətlərinin tərkibi kifayət qədər məhdud olacaq.
“Əgər Putin və Trampın görüşünü nəzərdə tutursunuzsa, nümayəndə heyətlərinin tərkibinin kifayət qədər kiçik olacağı dəqiqdir. Orada böyük nümayəndə heyətləri olmayacaq”, – Uşakov “Vesti”yə açıqlamasında deyib.
Tahir TAĞIYEV