ABŞ hərbçiləri çərşənbə axşamı İran ərazisinə yeni hava zərbələri endirib. Bu barədə “Reuters” ABŞ Silahlı Qüvvələrinin nümayəndəsinə istinadən məlumat yayıb.
Məlumata görə, ABŞ qırıcıları İranın Qeşm adasında yerləşən raket buraxılış qurğusunu hədəfə alıb. Zərbələrin İranın ABŞ hərbçilərinə və obyektlərinə hücumlarına cavab olaraq həyata keçirildiyi bildirilib.
ABŞ hərbi rəsmisi əməliyyatla bağlı əlavə təfərrüat açıqlamayıb.
Bundan əvvəl İran İslam İnqilabı Keşikçiləri Korpusu (SEPAH) ölkənin cənubunda, Qeşm adası yaxınlığında ABŞ-a məxsus MQ-1 kəşfiyyat-zərbə pilotsuz uçuş aparatının (PUA) məhv edildiyini bəyan etmişdi.
Hadisələrlə bağlı “Pars Today” Telegram kanalı isə ABŞ-nin Qeşm adasına hücumu nəticəsində azı altı zərbənin qeydə alındığını bildirib.
Tahir TAĞIYEV