Ermənistanın baş naziri Nikol Paşinyanın Türkiyədən özü ilə götürdüyü və üç ölkə boyunca gəzdirdiyi bananla bağlı sosial şəbəkələrdə maraqlı əhvalat yaşanıb. Baş nazir noyabrın 16-da bananı yeyərək bu qeyri-adi səyahətə son qoyub.
Məlumata görə, hadisə noyabrın 11-də Paşinyanın Türkiyədə iştirak etdiyi COP31 İqlim Sammitindən sonra başlayıb. Ermənistan hökumətinin başçısı Antalyadan ayrılarkən bananı cibinə qoyub və bu görüntülər sosial şəbəkələrdə geniş yayılıb.
Noyabrın 12-də İrlandiyanın paytaxtı Dublində keçirilən Avropa Siyasi Birliyi sammitindən video paylaşan Paşinyan bananı cibindən çıxararaq masanın üzərinə qoyub. Bununla onun bananı Dublinə apardığı məlum olub.
Noyabrın 13-də isə baş nazir bananı Ermənistana gətirdiyini əks etdirən növbəti video yayımlayıb. O, bananı Türkiyə, İrlandiya və Ermənistana gedərkən yanında daşıyıb.
Noyabrın 14-də “Şərqi Asiyaya gedirəm” qeydi ilə paylaşım edən Paşinyan bananı otağındakı seyfə qoyaraq kilidləyib.
Noyabrın 16-da axşam saatlarında isə Ermənistanın baş naziri bananı yeyərək onun qeyri-adi səyahətinə son qoyub.
Paşinyanın bananla bağlı paylaşımları sosial şəbəkələrdə geniş müzakirələrə səbəb olub.
Tahir TAĞIYEV