Qasım Hacıyev: "Bu təşkilatın qəbul etdiyi qətnamənin heç bir tarixi, siyasi, hüququ gücü yoxdur, çünki əsassızdır"
Nikol Paşinyan hökuməti Qarabağ sevdasından əl çəksə də, xaricdəki erməni diaspor və lobbi təşkilatları hələ də bu çürük fikirdən əl çəkmək istəmirlər. Odur ki, pulla ələ aldıqları təşkilarları Azərbaycana qarşı qaldırırlar, gerçəkləşməsi mümkün olmayan xam xəyallarını həyata keçirmək istəyirlər.
İndi də "Beynəlxalq Soyqırımı Tədqiqatçıları Assosiasiyası" adlı bir təşkilat vasitəsilə Azərbaycana təzyiq göstərməyə çalışırlar ki, Azərbaycan erməniləri vaxtilə könüllü köçüb getdikləri Qarabağa qaytarsın. Erməni lobbisinin əlində oyuncağa çevrilən "Beynəlxalq Soyqırımı Tədqiqatçıları Assosiasiyası" Qarabağla bağlı qətnamə qəbul edib. Guya ki, Azərbaycan Qarabağda "soyqırım" həyata keçirib və sözügedən təşkilat ölkəmizin Qarabağı işğaldan azad etməsini "soyqırım" kimi qəbul edib.
2022-2023-cü illərdə Azərbaycanın Dağlıq Qarabağdakı fəaliyyəti qətnamədə soyqırım kimi qiymətləndirilir.
"Erməni Soyqırımı Muzey-İnstitutunun" keçmiş direktor müavini Suren Manukyan öz səhifəsində yazıb ki, "Soyqırım Alimlərinin Beynəlxalq Assosiasiyası" "soyqırımları" araşdıran ən böyük və "mötəbər" təşkilatdır və onun üzvləri 700-ə yaxın mütəxəssisdir.
"Beynəlxalq Soyqırımı Tədqiqatçıları Assosiasiyasının" Qarabağla bağlı "qətnaməsində" bir sıra absurd məsələlər yer alıb. Guya 2022-ci ilin dekabrından 2023-cü ilin sentyabrınadək Qarabağın "blokadası", o cümlədən Laçın dəhlizinin bağlanması "etnik ermənilərin fiziki məhvinə və ya onlara fiziki zərər vurulmasına" səbəb olub. Guya dinc əhali "bombalanıb", onlar "ölüm aclığına məhkum edilib", "etnik təmizləməyə" məruz qalıb. Qondarma iddialar əsasında qəbul edilən qətnamədə diqqət çəkən məqamlardan biri Qarabağdan getmiş ermənilərin sayı ilə bağlıdır. Ermənilər son dövrə qədər onların sayının 120 min nəfər olduğunu iddia edirdilər, bu üzdəniraq sənəddə isə 30 min nəfəri uşaq olmaqla 101 nəfərin Qarabağdan getdiyi deyilir. Elə bu rəqəmin özü göstərir ki, qətnamə uydurmalar əsasında hazırlanıb. Burada o qədər absurd iddialar yer alıb ki, onların hamısını sadalamağı lazım bilmirik. Çünki baş verməyən, təpədən-dırnağa uydurma olan bir məsələyə geniş yer vermək yersizdir.
Bu nə Assosiasiyadır, bunun qətnaməsinin hansısa hüquqi gücü varmı?
"Bu assosiasiyanın özü də erməni lobbisinin kağız üzərində yaratdığı bir təşkilat təsiri bağışlayır"
AMEA-nın Qafqazşünaslıq İnstitutunun Qafqaz tarixi şöbəsinin müdiri, professor Qasım Hacıyev "Bakı-Xəbər"ə bildirdi ki, materiallarla tanış olub və ilk cümlədən hər şeyin düzülüb-qoşulduğu aydın görünür: "Bu təşkilatın adı ilə tanış oldum. Bilirsiz ki, bu gün erməni lobbisinin əlində çox belə təşkilatlar var, çünki bu qurumları onlar özləri yaradıb qeydiyyatdan keçirirlər. Belə hesab edirəm ki, "Beynəlxalq Soyqırımı Tədqiqatçıları Assosiasiyası" adlı təşkilatı erməni lobbisinin yaratdığı bir təşkilatdır. Bu təşkiların müstəqil bir qurum olduğuna şübhəm var. Ona görə ki, başqa məsələlərlə, başqa dövlətlərlə, xalqlarla bağlı onun bəyanatlarına, qətnamələrinə rast gəlməmişəm. Həqiqətən də bu təşkilat erməni lobbisinin öz təşkilatı deyildisə, onda nə üçün Xocalı soyqırımına münasibət bildirməyib? Niyə ermənilərin Azərbaycan xalqının başına gətirdiyi faciələrə, törətdiyi genosid cinayətlərinə seyrçi qalıb? Ukraynada, Qəzzada gündə nə qədər dinc sakin həyatını itirir, bəs bu təşkilat niyə bir bəyanat qəbul etmir? O doğrudan da soyqırımları araşdırırsa, niyə gerçək soyqırımlardan bəhs etmir? Ermənilər tarixdə heç zaman genosidə məruz qalmayıblar, azərbaycanlıları, başqa xalqları genosid ediblər.
Bunlar qaraçı tayfasıdırlar, hər yerdə yalandan hay-küy salmağa öyrəşiblər. Bir vaxtlar Türkiyəyə qarşı qondarma iddalar irəli sürürdülər, indi də Azərbaycanı hədəfə alıblar. Xocalı genosidini törədən bir tayfa gör indi hansı yalandan yapışıb.
Bütün məsələlərdə ermənilər küyçüdür, xırda bir hadisəni şişirdib dağ boyda edirlər. Qondarma erməni genosidi kimi, Qarabağdan gedən ermənilərlə də bağlı məsələni kökündən səhv qoyublar. Ermənilərin Qarabağdan hansı şəraitdə getdikləri haqda məlumatları olduğu, separatçıların Azərbaycana qarşı etdiyi bütün cinayətləri bildikləri halda durub belə qərəzli, böhtan dolu qətnamə qəbul ediblər. Sözügedən təşkilat yaxşı bilir ki, Qarabağ işğalda olanda ermənilər bizim ərazilərin altını üstünə çevirib, evlərimizi viran qoyublar, abidələrimizi, məscidlərimizi dağıdıblar, saysız azərbaycanlını qətlə yetiriblər. Bütün bunların hamısını bir qırağa qoyub çox ədalətsiz, çox qeyri-obyektiv şəkildə Azərbaycan xalqına qarşı ittihamlar yağdırırlar. Bütün dünya bilir ki, Qarabağda blokada olmayıb, Azərbaycanın mərkəzi hakimiyyəti ordakı ermənilərə kömək göstərmək üçün təşəbbüs göstərib, amma onlar qəbul etməyib. İndi bunlar qətnamə qəbul ediblər və ora reallığı əks etdirməyən maddələr salıblar, nə qədər tədqiqatçını bu işə cəlb ediblər ki, bu məsələni araşdırsın. Bütün bunlar onların öz yalanlarını sübut etmək üçün göstərdikləri cəhdlərdir. Halbuki, bunların heç birini sübut edə bilməzlər, çünki dediklərində həqiqət yoxdur. Əgər bu təşkilat araşdırma aparmaq istəyirsə, buyurub aparsın, amma obyektivlik göstərsin, ermənilərin Qarabağda hansı cinayətlər törətdiyini, oradan hansı şəraitdə getdiklərini yazsın, Azərbaycan mərkəzi hakimiyyətinin onlara yaratdığı şəraiti, göstərdiyi real münasibəti o sənədə daxil etsin. Bu məsələyə səthi yanaşıb ermənipərəstlik göstərməsinlər. Ermənilərin Qarabağdan niyə getdiklərini araşdırmaq istəyirlərsə, bunu özündə ehtiva edən videolar, müsahibələr var, onları oxusunlar. Ermənilər deyirdilər ki, bizə Qarabağı tərk edin deyiblər, biz də gedirik. O vaxt özləri etiraf etdilər ki, qondarma rejimin rəhbərləri onlardan Azərbaycan ərazisini tərk etməyi tələb edib. O təşkilat bunları təhlil etsin, onların videolarına baxsın. O qədər faktlar var ki, onlarla tanış olsunlar. Onlar kütləvi şəkildə köçüb getmək istəyirdilər və keçid məntəqəsində növbələr yaranırdı. Burda bizimlə bağlı heç nə yoxdur. Azərbaycan mərkəzi hakimiyyəti ermənilərə heç bir vaxt təzyiq göstərməyib. Onlar burada qalıb Azərbaycan vətəndaşlığını qəbul etmədilər, Ermənistana, oradan da başqa yerlərə getməyə üstünlük verdilər. Azərbaycan onları qovmayıb ki. Dəfələrlə ermənilərə müraciət etdik ki, qalıb yaşasınlar, bunların hamısının protokolları var, sənədləşib. Amma buna baxmayaraq, xaricdə oturan erməni lobbisi qondarma təşkilat yaradıb bizi qaralayır".
Q.Hacıyevin sözlərinə görə, bu bir qarayaxma kampaniyasıdır və bunun heç bir elmi, tarixi, hüquqi əsası yoxdur. "Onların dedikləri boş və mənasızdır. Ortaya fakt qoysunlar, Azərbaycan tarixçiləri, Azərbaycan siyasətçiləri də onlara lazımı cavab verəcək. Amma ermənilərin heç bir faktı yoxdur, qondarma, uydurma kağız parçaları düzəldib öz yalanlarını doğru kimi təsdiqlətmətmək istəyir.
Bu mənada bu təşkilatın qəbul etdiyi qətnamənin heç bir tarixi, siyasi, hüququ gücü yoxdur, çünki əsassızdır. Bu assosiasiyanın özü də erməni lobbisinin kağız üzərində yaratdığı bir təşkilat təsiri bağışlayır. Dediyim kimi, belə olmasaydı başqa hadisələrə də reaksiyası olardı. Necə olur ki, dünyadakı gerçək soyqırımları görmürlər, amma uydurma erməni "soyqırımını" görüb onunla bağlı qətnamə qəbul edirlər? Qarabağ ermənilərin tarixi vətəni deyil və onlar bu torpağın əzəli sakinləri olmayıblar. Onlar aid olmayan torpaqların yerli sakinlərinə qarşı cinayətlər, soyqırımlar törədiblər. O təşkilat obyektiv olduğunu sübut etmək sitəyirsə, gerçəkləri araşdırsın. Azərbaycan dövlətini, Azərbaycan xalqını hədəfə almaqla heç nəyə nail ola bilməyəcəklər və özlərini növbəti dəfə biabır edirlər"-deyə Q.Hacıyev qeyd etdi.
Q.Hacıyev bildirdi ki, 2023-cü ilin sentyabrına qədər Qarabağda məskunlaşan ermənilərin əskəriyyəti xarici ölkələrdən ora köçürülüb gətirilənlər idi və onlar da çıxıb gəldikləri yerlərə getdilər. Ermənilərin Qarabağa qaytarılması üçün heç bir təşkilat Azərbaycana təzyiq göstərə bilməz, onları oradan Azərbaycan dövləti çıxarmayıb, öz havadarları çıxarıb: "Ermənilər Qarabağa yalnız Azərbaycanın şərtləri daxilində qayıda bilərlər. Bu proses Qərbi azərbaycanlıların öz ata-baba yurdlarına qayıdışı ilə paralel getməlidir. Yeri gəlmişkən, bu təşkilat heç Qərbi azərbaycanlıların taleyindən belə danışmayıb. Bütün bunlar da bizə deməyə əsas verir ki, bu qurum da erməni lobbisinin yaratdığı təşkilatdır. Necə ola bilir ki, "genosidləri araşdırmaqla" məşğul olan təşkilatlar ancaq erməni "soyqırımını" araşdırmaq istəyir? Niyə Fransa müstəmləkəsi altında əzilən, genosidlərə məruz qalan xalqları yada salmır?"
Q.Hacıyev əlavə etdi ki, xaricdəki erməni lobbisi, Fransa və bəzi digər ölkələr Azərbaycanın öz torpaqlarını işğaldan azad etməsi faktı ilə barışmaq istəmir, bu səbəbdən də belə absurd qətnamələr qəbul edirlər.
İradə SARIYEVA
