Banklar kredit faizlərini bir az da qaldıra bilər

Tarix: 24.08.2016 / 02:47
Bölmə: İqtisadiyyat

Ruslan Atakişiyev: "Buna gedilməsi məsləhət deyil"

"Bank kapital satışında faizləri artırırsa, o zaman ödəmə qabiliyyəti aşağı olan müştərilərin sırası bir az da genişlənəcək"

"Azərbaycanda fəaliyyət göstərən kommersiya bankları vaxtilə onlara tövsiyə edilmiş faiz hədlərinə əməl etməyə çalışır".

Bunu mətbuata açıqlamasında Azərbaycan Banklar Assosiasiyasının (ABA) sədri Zakir Nuriyev deyib.

Məlumat üçün qeyd edək ki, 2015-ci ilin ortalarında ölkədə fəaliyyət göstərən kommersiya banklarına istehlak kreditlərinin illik faiz dərəcəsinin (FİFD) 29 faizi, biznes kreditlərinin illik faiz dərəcəsinin 25 faizi keçməməsi, kreditlərə görə tutulan komisyon haqqının isə 1 faizdən çox olmaması tövsiyə edilib. Banklar uzun müddət bu tövsiyəyə əməl edib.

Son vaxtlar isə bəzi banklarda kreditlərin 30-36 faizlə verilməsi, komisyon haqqının 2 faizə çatması müşahidə edilir. Z.Nuriyev hesab edir ki, bu cür vəziyyətin yaranması son aylar Azərbaycan manatının məzənnəsinin zəifləməsi ilə əlaqədardır: "Mümkündür ki, banklar məzənnə risqlərindən qorunmaq üçün faizləri bir qədər artırsın, çünki bunu valyuta bazarındakı vəziyyət tələb edir. Amma əksər kredit təşkilatları bacardıqca tövsiyə edilmiş faiz hədlərindən kənara çıxmamağa çalışır".

Bütün hallarda, ekspertlər bank faizlərinin artması ehtimalını necə dəyərləndirir? Nəzərə alsaq ki, məlum səbəblərdən kredit götürənlərin sayı azalıb, o zaman faizlər artırılacaqsa, bu onsuz da az olan müştərilərin sayına necə təsir göstərəcək?

Məsələyə münasibət bildirən İqtisadi Resursların Öyrənilməsi Mərkəzinin direktoru Ruslan Atakişiyevin sözlərinə görə, indiki vəziyyətdə bu arzuolunan deyil: "Hələ ki, banklara faizləri aşağı salmaqla bağlı tövsiyələr verilir. Bundan sonra faizlərin artırılması istiqamətində addımların atılması müştərilərin də sıxıntılarını artıracaq. Bu da hazırkı vəziyyətdə arzuedilən deyil. Nəzərə almaq lazımdır ki, kapital bahalaşdıqca, həmin kapitaldan əldə olunan rentabellik də çox aşağı olur. Ona görə də buna gedilməsi məsləhət deyil. Bəli, banklar xərclərin artdığını əsaslandırmağa çalışır, ancaq faizlərin artırılması çıxış yolu deyil.

Ona görə çıxış yolu deyil ki, bu, müştərilərin sayının daha da azalmasına gətirib çıxara bilər. Yəni bank kapital satışında faizləri artırırsa, o zaman təbii ki, ödəmə qabiliyyəti aşağı olan müştərilərin sırası bir az da genişlənəcək. Nəticədə bank sektoru bundan daha ciddi zərər görəcək, müştərilərini bir az da itirəcək".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...