Ölkədə dollar tələbatının artımına rəsmi izah və ekspert rəyi...

Tarix: 24.08.2016 / 02:33
Bölmə: İqtisadiyyat

Azər Mehdiyev: "Banklar əllərində olan dolları ilk növbədə korporativ müştərilərə satmaqda maraqlıdır"

"Belə bir şəraitdə bazarda dollar qıtlığı yaranıb"

Valyuta bazarının tənzimlənməsi Maliyyə Bazarlarına Nəzarət Palatasının (MBNP) deyil, Azərbaycan Mərkəzi Bankının (AMB) səlahiyyətində olan sahədir. Yəni valyutaya olan tələb-təklif AMB tərəfindən tənzimlənir.

Bununla bağlı Palatadan mətbuata bildirilib ki, qurum yalnız bankların Mərkəzi Bankın müəyyənləşdirdiyi 4 faizlik marja koridoruna əməl etməsinə nəzarət edir: "Yəni banklar Mərkəzi Bankın müəyyənləşdirdiyi rəsmi məzənnədən 4 faiz ucuz ala və 4 faiz baha sata bilər. Banklar bu faiz koridorundan az və ya yüksək qiymət müəyyənləşdirə bilməz. Bu günə qədər bankların bu qaydanı pozması halları qeydə alınmayıb və bu barədə siqnal yoxdur".

Palatadan hazırda bazarda valyutaya olan tələbatın təklifdən bir neçə dəfə çox olduğunu təsdiqləyiblər. "Biz bunu gözləyirdik, çünki yayın bitməsi və payızın gəlməsi ilə iqtisadi aktivlik artır və bir çox şirkətlərin xaricdəki tərəfdaşlarına ödəmələrin vaxtına təsadüf edir".

Dolların "qara bazar"da alış-satışına gəlincə, Palatadan bildirilib ki, bu, qanunsuz fəaliyyətdir və bununla hüquq-mühafizə orqanları mübarizə aparır: "Bizdə bu barədə məlumat olduqda biz hüquq-mühafizə orqanları ilə paylaşırıq və onlar lazımi tədbirləri görür. Palata hüquq-mühafizə orqanı deyil. Biz yalnız lisenziya verdiyimiz qurumlara nəzarət edirik və bizim nəzarət etdiyimiz strukturlarda qanunun pozulması faktları qeydə alınmayıb və bu barədə siqnallar yoxdur. Biz buna ciddi nəzarət edirik və bunun üçün bizim öz nəzarət mexanizmlərimiz var".

Həqiqətən də son vaxtlar dollara tələbatın artması müşahidə olunur. Bu, müxtəlif formalarda özünü göstərir.

Maraqlıdır, bəs ekspertlər MBNP-nin dollarla bağlı açıqlamasını necə şərh edir?

Sözügedən məsələni dəyərləndirən iqtisadçı-ekspert Azər Mehdiyevin fikrincə, yayılan məlumatlardan görünür ki, bankların dollara olan tələbatı artıb: "Belə olan halda, korporativ müştərilər böyük həcmdə dollar tələb edir. Çünki onların xarici ticarət əməliyyatlarını həyata keçirmək üçün böyük həcmdə dollara ehtiyacı olur. Belə bir şəraitdə, təbii ki, banklar əllərində olan dolları ilk növbədə korporativ müştərilərə satmaqda maraqlıdır. Dollar satma əməliyyatlarında kiçik həcmdə dollar satmağa isə maraqlı olmurlar. Bu, dollar qıtlığı ilə bağlı olan məsələdir. Banklar özlərinin gəlirlərini nəzərə alaraq bu işi həyata keçirməkdə maraqlı görünür. Heç kəsə sirr deyil ki, ölkəyə xarici valyuta gətirən neft və qaz satışıdır. Dünya bazarında neftin qiymətinin aşağı düşdüyü bir şəraitdə ölkədə neft hasilatının aşağı düşməsi, bütün hallarda, dollar tələbini ödəməyə imkan vermir.

Nəzərə alsaq ki, Bakı Neftayırma Zavodu təmirə dayanıb, qarşıda duran iki ayda neft məhsulları da xaricdən ölkəyə dollarla alınıb gətirilməlidir. Bu da dollara tələbatın artmasına gətirib çıxarır. Dövlət Neft Fondu və Mərkəzi Bank tərəfindən hərraclara çıxarılan dollar təklifi isə məhduddur. Belə bir şəraitdə də bazarda dollar qıtlığı yaranıb".

Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...