Azərbaycanın mənfəət nefti 60 faizə çatır, dünyada isə əks qiymət oyunları qurulmaqda davam edir...

Tarix: 24.08.2016 / 01:33
Bölmə: İqtisadiyyat

OPEK-ə üzv ölkələrin gələn ay keçiriləcək toplantısı ərəfəsində neftin qiymətləri yüksəlməyə başlayıb. Çünki məhz bu toplantıda neft hasilatının sabit saxlanması barədə qərar qəbul olunması gözlənir. Belə vəziyyət bazarlara təsir edir. Amma ABŞ-dan açıqlanan yeni məlumatlar neftin qiymətinə yenidən mənfi rakursda təsir göstərmək iqtidarındadır. Belə ki, ABŞ-da şist nefti istehsalının 45 faiz artacağı proqnozlaşdırılır.

ABŞ-ın Enerji İnformasiya Administrasiyası bildirir ki, "Devon Energy Corp.", "Pioneer Natural Resources Co." və digər şirkətlər investorları payız aylarında yeni quyuların qazılmasına investisiya edəcəkləri barədə məlumatlandırıb.

Bununla yanaşı, ABŞ-ın şist neft hasilatçıları 50 dollar səviyyəsində olan qiymətlərlə dayanıqlı hasilatı bərpa edə bilməklə yanaşı, xərclərini də mövcud qiymətlərə uyğunlaşdırıb. Bundan başqa, hasilatçılar quyuların məhsuldarlığını da 15-30% artırmağa müvəffəq olub. "Robert W.Baird & Co." investisiya şirkətinin analitiki Daniel Katsenberq bildirib ki, hasilatçıların bu dərəcədə fəallaşması neft qiymətlərinin artmasına mane olacaq. Bundan başqa, ABŞ-dakı şist neft hasilatçıları, neft qiymətlərinin düşmə ehtimalına baxmayaraq, yeni quyuların istismara verilməsi prosesini sürətləndirib. Belə ki, son iki ayda 70-ə yaxın quyu fəaliyyətə başlayıb. Hasilatçılar fəaliyyətini dayandırmış quyularda işləri yenidən bərpa etməyi də düşünür.

Bu isə qiymətlərin yüksəlməsinə imkan vermir. Qeyd edək ki, "Moody’s" beynəlxalq reytinq agentliyi açıqladığı proqnoz hesabatında ortamüddətli perspektivdə neft qiymətlərinin 40-60 dollar səviyyəsində olacağını ehtimal edib. Agentlik neft qiymətlərinin cari səviyyəsinin neft hasilatçısı olan ölkələrin iqtisadi və maliyyə vəziyyətinə, həmçinin kredit ödəmə qabiliyyətinə müsbət təsir edə bilməyəcəyini qeyd edir. Təşkilat neft qiymətlərinin uzun müddət aşağı səviyyədə qalacağı barədə daha əvvəl qeyd etdiyi proqnozunu isə dəyişməyib.

ABŞ-ın ən böyük banklarından olan "Morgan Stanley" bazar payı uğrunda mübarizənin davam etdiyi vaxtda OPEK-ə üzv ölkələrin istehsalın miqdarını "dondurmaq" barədə razılığa gəlmələrinin, hələ ki, çox aşağı bir ehtimal olduğu qənaətindədir. Bankın şərhində qeyd olunur ki, OPEK-in daha əvvəlki açıqlamaları da nəzərə alınarsa, hər hansı bir razılıq əldə olunması hələ çox risqlidir. Qeyd edək ki, Səudiyyə Ərəbistanının enerji nazirinin keçən həftə sentyabrda Əlcəzairdə toplaşacaq böyük neft istehsalçılarının qiymətləri sabitləyəcək bir qərar ala biləcəyinə dair etdiyi şərh neftin qiymətinin son beş ayın ən baha qiymətə satılmasına səbəb olmuşdu. Lakin gözləntilərin zəifləməsi ilə neftin qiyməti yenidən ucuzlaşıb.

"Morgan Stanley"in analitiklərinin qənaətinə görə, bazar çox tez "həyəcanlandı" və səudiyyəli nazirin mesajını səhv şərh etdi: "Səudiyyə Ərəbistanı uzun zamandır ki, bu danışıq dilindən istifadə edir. Nə hərəkət etməyə ehtiyac olduğu istiqamətində bir mesaj verir, nə də, müəyyən razılıq əldə olunarsa, Səudiyyə Ərəbistanının burada iştirak edəcəyini söyləyir". Amma "Goldman Sachs" investisiya bankının analitikləri OPEK və digər neft hasilatçısı olan ölkələrin sentyabrda Əlcəzairdə keçiriləcək növbəti görüşdə neft hasilatını dondura biləcəyini ehtimal edir.

Ekspertlər bu görüşdə İran və Səudiyyə Ərəbistanının əsas rol oynayacağını bəyan edir. Görüşdə razılıq əldə olunacağı təqdirdə isə, bundan daha çox hasilatı artıracaq qeyri-OPEK dövlətləri faydalanacaq. Xatırladaq ki, bu sıraya Azərbaycan da aiddir. Özü də bu o zaman baş verir ki, Azərbaycanın mənfəət neftinin həcmi artır. Azərbaycan Dövlət Neft Şirkətinin (SOCAR) birinci vitse-prezidenti Xoşbəxt Yusifzadə bu xüsusda bildirir: "Xəzər dənizinin Azərbaycan sektorunda yerləşən "Azəri, Çıraq və Dərinsulu Günəşli" (AÇG) yataqlar blokundan işləmənin əvvəlindən indiyədək ümumilikdə 404,1 milyon ton neft hasil edilib. Bu həcmin 224 milyon tonu Azərbaycanın payına düşən mənfəət neftidir. Mənfəət neftinin həcmi ilbəil artır. Bu il Azərbaycanın payına düşən mənfəət neftinin həcmi 60%-ə çatacaq". Bu isə o deməkdir ki, hasilatın artması fonunda Azərbaycan neftdən daha çox gəlir əldə edəcək.

Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...