Şimaldan Cənuba, Şərqdən Qərbə uzanan dəmir yolları Bakı vağzalında birləşəcək

Tarix: 23.08.2016 / 01:08
Bölmə: İqtisadiyyat

Yükdaşımalar Azərbaycana daha çox gəlir gətirəcək

Məlum olduğu kimi, bir neçə gün əvvəl Azərbaycan, Rusiya və İran prezidentlərinin Bakıda keçirilən görüşü və aparılan danışıqlar həm ikitərəfli, həm də regional məsələlərin həlli baxımından böyük əhəmiyyətə malik oldu. Ekspertlər bu görüşün "Şimal-Cənub" nəqliyyat dəhlizinin inkişafı üçün geniş perspektivlər vəd etdiyini xüsusi vurğulayır. Bundan başqa o da birmənalı həqiqətdir ki, Azərbaycan "Şimal-Cənub" dəhlizi üzrə şəbəkə ölkəsinə çevrilməkdədir.

Sözügedən dəhlizin ümumiyyətlə Azərbaycan üçün müstəsna əhəmiyyəti var. Ən azından ona görə ki, məhz bu dəhliz vasitəsilə Azərbaycan Fars körfəzinə, oradan da Hind okeanına çıxmaq imkanı əldə edəcək. Eyni zamanda nəqliyyat-kommunikasiya sistemi yenilənəcək, tranzit yük və sərnişin daşımalarından ölkəmizin büdcəsinə əlavə vəsaitlər daxil olacaq. Hazırda "Şimal-Cənub" nəqliyyat dəhlizinin reallaşmasının mümkün qədər tez başa çatması üçün intensiv iş gedir. Xüsusən də İran və Azərbaycan arasında dəmir yolu əlaqələrinin yaradılması istiqamətində genişmiqyaslı işlər aparılır. Hesab edilir ki, Astara çayı üzərində dəmir yolu körpüsünün inşası bu ilin sonunadək tamamlanarsa, Azərbaycan yükdışmalardan atıq böyük həcmdə gəlir əldə etməyə başlayacaq. Bu, həm İrandan Rusiyaya yük daşımaları, həm də gələcəkdə İran yükünün Bakı-Tiflis-Qars dəmir yolu xətti ilə daşınması üçün perspektivlər açır. Eyni zamanda, elə Rusiyanın da yüklərinin Bakı-Tiflis-Qars dəmir yolu xətti ilə daşınması üçün imkanlar açır.

Qeyd edək ki, bu ilin sonunadək Bakı-Tiflis-Qars dəmir yolu da tamamlanacaq. Bu proses bitdikdən sonra Azərbaycanın həm də artıq "Şərq-Qərb" tranzit yükdaşımalarında böyük potensialı yaranacaq. Bu fonda ekspertlər qeyd edir ki, "Şimal-Cənub" nəqliyyat dəhlizinin "Şərq-Qərb" nəqliyyat dəhlizinə alternativ olması haqda iddialar da əsassızdır. Əslində isə müəyyən məqamlarda bu dəhlizlər bir-birini tamamlayacaq. Çünki yuxarıda qeyd olunduğu kimi, Rusiya və İran yüklərinin Bakı-Tiflis-Qars xətti ilə daşınması da mümkündür. Millət vəkili Vahid Əhmədov da qeyd edir ki, İranın Böyük İpək Yolu layihəsinin bir hissəsi olan Bakı-Tiflis-Qars dəmiryolu layihəsinə qoşulmasında hər hansı problem olmamalıdır. Onun sözlərinə görə, İran Böyük İpək Yolu layihəsində, Azərbaycandan, Çindən Avropaya malların daşınması ilə dəmiryolların çəkilməsində iştirak etmək istəyir: "Bununla bağlı İran prezidenti ilə Azərbaycan prezidenti arasında danışıqlar olub. Həmçinin, İran Astarası ilə Azərbaycan Astarası arasında körpü tikilməsi ilə bağlı müqavilə imzalanıb və bu körpü ilin sonuna kimi istifadəyə veriləcək". Millət vəkili Bakı-Tiflis-Qars dəmiryolunun bu layihənin bir hissəsi olduğunu əlavə edib":Bu layihə, Astara-Astara dəmiryolu da daxil olmaqla, hamısı bir yerdə -Çindən tutmuş Avropaya qədər - Gürcüstan, Azərbaycan, Türkiyə vasitəsilə yüklərin çıxarılmasıdır. İran üçün də bu vacib bir layihədir. Çünki bunun vasitəsilə əvvəlki illərdə 5 milyon ton, sonra isə artırılaraq 10 milyon ton yükün daşınması nəzərdə tutulub. Əlbəttə, İran bu layihədə iştirak edəcək və onun iştirakında hər hansı problem olmamalıdır". Qeyd edək ki, perspektivdə Bakı-Tiflis-Qars dəmir yolunun Naxçıvan-Culfa-Təbriz dəmir yolu xəttinə birləşdirilməsi planları da var. Bu, İranla yanaşı, Azərbaycan üçün də olduqca sərfəlidir.

"Şimal-Cənub" və "Şərq-Qərb" nəqliyyat dəhlizlərinin yaradılmasında əsas məqsəd isə yük və sərnişin daşımalarının təşkilində nəqliyyat əlaqələrinin səmərəliliyinin yüksəldilməsidir. Eyni zamanda bu dəhlizlərdə üzv ölkələrin dəmir yolu, avtomobil, dəniz, çay və hava nəqliyyatı xidmətlərinin beynəlxalq bazara çıxışına şəraitin yaradılması, beynəlxalq daşımaların həcminin artırılmasına yardım göstərilməsidir. Bundan başqa, üzv dövlətlərin ərazisi ilə tranzit yük və sərnişin daşımalarında vaxtın qısaldılması və tranzit daşımaların dəyərinin minimuma endirilməsini təmin etmək üçün razılaşdırılmış nəqliyyat siyasətinin həyata keçirilməsi və dəhliz boyunca hərəkət edən nəqliyyat vasitələrinin təhlükəsizliyinin təmin olunmasıdır. Bu istiqamətdə Azərbaycan ərazisində işlərin böyük əksəriyyəti görülüb. Layihələr tam baş çatdıqdan sonra Azərbaycan hər iki nəqliyyat dəhlizindən böyük miqdarda gəlir əldə edə biləcək.

Tahir TAĞIYEV

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...