Neftin qiyməti qalxdıqca, manatın bahalaşma şansları artır...

Tarix: 18.08.2016 / 03:15
Bölmə: İqtisadiyyat

Dünya birjalarında neftin qiymətində qeydə alınan yeni dəyişikliklərin maliyyə bazarlarına hansı təsir göstərəcəyi ətrafında indi yeni müzakirələrə start verilib. hesab olunur ki, neftin qiymət yüksəlişi davam edərsə, bu, hasilatçı ölkələrdə milli valyutaların dəyər qazanmasına səbəb olacaq. İndilikdə isə neftin bahalaşması davam edir. Son məlumatlara əsasən, Nyu-Yorkun NYMEX birjasında "Layt" markalı neftin bir barrelinin qiyməti 1,11 dollar bahalaşaraq 46,58 dollar, Londonun İCE birjasında "Brent" markalı neftin bir barrelinin qiyməti 1,20 dollar artaraq 49,23 dollar olub.

"AzəriLayt" markalı neftin bir barrelinin qiyməti isə 0,97 dollar bahalaşaraq 49,94 dollar təşkil edib. Qiymət artımının OPEK-ə üzv dövlətlərin gələn ay keçiriləcək görüşünə qədər davam edəcəyi gözlənir. Görüşdə quruma üzv olmayan daha bir neçə dövlət də iştirak edəcək.

İngiltərənin "Deyli Teleqraf" qəzeti yazır ki, Rusiyanın Səudiyyə Ərəbistanı ilə neft qiymətlərinə dair razılığa gələ biləcəyi barədə xəbərlər xammalın qiymətini son ayda artıq ən yüksək həddə çatdırıb. Məqalədə Ər-Riyadın neftin qiymətini artırmaq yollarını axtardığı, lakin bunu təkbaşına edə bilməyəcəyi bildirilib: "Neft qiymətlərini qaldıran bu dəfə də dünya neftinin 40 faizini ixrac edən ölkələrin - OPEK kartelinin hasilatı azaltmaq barədə razılığa gələ biləcəyinə dair xəbərlərdir. OPEK üzvləri gələn ay Əlcəzairdə görüşəcəklər. Onların ötən il eyni məqsədlə Dohada keçirilən yığıncağı nəticəsiz başa çatmışdı. Lakin belə görünür ki, qiymət artımına Rusiyadan gələn xəbərlər də kömək edib. Rusiyanın enerji naziri Aleksandr Novak Səudiyyə Ərəbistanının "Şərq əl-Əvsat" qəzetinə açıqlamasında danışıqların uğurla davam etdirildiyini deyib. Ötən həftə Səudiyyə Ərəbistanının enerji naziri Xalid bin Əbdülzəiz əl-Falih OPEK və təşkilata üzv olmayan digər ölkələrlə neft qiymətlərinin stabilləşdirilməsi barədə danışıqlar aparılacağını deyib. Təkcə bu bəyanat neft qiymətini dərhal 5 faiz artırmışdı. Ancaq vəziyyət ərəb nazirin dediyi qədər də ümidverici olmaya bilər. Çünki yanvarda neftin qiyməti son 12 ildə ən aşağı həddən - 28 dollardan qalxmağa başlasa da, indi bazarda neft boldur". Beynəlxalq bazarlar və qiymətli kağızlar üzrə aparıcı şirkətlərdən olan "Citi Futures"in analitiki Tim Evansın fikrincə, OPEK-ə üzv ölkələrin nümayəndələrinin sentyabrın sonlarında keçirəcəyi toplantıda hasilatı "dondurmaq" barədə qərar qəbul edilməsi neftin qiymətini xeyli artıracaq. Qeyd edək ki, OPEK-ə üzv ölkələrin nümayəndələrinin sentyabrın 26-28-də Əlcəzairdə keçiriləcək Beynəlxalq Enerji Forumu çərçivəsində danışıqlar aparması gözlənir.

Yuxarıda qeyd olunduğu kimi, proseslər dünya maliyyə bazarlarında hadisələrin inkişaf axarına da təsir etmək iqtidarındadır. Neftin qiymətinin son həftələrdəki yüksəlişinin özünü manatın məzənnəsində də əks etdirəcəyi şübhə doğurmur. Qiymətlərin hazırkı yüksəlişi manatın dollara nəzərən möhkəmlənməsini mütləq mənada şərtləndirir. Neftin qiymətindəki yüksəlişin isə Azərbaycanda manatı, ümumiyyətlə, əhəmiyyətli dərəcədə möhkəmləndirməsi qaçılmaz sayılır.

Ekspertlər hesab edir ki, neftin qiyməti 50 dolları keçdikdən sonra ilk növbədə manatın sabitliyini müşahidə etmək olar. Çünki milli valyutanın kursu əhəmiyyətli dərəcədə neftdən asılıdır. Neftin fundamental bahalaşması bu mənada manata mütləq təsir edir. Digər tərəfdən nəzərə alaq ki, bu gün Mərkəzi Bank həm özünün, həm də Neft Fondunun vəsaitlərindən istifadə etməklə manatı saxlaya bilir. Baş bank həm də inzibati mexanizmlərdən istifadə edir, yəni pul kütləsini məhdudlaşdırır. Neftin bahalaşması fonunda bu mexanizmdən istifadə etməklə manatın daha çox dəyər qazanması da mümkün sayılır. Hesab olunur ki, yaxın dövrdə neft bazarında sabitlik və bahalaşma olarsa, manat tədricən də olsa, dollara nisbətdə dəyər qazanmaqda davam edəcək. Ekspertlərin fikrincə, bundan sonrakı mərhələdə neftin qiymət dəyişkənliyi davam edəcək. Neftin qiymətinin artması isə Mərkəzi Banka imkan verir ki, manatın məzənnəsində sabitlik yaradaraq onu bahalaşdırsın.

Tahir TAĞIYEV

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...