Azərbaycanda özəl kredit büroları ilə bağlı daha bir müzakirə...

Tarix: 11.08.2016 / 02:11
Bölmə: İqtisadiyyat

Rəşad Həsənli: "Özəl kredit bürolarının yaradılması həm kredit götürənlərə, həm də banklara müsbət təsir edəcək"

"Banklar Assosiasiyası tərəfindən özəl kredit bürolarının yaradılması bank sektorunun inkişafına səbəb olacaq"

Neçə aydır özəl kredit bürolarının yaradılması müzakirə olunur. Bu günlərdə Azərbaycan Banklar Assosiasiyasının (ABA) kredit işi və risq üzrə ekspert qrupunun iclası keçirilib. İclasda Mərkəzi Kredit Reyestrinin fəaliyyəti və yaradılması planlaşdırılan özəl kredit büroları haqqında fikir mübadiləsi aparılıb.

Ekspert qrupunun üzvləri son dövrlərdə bankların vəziyyəti ilə bağlı əhalinin düzgün məlumatlandırılmamasının yol aça biləcəyi risqləri müzakirə edib, bu risqlərin azaldılmasına yönələ biləcək tədbirlər haqqında təkliflər irəli sürüblər. Əhaliyə yalnız dəqiq və əsaslandırılmış məlumatların çatdırılması üzrə işlər nəzərdən keçirilib. Bundan əlavə, bankların kredit portfelinin tərkibi və cari vəziyyəti barədə məsələlər iclasın gündəliyində olub.

Qeyd edək ki, qrupda kredit işi və risq üzrə bank sistemindəki mövcud vəziyyətin, bankların qarşılaşdığı problemlərin və digər əlaqədar məsələlərin müzakirə edilməsi, qeyd olunan istiqamətdə xarici təcrübənin, qabaqcıl ölkələrin innovativ yanaşmalarının öyrənilməsi, eləcə də müvafiq qurumlara ünvanlanacaq əsaslandırılmış təkliflərin hazırlanması, hüquqi-normativ baza və standartların hazırlanmasında iştirak, bu sahələrin inkişafı üçün banklararası razılaşmaların mümkünlüyünün müzakirəsi və digər bu qəbildən olan fəaliyyətlər həyata keçirilir.

Maraqlıdır, özəl kredit büroları yaradılarsa, bunun həm bank sektoruna, həm də kredit götürənlərə nə kimi təsiri olar? Həmçinin, bürolar necə fəaliyyət göstərəcək?

İqtisadçı-ekspert Rəşad Həsənli "Bakı-Xəbər"ə açıqlamasında qeyd etdi ki, özəl kredit bürolarının yaradılmasında məqsəd bank müştəriləri haqqında daha dolğun məlumat toplamaqdır. Vaxtaşırı müştərilər haqqınla toplanan məlumatlar yenisi ilə əvəz olunacaq: "Belə ki, əvvəlki dövrlərdə verilmiş problemli kreditlərin strukturuna fikir verdikdə kredit götürənin maliyyə vəziyyəti haqqında düzgün analizin aparılmaması, onun ödəmə qabiliyyətinin tam öyrənilməməsi səbəbindən verilən kreditlərin geri ödənişində problem yaranır. Eyni zamanda, bu bürolar müştərilərin kredit reytinqinə də öz müsbət təsirini göstərəcək".

İqtisadçının fikrincə, özəl kredit bürolarının yaradılması həm kredit götürənlərə, həm də banklara müsbət təsir edəcək: "Büronun yaradılmasının banka müsbət təsiri o ola bilər ki, artıq hər bir bank ayrı-ayrılıqda kredit üçün müraciət edən müştərinin maliyyə vəziyyətini, gəlirini araşdırmaq məcburiyyətində olmayacaq. Bu işlə özəl kredit büroları məşğul olacaq".

Həmsöhbətimizin sözlərinə görə, özəl kredit bürolarının yaradılmasında məqsəd bankların kredit portfelinin sağlamlaşdırılmasıdır: "Banklar Assosiasiyasının da əsas məqsədi real sektorda iqtisadi fəallığın leqal olmasıdır. Bəzən banklar qeyri-leqal gəlirləri əsas gətirərək kredit müqavilələri bağlayır. Sonrakı dövrlərdə isə bu, banklar üçün ciddi problemə çevrilir. Düşünürəm ki, bankların müştəri kontingenti və onların informasiya təminatı baxımından Banklar Assosiasiyası tərəfindən özəl kredit bürolarının yaradılması bank sektorunun inkişafına səbəb olacaq. Eyni zamanda, məsuliyyətli müştərilərin də kredit reytinqi yüksək olacaq. Belə olan halda, həmin müştərilər daha aşağı faizlə kredit götürmək imkanına malik ola bilər".

Günel CƏLİLOVA

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...