Beynəlxalq agentliyin Azərbaycan bankları üçün defolt proqnozuna Elman Rüstəmovdan fərqli baxanlar var

Tarix: 26.05.2016 / 01:25
Bölmə: İqtisadiyyat

Rəşad Həsənov: "Proseslər müəyyən müddət belə davam edərsə, bu, defolta gətirib çıxara bilər"

"Vətəndaşlar, biznes qurumları öz depozitlərini geri çəkməyə cəhd göstərir"
Xəbər verildiyi kimi, Azərbaycanın bank sektoru üçün proqnozlar neqativ olaraq qalır. Bu barədə Bakıda keçirilən "MoodyTs" beynəlxalq reytinq agentliyinin kredit risqlərinə dair illik konfransında agentliyin MDB ölkələri üzrə vitse-prezidenti Mariya Malyukova deyib.
Onun sözlərinə görə, yaxın perspektivdə yenidən devalvasiya baş verməzsə, bank sektorunda müəyyən qədər sabitləşmə gözləmək olar: "2016-cı ildə Azərbaycanın ÜDM artımının 3,3 % azalması gözlənir. Manatın devalvasiyası bank sektoruna mənfi təsir edib: inflyasiyanı artırıb, əhalinin alıcılıq qabiliyyəti aşağı düşüb. Büdcədə nəzərdə tutulan xərclərin, o cümlədən kapital qoyuluşlarının azalması bank sektoruna təsir edir. Biz kreditləşmədə mənfi tendensiyanı müşahidə edirik. Ölkənin makroiqtisadi vəziyyəti bank sektoruna mənfi təsir edir. Bu ilin I rübündə Azərbaycanın bank sektorunun kredit portfeli 9 % azalıb".
Agentliyin maliyyə institutları qrupunun kiçik vitse-prezidenti Petr Paklin isə deyib ki, Azərbaycanda bankların defolt reytinqi ilə bağlı konkret proqnoz vermək çətindir. Onun fikrincə, daha yüksək reytinqə malik bankların defolt təhlükəsi ilə üzləşməsi ehtimalı aşağıdır: "Məsələn, "B1" reytinqinə malik "Kapital Bank"ın defolta uğraması ehtimalı yoxdur. Lakin "B3" reytinqinə malik bəzi banklar var ki, onların defolt olma risqi daha çoxdur. Ümumiyyətlə, bankın defoltu ilə bağlı ümumi danışmaq düzgün deyil, hər bir banka individual yanaşmaq lazımdır".
Azərbaycan Mərkəzi Bankının sədri Elman Rüstəmov isə defoltla bağlı səslənən fikirləri istisna edib.
Maraqlıdır, bəs ekspertlər bunu necə dəyərləndirir?
Sözügedən məsələni dəyərləndirən iqtisadçı-ekspert Rəşad Həsənovun fikrincə, belə risqlər var. O bunu bir sıra arqumentlərlə əsaslandırıb: "Bunun bir neçə səbəbi var. Birincisi, rəsmi statistikadan göründüyü kimi, əmanətlərin banklardan geri çıxarılması kəskin artıb. Xüsusilə birinci devalvasiyadan sonra bank sektoruna inam azalıb. İkinci devalvasiyanın ardınca 6 bankın bağlanması ilə bağlı çıxan qərar bu sektora inamı sarsıdıb. Vətəndaşlar, biznes qurumları öz depozitlərini geri çəkməyə cəhd göstərir. Likvidiklik problemi yaşanmaqdadır. Vətəndaşların əmanətlərinin qaytarılmasını zamanla ertələmək mümkün olsa da, beynəlxalq maliyyə təşkilatlarına qarşı bunu etmək çətindir. Faizləri artıran əsas məqamlardan biri əmanətlərin risqli hesab olunmasıdır. Vətəndaşların böyük əksəriyyəti banklarda əmanət yerləşdirməkdə maraqlı görünmür. Banklar bir yolla zaman qazanmağa çalışır. Vaxtı çatmış öhdəliyi yerinə yetirmək üçün daha bahalı borc altına gedirlər. Bankların əldə etdiyi gəlirin 70-75 faizdən çoxu kredit faizlərindən yaranırdı. Hazırda kreditləşmənin məhdudlaşması nəticəsində gəlir əldə etmədiyini, əvəzində isə bahalı borca gedilməsini nəzərə alsaq, böyük problem yarana bilər. Bankların kapitalı tükənmək üzrədir, likvidiklik aşağı düşüb, digər gəlir mənbələri onların xərclərini kompensasiya etmək gücündə olmadığı üçün onlar ciddi zərərlə üzləşəcək. Proseslər müəyyən müddət belə davam edərsə, bu, defolta gətirib çıxara bilər".
Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...