Avropadan Azərbaycana investisiya axını yenidən "cana gəlir"

Tarix: 26.05.2016 / 00:19
Bölmə: İqtisadiyyat

Azərbaycanda investisiya sahəsində yaradılan əlverişli mühit ölkəmizə sərmayə yatırmaq istəyənlərin sayını artırır. Hətta dünyanın ən böyük maliyyə qurumları belə bu məsələyə indi xüsusi maraq göstərirlər. Buna əyani misal olaraq Avropa Yenidənqurma və İnkişaf Bankını (AYİB) göstərmək olar. Qurum ölkəmizdə yeni sərmayələr yatırmağa maraqlı olduğunu bildirir.
Avropa Yenidənqurma və İnkişaf Bankının prezidenti Suma Çakrabarti də bunu təsdiq edir və bildirir ki, AYİB-in Azərbaycanla tərəfdaşlığı yüksək səviyyədədir. Onun sözlərinə görə, son iki ildə AYİB tərəfindən Azərbaycanda 270 milyon ABŞ dolları dəyərində 30 layihə reallaşdırılıb. Bundan əlavə, AYİB neft və qeyri-neft sektoru sahəsində Azərbaycanla əməkdaşlığın inkişafında maraqlıdır. AYİB prezidenti təmsil etdiyi Bankın "Cənub Qaz Dəhlizi" layihəsində iştirakda maraqlı olduğunu, eyni zamanda, Bakı Beynəlxalq Dəniz Ticarət Limanının ərazisində yaradılan azad ticarət zonasına investisiya qoyma imkanlarına baxacaqlarını da diqqətə çatdırıb.
Ekspertlər isə bütün bunları yüksək qiymətləndirir. Məsələn, İqtisadi və Sosial İnkişaf Mərkəzinin rəhbəri Vüqar Bayramov bildirir ki, bu tədbirlər sayəsində Azərbaycan "Cənub Qaz Dəhlizi" çərçivəsində investisiyalar cəlb edə biləcək: "Ümumiyyətlə, son dövrlər neftin dünya bazar qiymətinin aşağı düşməsindən sonra Azərbaycanın beynəlxalq maliyyə qurumları ilə, eyni zamanda banklarla əməkdaşlığının genişləndirildiyi müşahidə edilir. Azərbaycan çalışır ki, həm beynəlxalq maliyyə qurumları ilə onların resurslarının cəlb edilməsi baxımından əməkdaşlıq etsin, həm də müxtəlif proqramların hazırlanması, işlənməsində beynəlxalq maliyyə qurumlarının tövsiyələrindən və ekspertiziasiyasından istifadə edə bilsin.
AYİB prezidentinin Bakıdakı görüşlərini, təbii ki, Azərbaycanın beynəlxalq maliyyə qurumları ilə əməkdaşlığının genişlənməsi fonunda qiymətləndirmək olar. Avropa Yenidənqurma və İnkişaf Bankının Azərbaycan hökuməti ilə, eləcə də ekspertləri ilə görüşü ondan xəbər verir ki, Azərbaycan üçün bank əsas tərəfdaşlardan biridir". Onun sözlərinə görə, bankla əməkdaşlığın genişləndirilməsi Azərbaycana imkan verəcək ki, "Cənub Qaz Dəhlizi" çərçivəsində investisiyalar cəlb edə bilsin: "Burda əsasən qarşılıqlı əməkdaşlığı qeyd etmək lazımdır, çünki bankın Azərbaycan üçün əhəmiyyəti genişdir. Azərbaycan bu yaxınlardan bankdan 1 milyard dollarlıq kreditin alınması ilə bağlı razılıq əldə etdi. Bu isə kifayət qədər böyük bir məbləğdir. Eyni zamanda, bank yalnız ixrac struktur layihələrini deyil, kiçik və orta sahibkarlığı maliyyələşdirən qurumlardan biridir. Kiçik və orta sahibkarlığın inkişafı ilə bağlı kifayət qədər maliyyə dəstəkləri var. Bankla münasibətlərin qurulması Azərbaycan üçün "Cənub Qaz Dəhlizi"nin reallaşması üçün vəsaitin cəlb edilməsi baxımından əhəmiyyətlidir. Bankla əməkdaşlıq Azərbaycana imkan verəcək ki, "Cənub Qaz Dəhlizi" çərçivəsində investisiyalar cəlb edə bilsin. Bankla əməkdaşlıq həm də ölkədə kiçik və orta sahibkarlığın inkişafı üçün vəsaitin cəlb edilməsi baxımından vacibdir".
Amma Avropada Azərbaycana sərmayə yatırmaq istəyənlərin sayı daha çoxdur. Avropa İttifaqının (Aİ) Bakıdakı nümayəndəliyinin rəhbəri Malena Mard da bildirib ki, Avropa şirkətləri Azərbaycanda aktiv işləmək və bu ölkəyə sərmayə qoymaq istəyir: "Biz Azərbaycanla energetika sahəsində fəal iştirak edirik, lakin bizim digər sahələrdə də əməkdaşlığı genişləndirmək üçün imkanlarımız var". M.Mard qeyd edib ki, Avropa İttifaqı 2016-cı ilədək Azərbaycanda TAIEX proqramı xətti üzrə müxtəlif sahələrdə 213 layihə reallaşdırıb.
Onun sözlərinə görə, Azərbaycanın coğrafi mövqeyi nəzərə alınmaqla Şimalı Cənubla və Şərqlə Qərbi birləşdirən nəqliyyat və logistik mərkəzə çevrilməsi üçün böyük potensialı var: "Bakı dəniz limanı ilə Avropa limanları arasında əməkdaşlığın genişləndirilməsi, burada dünyanın qabaqcıl texnologiyalarının tətbiq edilməsi bu məqsədin reallaşdırılması üçün vacib addımdır. İnanıram ki, Bakı limanı Azərbaycanın Avrasiyanın nəqliyyat mərkəzinə çevrilməsində vacib rol oynayacaq". Onu da bildirək ki, limanın ərazisində yaradılan azad ticarət zonası təkcə Azərbaycanın deyil, həm də regionun iqtisadiyyatına öz töhfəsini verəcək. Azərbaycan bu fonda Avrasiyanın nəqliyyat və ticarət mərkəzinə çevrilməyi düşünür. Bu məsələ isə Avropa şirkətlərinin diqqətini daha çox Azərbaycana cəlb edir və onların ölkəyə qoyduğu investisiyaların həcmini artırır.
Tahir TAĞIYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...