Prezidentin yeni "ASC" sərəncamı yerli fermer mallarının bazarına böyük şans açdı...

Tarix: 25.05.2016 / 03:11
Bölmə: İqtisadiyyat

Natiq Cəfərli: "Bununla fermerlər öz hesablarını aparacaq ki, il ərzində gəlirləri nə qədər olacaq"

"Əvvəllər dövlət müəssisə və təşkilatlarının ərzaq məhsulları ilə təmin edilməsində yerli mallar prioritet deyildi"
Azərbaycanda "Ərzaq məhsullarının tədarükü və təchizatı" Açıq Səhmdar Cəmiyyətinin yaradılması nəticəsində dövlət öz ərzaq ehtiyaclarını tam ödəyə biləcək. Bunu mətbuata açıqlamasında Kənd Təsərrüfatı Nazirliyinin statistik təhlil şöbəsinin müdiri Firdovsi Fikrətov bildirib.
O bunu bir sıra arqumentlərlə əsaslandırıb: "Məlum olduğu kimi, dövlət büdcəsi hesabına ərzaq və kənd təsərrüfatı məhsullarını alan müxtəlif dövlət təşkilatları (hüquq-mühafizə orqanları, ordu, penitensiar sistem, sosialyönlü müəssisələr) var. Bu dövlət təşkilatlarının ərzaq və kənd təsərrüfatı məhsulları ilə təmin edilməsi üçün dövlət büdcəsindən milyonlarla manat vəsait ayrılır. Bu vəsaitlər mərkəzləşdirilmiş şəkildə birbaşa kənd yerlərində fəaliyyət göstərən yerli sahibkarlara yönəldiləcək. Bunun nəticəsində artıq bizim öz fermerlər təbəqəmiz formalaşacaq. Onlar dövlət büdcəsindən ayrılan vəsait hesabına sifariş əsasında zəmanətli şəkildə istehsallarını quracaq. Qurumun ən böyük üstünlüyü bu olacaq. Əvvəllər büdcədən ayrılan vəsait hesabına bu işləri ayrı-ayrı təşkilatlar həyata keçirirdi".
Qeyd edək ki, bu il aprelin 11-də Prezident İlham Əliyev "Ərzaq məhsullarının tədarükü və təchizatı" Açıq Səhmdar Cəmiyyətinin yaradılması haqqında Sərəncam imzalayıb. F.Fikrətovun fikrincə, dövlətin dəstəyi ilə ASC-nin yaradılması birbaşa kəndlərdə fermerlərin vəziyyətinin yaxşılaşdırılması, gəlirlərinin artırılması, onların məhsullarının satış imkanlarının genişləndirilməsinə şərait yaradacaq. Bu səbəbdən də bu sistemdən daha çox yerli fermerlər bəhrələnəcək. Bütün bu fəaliyyətlər çox şəffaf bir formada həyata keçiriləcək. Çünki həm satınalanlar, həm də məhsulunu təklif edənlər öz məlumatlarını "Elektron məlumat bazası"na yerləşdirəcək.
Bəs ekspertlər bu yeniliyə necə yanaşır?
Məsələyə münasibət bildirən iqtisadçı-ekspert Natiq Cəfərli, prinsipcə, belə bir sistemin yaradılmasına müsbət prizmadan yanaşır: "Əvvəllər dövlət müəssisə və təşkilatlarının ərzaq məhsulları ilə təmin edilməsində yerli mallar prioritet deyildi. Həm xaricdən, həm də yerli məhsullar alınırdı. İndi isə bu ASC-nin vasitəsilə ola bilər ki, tenderlərdə əsasən yerli məhsullara üstünlük verilsin. Bu da fermerlərə bir dəstək olar. Sadəcə bunun mexanizmi çox dəqiq işlənib hazırlanmalıdır ki, bu metod effektli olsun. Məsələ ondadır ki, uzunmüddətli tədarük məsələsi gündəmdə olacaqsa, fermerlərlə uzunmüddətli müqavilələrin bağlanması daha məqsədəuyğun olardı. Məsələn, 3 illik, 5 illik müqavilələr ola bilər ki, fermerlər hesablarını apara bilsin. Bununla fermerlər öz hesablarını aparacaq ki, il ərzində gəlirləri nə qədər olacaq. Eyni zamanda, əldə etdikləri gəlirlərin bir hissəsini yeni istehsal sahələrinin yaradılmasına, əkin sahələrinin genişləndirilməsinə, texnikanın alınmasına, modern üslubda kənd təsərrüfatı fəaliyyətinin aparılmasına sərf edə bilərlər".
Vidadi ORDAHALLI

DİGƏR XƏBƏRLƏR

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

Tarix: 06.07.2026 / 15:08

Ermənistan Rusiya qazını Avropa qiymətinə alacaq...

Tarix: 06.07.2026 / 14:06

Rusiya dronla Ukraynada SOCAR-ın yanacaqdoldurma məntəqəsini vurdu...

Tarix: 05.07.2026 / 19:40

"Yeni dəmir yolu Türkiyə, Ermənistan və Azərbaycan arasında nəqliyyat əlaqələrini gücləndirəcək" - Uraloğlu

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Rəqəmsal İnkişaf Şurası ilə süni zəka və kibertəhlükəsizliyin yüksəliş yoluna çıxdıq...