Çin-ABŞ "valyuta müharibəsi"nin manata gələcək təsir imkanları...

Tarix: 25.05.2016 / 02:50
Bölmə: İqtisadiyyat

Ruslan Atakişiyev: "Bu proseslərin dərinləşməsi Azərbaycana təsirsiz ötüşməyəcək"

"Proseslər yaxından izlənilməli, risqlər qiymətləndirilməli və onun qarşısını almaqla bağlı tədbirlər həyata keçirilməlidir"

ABŞ və Çin arasında yaranan yeni iqtisadi ziddiyyətlər dərinləşir. Bu ziddiyyətin kökündə isə ABŞ-ın Çin polad məhsullarına idxal rüsumlarını kəskin artırması dayanır. Yaranmış vəziyyətdən Çin kəskin narazılıq edir və ABŞ-a qarşı müəyyən addımların atılmasını istisna etmir.
Məsələn, gözlənir ki, Çin ABŞ-dan neft alışını dayandırsın. Birləşmiş Ştatların poladla bağlı məlum qərarından sonra Çin ABŞ fond birjalarına neqativ təsir edəcək cavab tədbirləri axtarışına başlayıb. İstisna edilmir ki, belə tədbirlərdən biri kimi Çin ABŞ-da aldığı qiymətli kağızları satışa çıxarsın. Bu isə ABŞ iqtisadiyyatı üçün yaxşı heç nə vəd etmir.
Daha bir məqam isə devalvasiya amili ilə bağlıdır. ABŞ Federal Ehtiyatlar Sisteminin iyun ayında faiz dərəcələrini artıra biləcəyi bildirilir. Buna isə yalnız Çin müqavimət göstərir. Çünki bu ölkə FES-in uçot dərəcələrini artırmasında maraqlı deyil. Uçot dərəcəsi qalxdıqca, bütün inkişaf etməkdə olan ölkələrdən, o cümlədən Çindən Amerikaya kapital axını güclənir. Buna paralel olaraq Çin də yuanı ucuzlaşdırır. Yuan ucuzlaşanda Amerika iqtisadiyyatı əziyyət çəkir. Çin yuanı ucuzlaşdırmaq yolu ilə FES-i bu qərardan çəkindirmək istəyir. İndi yuan ucuzlaşsa, ABŞ və Çin arasında həm də "valyuta müharibəsi" başlayacaq. Bu isə qlobal miqyasda yeni devalvasiyaya təkan verə bilər.
Təbii ki, proseslər Azərbaycana da təsirsiz ötüşmür. Hazırda manatın dollar qarşısında möhkəmlənməsi baş verir. Yeni "valyuta müharibəsi" şəraitində isə manatın daha sürətlə bahalaşa biləcəyi haqda fikirlər səslənir. Bütün hallarda, ABŞ və Çin arasında "valyuta müharibəsi" Azərbaycanda manatın məzənnəsinə necə təsir göstərəcək?
Məsələyə münasibət bildirən İqtisadi Resursların Öyrənilməsi Mərkəzinin direktoru Ruslan Atakişiyevin sözlərinə görə, bu kimi proseslər Azərbaycana təsirsiz ötüşmür: "Çünki sözügedən proseslərin fonunda Azərbaycanda iki dəfə devalvasiya baş verib. Neftin qiymətində baş verən dəyişikliklərin səbəblərindən biri də son illər dünyada baş verən "valyuta münaqişəsi"nin güclənməsidir. Yəni bu proses də artıq xeyli müddətdir başlayıb və müxtəlif formada təzahür edir. Ona görə də bu proseslərin dərinləşməsi, təbii ki, Azərbaycana təsirsiz ötüşməyəcək. Çünki bu, milli valyutaya təzyiqləri artırır.
Bunun da qarşısının alınması yollarından biri odur ki, proseslər yaxından izlənilməli, risqlər qiymətləndirilməli və onun qarşısını almaqla bağlı tədbirlər həyata keçirilməlidir. Belə olarsa, o zaman "valyuta müharibəsi"nin neqativ təsirlərini qismən azaltmaq mümkün olacaq. Yox, adekvat addımlar atılmayacaqsa, o zaman bunun mənfi təsirləri daha çox özünü göstərəcək. Nəticədə ölkə iqtisadiyyatı bundan zərər görəcək".
Vidadi ORDAHALLI

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...