Kommersiya banklarının əksəriyyəti sosial məsuliyyət prinsipindən çox uzaq düşüb...

Tarix: 25.05.2016 / 02:44
Bölmə: İqtisadiyyat

"Onlar cəmiyyəti yox, insanları yox, real sektoru yox, yalnız öz mənfəətlərini güdürlər"

İldırım Qurbanov: "Azərbaycanda sosial məsuliyyətə riayət edən bankların sayı çox azdır"

"Bank işçiləri çox vaxt öz üzərində işləmir, təlimlərdə iştirak etmir"

Sosial məsuliyyətli biznesə elə yollarla nail olunmalıdır ki, bu zaman etik prinsiplərə dəyər verən, insanlar, cəmiyyət və ətraf aləmə qayğı ilə yanaşan metodlar tətbiq edilsin. Böhranın təsirlərini minimuma endirmək üçün bütün məsuliyyəti dövlətin üzərinə qoymaq doğru deyil.
Bu işdə hamı əlindən gələni etməlidir. O cümlədən, sahibkarlar, kommersiya bankları və digər strukturlar sosial məsuliyyət daşımalıdır. Çünki sosial məsuliyyət daşımaları imkan verəcək ki, böhranın təsirləri minimuma endirilsin və bundan ölkə iqtisadiyyatı az zərər çəksin.
Prezident İlham Əliyev bununla bağlı sahibkarlara, banklara müəyyən çağırışlar edib. Ölkə başçısı "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının ikinci ilinin yekunlarına həsr olunmuş konfransda sosial məsuliyyət məsələsinə toxunub: "Sahibkarlar yeni iş yerlərinin yaradılması istiqamətində əlavə tədbirlər görə bilərlər. İş adamları bu məsələyə sosial məsuliyyət nöqteyi-nəzərdən yanaşıb işsizləri işə götürsələr, yaxud da ki, ixtisar etmək istədikləri insanları ixtisar etməsələr, ümumi işimizə töhfə verərlər".
Bununla yanaşı, Azərbaycan Prezidentinin köməkçisi Əli Həsənov da Quba rayon ictimaiyyətinin nümayəndələri ilə görüşündə bu məsələyə xüsusi toxunub. Onun sözlərinə görə, sahibkarlar işçiləri ixtisar etməməyə çalışmalıdır: "Bugünkü vəziyyətdə icra başçısından tutmuş, sıravi vətəndaşa qədər hamı öz sosial məsuliyyətini dərk etməlidir. İş adamları da sosial məsuliyyətini dərk etməlidir. Cənab Prezident məhz buna görə sosial məsuliyyət məsələsini xüsusi vurğuladı. Hər bir rayondakı sahibkar özünü dövlətə, dövlətçiliyə, yerli insanlara bağlı hesab edirsə, sosial məsuliyyətini dərk etməli və iş yerlərində ixtisarlar aparmaqdan çəkinməlidir. Bu, sahibkarlığın qarşısında qoyulan sosial məsuliyyətdir".
Bütün bu deyilənlərin fonunda, hazırkı şəraitdə Azərbaycandaki kommersiya bankları sosial məsuliyyət prinsipinə nə dərəcədə əməl edir?
Məsələyə münasibət bildirən iqtisadçı-ekspert İldırım Qurbanovun sözlərinə görə, sosial məsuliyyətə riayət edən bankların sayı çox azdır: "Qloballaşan bazar iqtisadiyyatı dövründə kəskin rəqabətdən dolayı son illərdə sosial məsuliyyətin əhəmiyyəti xeyli dərəcədə artıb. Məhz bu səbəbdən gündən-günə müasirləşən dünya vizionunda şirkətlərin menecment reputasiyasına, yüksək brend dəyərinə və sadiq müştəri yarada bilmək üçün həyata keçirdiyi siyasət halına gəlməsi təsadüfi deyil. Yüksək texnologiyanın inkişafı və bazarların sıx əməkdaşlığı nəticəsində məhsulların bir çoxu bərabər hala gəlib. Məhsulun istehlakçı tərəfindən seçilməsində fayda verən brendlər ön plana çıxmağa başlayıb. Müasir dövrdə sosil məsuliyyət davamlı inkişafın çox vacib elementlərindən biri kimi qəbul edilir.
Azərbaycanda sosil məsuliyyətə riayət edən banklar var, amma təəssüf ki, onların sayı çox azdır. Müştəri məmnunluğu yaratmaq uğrunda mubarizə getməlidir. Bank işçiləri çox vaxt öz üzərində işləmir, təlimlərdə iştirak etmir, öz bilik və bacarığını artırmaq üçün heç bir addım atmırlar. Bu da nəticədə sosial məsuliyyətə təsir edir. Təbii ki, yüksək potensiala və menecmentlik xüsusiyyətlərinə malik olan şəxslər idarəçilikdə iştirak etdiyi halda bu baş verəcək. Öz tabeliyində olan şəxslərin timsalında, eyni zamanda təşkilatında sosial məsuliyyəti artırar".
Başqa bir ekspert isə daha kəskin və açıq mövqe ifadə etdi. Onun sözlərinə görə, banklar bu gün sosial məsuliyyətdən çox uzaq düşüblər. Onlar cəmiyyəti, insanları, real sektora kapital yönəltməyi yox, yalnız öz şəxsi mənfəətlərini düşünür. Onlar özbaşına buraxılsa, elə bu cür də davam edəcək. İki devalvasiyanın bütün ağırlığını cəmiyyətin üstünə atdılar, heç bir güzəştə getməyiblər, real sektora kapital yönəltmək barədə hətta cənab Prezidentin tövsiyəsinə hələlik uyğun bir addım atmırlar.
Namiq QULİYEV

DİGƏR XƏBƏRLƏR

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

Tarix: 20.10.2026 / 22:07

Taxıl bazarında kəskin təzad: kəndlilər buğda əkinindən imtina edir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...