Avropa Şurası Parlament Assambleyasının (AŞ PA) qərarı ədalətsizdir. Bu, Azərbaycana təzyiqdir”.
“Trend”in məlumatına görə, bunu Milli Məclisin dünən keçirilən iclasında Azərbaycanın Avropa Şurası Parlament Assambleyasındakı nümayəndə heyətinin rəhbəri Səməd Seyidov barəsində AŞ PA-da sanksiya tətbiq edilməsi məsələsinə münasibət bildirərkən deyib. S.Seyidov qeyd edib ki, AŞ PA-da yüksək vəzifədə təmsil olunan insanlar qanun-qaydanı pozduğu halda heç bir sanksiyaya məruz qalmır:“Ermənistan nümayəndə heyəti sanksiyaya məruz qalmayıb. Bu da ikili standartların olduğunu göstərir. Azərbaycan öz haqq səsini qaldıranda sanksiyaya əl atırlar. Biz düz yoldayıq. Bu mənim üçün qüsur yox, şərəfdir, çünki mən Azərbaycanın maraqlarını qoruyuram”. MM-in spikeri Oqtay Əsədov da deyib ki, Avropa Şurası Parlament Assambleyasının Azərbaycanla bağlı qərarı ədalətsizdir. "Azərbaycanda bəzi “vətənpərvərlər” bu məsələni əldə bayraq edir, qəzetlər, saytlar bu məsələdən yazır. Təbii ki, Avropa Şurası Parlament Assambleyasının bu qərarı ədalətsizdir”- deyən O.Əsədov bildirib ki, bəziləri bu sanksiyanın ilk olduğunu deyir: “Lakin bu ilk deyil, dəfələrlə belə hal olub. Biz AŞ PA-nın Azərbaycanda keçirilən komitə iclasında iştirak etmək üçün Dağlıq Qarabağda olan fransalı deputatın ölkəmizə gəlməsinə icazə vermədik və burada bizim parlamentə qarşı sanksiya qəbul etdilər ki, Azərbaycanda iki il müddətində heç bir tədbir keçirilməsin. Daha sonra özləri peşman oldular. Çünki alt komitənin iclası burada keçirilməli idi. Maddi imkanları da yox idi. Hətta iclasın keçirilməsi ilə bağlı xahiş də etdilər. Lakin biz buna etiraz olaraq bildirdik ki, sanksiya altında iclas keçirə bilmərik və iki il müddətində bundan imtina etdik". Spiker qeyd edib ki, yalnız iki ildən sonra komitə iclasları yenidən Azərbaycanda keçirildi: “O ki qaldı Səməd Seyidova qarşı ədalətsiz sanksiyaya, bu məsələ çox şişirdilir. Burada nə baş verir? Səməd Seyidova icazə verilməyəcək ki, seçkili orqanlara seçilməsin. Heç seçilmək də istəmir. Seçilməsin də. İcazə verilməyəcək ki, başqa ölkənin müşahidə missiyasında iştirak etsin. Heç etməsin də. Burada nə var ki, bunu böyüdürlər? Səməd Seyidov bizim mübariz deputatımızdır. O öz işini, mübarizliyini davam etdirəcək”.
