Qırğızıstan Azərbaycanlılarının nüfuzlu təşkilatı Prezident İlham Əliyevə müraciət etdi

Tarix: 14.07.2016 / 02:49
Bölmə: Gündəm

Qırğızıstan Azərbaycanlılarının nüfuzlu təşkilatı olan "Azəri" İctimai Birliyi Azərbaycan Respublikasının Prezidenti İlham Əliyevə müraciət ünvanlayıb. Birliyin rəhbəri Əzizağa Əliyevin imzaladığı müraciətdə deyilir:

Hörmətli möhtərəm Prezident!

Biz, Dünya Azərbaycanlılarının IV Qurultayında iştirak etmiş Qırğızıstan Azərbaycanlılarının nümayəndələri - Qırğız Xalq Assambleyasına daxil olan "Azəri" İctimai Birliyinin prezidenti, Qırğız Respublikasının əməkdar hüquqşünası Əzizağa Əliyev, birliyin fəxri prezidenti, Qırğız Respublikasının əməkdar həkimi Akif Alaferdov, birliyin idarə heyətinin üzvləri; Qırğız Respublikasının əməkdar inşaatçısı, II Dünya müharibəsi veteranı Əsəd Həsənov, Qırğız Respublikasının əməkdar həkimi Mirkazım Bəşirov, iş adamı Sultan Qasımov və Qırğız Respublikasının əməkdar nəqliyyatçısı Taxar Quliyev, eləcə də Qırğız Respublikasının Gimnastika Federasiyasının prezidenti Əsəd Əsədov Qırğızıstanda yaşayan 20-minlik azərbaycanlılar adından Sizi salamlayır, Dünya Azərbaycanlılarının IV Qurultayının yüksək səviyyədə keçirilməsi münasibətilə səmimi təbriklərimizi bildirir, xaricdə yaşayan soydaşlarımız adından qayğı və diqqətiniz üçün Sizə dərin minnətdarlığımızı çatdırırıq.

Təməli Ümumilli Liderimiz Heydər Əliyev tərəfindən qoyulan Dünya Azərbaycanlıları Qurultayı dünyanın müxtəlif ölkələrində məskunlaşan azərbaycanlılarının birlik, həmrəylik, Azərbaycançılıq ideyaları ətrafında birləşməsi istiqamətində atılan mühüm tarixi addımdır və əminik ki, başçılığınızla keçirilən IV Qurultay 50 milyonluq Dünya Azərbaycanlılarının daha da təşkilatlanması və sıx birləşməsi istiqamətində, diaspor quruculuğunda yeni dönüş mərhələsi olaraq əhəmiyyətli bəhrəsini verəcəkdir.

Qırğız Respublikasında yaşayan azərbaycanlılar Sizin həyata keçirdiyiniz uğurlu daxili və xarici siyasət nəticəsində tarixi Vətənimizdə baş verən bütün müsbət dəyişiklik və sosial-iqtisadi inkişafa hədsiz dərəcədə sevinir, Qarabağ həqiqətlərinin dünya ictimaiyyətinə çatdırılması sahəsindəki fəaliyyətiniz, eləcə də ölkə xaricində yaşayan soydaşlara olan qayğı və diqqətiniz bizi Azərbaycançılıq amalı ətrafında sıx birləşməyə səfərbər edir.

Ümummilli Liderimiz Heydər Əliyev siyasətinin layiqli və ləyaqətli davamçısı kimi ölkəmizin ərazi bütövlüyünün bərpası üçün cəsarətli və qətiyyətli addımlarınız, xalqımızın rifahı naminə çalışmanız, uzaqgörən daxili və xarici siyasətiniz sayəsində Azərbaycan dünyada layiqli yerini tutmuşdur, sürətlə inkişaf edən demokratik, multikultural bir ölkə kimi tanınmaqdadır.

Son dövrdə Azərbaycanda keçirilən irimiqyaslı tədbirlərin, o cümlədən BMT-nin Sivilizasiyalar Alansının VII Qlobal Forumunun nəticələri Azərbaycanın çox böyük uğurlara imza atdığını göstərdi.

Cənab Prezident!

Məlum olduğu kimi, ata-babalarımız keçən əsrin 29-37-ci illərində Sovet repressiyasına məruz qalaraq Azərbaycandan Orta Asiya və Qazaxıstana sürgün edilmişlər. Sürgün illərinin çətinliklərini yaşasalar da, valideynlərimiz ictimai və əmək fəaliyyətləri ilə xalqımızın adını, başını daim uca etmiş, onu layiqincə təmsil etmişlər. Yalnız Qazaxıstanın Cambul vilayətinin Yeni Yol kəndində 1948-ci illərdə 11 nəfər soydaşımız Sosialist Əməyi Qəhrəmanı adına layiq görülmüşdü.

Ötən illər boyu dilimizi, dinimizi, kökümüzü, tariximizi, mədəniyyətimizi, adət-ənənələrimizi unutmamışıq, ən başlıcası isə, Vətənimizə sevgimizi qoruyub saxlamışıq. Böyüklərimiz Vətən həsrəti ilə dünyasını dəyişmiş, Novruz bayramı ərəfəsində dünyadan köçənlərimizi yad edərkən "Allah qoysa, gələn bayramlarımızı vətənimizdə keçirərik" demişlər. Onların davamçıları olan bizlərə ildən-ilə çiçəklənən və sürətlə inkişaf edən, dünya ölkələri sırasında nüfuzlu və qüdrətli bir dövlətə çevrilən müstəqil Azərbaycan Respublikasını görmək qismət olmuşdur.

Qırğız Respublikasında yaşayan azərbaycanlılar Ümummilli Lider Heydər Əliyev tərəfindən təməli qoyulan diasporumuzun təşkilatlanması istiqamətində və Sizin Dünya Azərbaycanlılarına çağırış proqramınızı əsas iş prinsipi seçərək, bu gün də iki dost, qardaş ölkə arasında körpü rolunu oynamaqda və yurddaşlarımızın təşkilatlanması istiqamətində fəaliyyətini davam etdirməkdədir.

Hörmətli Prezidentimiz!

Yüksək diqqətinizə çatdırmaq istəyirik ki, Qırğızıstanda yaşayan çoxmillətli xalqlar arasında Azərbaycan icması layiqli yerlərdən birini tutur. Qırğız Respublikasının Prezidenti Almazbek Atambayev hər zaman Qırğızıstanda yaşayan xalqların milli mədəniyyətinin qorunması və inkişafına əhəmiyyət verildiyi qeyd edir və bu xalqların nümayəndələrinin ölkənin çiçəklənməsinə, dövlətin möhkəmlənməsinə töhfə verməsini əsas məqsəd sayır.

Ölkənin ictimai-siyasi və mədəni həyatında təmsil olunan soydaşlarımız arasında elmlər doktorları, əməkdar həkimlər, hüquqşünaslar, inşaatçılar, nəqliyyat işçiləri və digərləri fəxrlə Azərbaycan adını qorumaqdadırlar və Sizi əmin edirik ki, bu vəzifəni sonadək davam etdirəcəklər.

Azərbaycan Respublikasının Qırğız Respublikasındakı fövqəladə və səlahiyyətli səfiri Hidayət Orucovun Dünya Azərbaycanlıları Əlaqələndirmə Şurasının üzvü seçilməsini məmnunluqla qeyd edir və bununla əlaqədar Qurultay iştirakçılarına təşəkkürümüzü bildiririk. Təcrübəli bir siyasətçi və diplomat kimi səfirimiz H.Orucovla birlikdə Azərbaycançılıq ideyalarını və təşkilatlanma prosesini sürətlə həyata keçirəcəyik. Səfirliyimizlə mövcud qarşılıqlı sıx əməkdaşlığımız diaspor təşkilatlarımıza böyük köməkdir və bu əlaqələrimiz güclənməkdədir.

Azərbaycan Respublikasının Qırğız Respublikasındakı Səfirliyinin təşəbbüsü ilə keçirilmiş azərbaycanlıların Mərkəzi Asiyaya sürgün edilməsinin 80 illiyinə həsr olunan "Küldən yenidən yaranmışlar" adlı Beynəlxalq Konfrans yalnız Qırğızıstanda deyil, bütün Orta Asiya və Qazaxıstanda sürgünlük həyatı yaşamış azərbaycanlılara həsr olunmuşdu və səfirliyin fəaliyyəti nəticəsində onların davamçılarının tədbirdə iştirakı təmin edilmişdi.

Əziz İlham Heydər oğlu!

Vətən həsrətli soydaşlarımız Ermənistanın Azərbaycana qarşı apardığı işğalçılıq siyasətinə bir daha etirazını bildirir, Qırğızıstanda yaşayan azərbaycanlıların daim yanınızda olduğunu və Ali Baş Komandanımızın əmrinə hazır olduğunu bəyan edirlər. Qırbızıstan azərbaycanlıları adından IV Qurultayda qarşıya qoyulan məqsəd və vəzifələrin həyata keçirilməsi üçün səylərimizi birləşdirərək, Səfirliyimizin dəstəyi ilə xalqımızı ləyaqətlə təmsil edəcək, müstəqil dövlətimizin yürütdüyü siyasəti və Azərbaycan həqiqətlərini qardaş ölkədə geniş təbliğ edəcəyik.

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...