Azərbaycan əsgərinin mülki işdən azad olunması güclü ordunun vacib şərti kimi özünü doğruldur

Tarix: 29.06.2016 / 02:43
Bölmə: Gündəm

Mehdi Mehdiyev: "Bunun sayəsində ordunun şəxsi heyəti sırf döyüş hazırlığı ilə məşğul olacaq"

"Bu həm də həmin sahələrdə mülki işçilərin peşəkarlığının artmasına xidmət edir"

Prezident İlham Əliyev Bakının Xətai rayonunda hərbçilər üçün inşa edilmiş binanın açılışında hərbçilərlə görüşdə ordu quruculuğu ilə bağlı bir sıra məqamlara toxunub. Onun sözlərinə görə, dövlət büdcəsinin əsas xərcləri hərbi məqsədlərə sərf olunur:

"Büdcə xərclərinin artması nəticəsində son illər Azərbaycanda görülən işlər göz qabağındadır. Bu gün Azərbaycan ordusu maddi-texniki təchizat baxımından güclü ordular sırasındadır. Son illər əldə etdiyimiz silah, sursat, texnika ən yüksək standartlara cavab verir. Bu gün ordumuz yüksək dəqiqliyə və çox böyük dağıdıcı qüvvəyə malik olan silahlardan istifadə edir. Yəni ordumuzun bütün ehtiyacları təmin edilir".

Dövlət başçısı qeyd edib ki, son illər hərbi hissələrdə əsgərlər mülki işlərə də cəlb olunmur: "Onların yerinə mülki şəxslər cəlb edilib. Biz burada iki məqsəd güdürük. İlk növbədə əsgərlər orduda xidmət etməlidir və öz peşəkarlığını artırmalıdırlar. Digər tərəfdən, bu, mülki şəxslər üçün yeni iş yerlərinin açılması deməkdir. Artıq bu proqram çərçivəsində minlərlə mülki şəxs hərbi hissələrdə işləyir, yaxşı maaş alırlar. Mən hərbi hissələrdə olarkən onlarla da söhbət edirəm və görürəm ki, onlar da bu işlərdən çox razıdırlar. Azərbaycanda ordu quruculuğu məqsədli və planlı şəkildə aparılır".

Ümumilikdə hərbi hissələrdə əsgərlərin mülki işlərə cəlb olunmaması ordunun peşəkarlığının artmasında nə kimi rol oynayır?

Məsələyə münasibət bildirən hərbi ekspert Mehdi Mehdiyevin sözlərinə görə, bu amil ordunun peşəkarlaşmasında mühüm rol oynayır: "Bunun sayəsində ordunun şəxsi heyəti sırf döyüş hazırlığı ilə məşğul olacaq. Daha mülki işlərlə məşğul olmağa zərurət yaranmaz. Bu da Silahlı Qüvvələrin peşəkarlığının artmasına xidmət edir. Azərbaycanda ordunun güclənməsini Prezident İlham Əliyev daim diqqət mərkəzində saxlayır. Bu həm də ordunun şəxsi heyətinin peşəkarlıq səviyyəsinin artırılmasına yönəlib. Bu baxımdan müddətdən artıq hərbi xidmət keçənlər, gizirlər oxutdurulur, hazırlanır ki, döyüş texnikasına yiyələnsinlər. O cümlədən, hərbi qulluqda olan hərbçilərin qeyri-ixtisas işləri ilə məşğul olmasından kənarlaşdırılması məqsədilə bir çox sahələrdə mülki işçilər işə cəlb olunub. Bu həm də həmin sahələrdə mülki işçilərin peşəkarlığının artmasına xidmət edir. Məsələ ondadır ki, əvvəl əsgər gəlirdi, 18 ay ərzində xidmət edirdi və nəyisə öyrənirdi. Bu zaman müəyyən mülki işlərə də vaxt sərf edirdi. Ancaq indi aşpazından tutmuş, bir çox sahələrdə hərbdə olan mülkilər illərlə eyni ixtisasa yiyələnərək daha da peşakar olur. Təbii ki, bunun sayəsində ordunun şəxsi heyətinə göstərilən qayğı, məişət və xidmət şəraiti yaxşılaşır.

O baxımdan ordunun mülki işlərdən azad olunması düzgün addımdır".

Vidadi ORDAHALLI

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...