İlham Əliyev Sarkisyanın uzun illər fırlatdığı "araşdırma mexanizmləri" ideyasını oyundan tam çıxardı...

Tarix: 29.06.2016 / 01:08
Bölmə: Gündəm

Aydın Mirzəzadə: "Ermənistan üçün vacib olan danışıqlara getməsidirsə, Azərbaycan üçün vacib məsələ problemin həll olunmasıdır"

"Ermənistan qoşunlarının nə səbəbdən Azərbaycan torpaqlarında yerləşməsi sualına Ermənistan cavab vermək istəmir"

Prezident İlham Əliyev ötən həftə hərbçilər qarşısında çıxışı zamanı Sankt-Peterburq görüşü ilə bağlı bəzi detalları açıqlayıb. "Sankt-Peterburq görüşünün nəticəsi olaraq birgə bəyannamə qəbul edilib. O da ictimaiyyət üçün təqdim edildi.

O bəyannamədə hər şey, xüsusilə məsələnin həlli yolları göstərilir" - deyən dövlət başçısı Sankt-Peterburq görüşünün müsbət nəticələrinin olduğunu vurğulayıb. Prezident İlham Əliyev deyib ki, Azərbaycan heç bir şərt qəbul etmədən danışıqlara gedir.

"Bununla bərabər, ATƏT sədrinin şəxsi nümayəndəsinin ofisinin işçilərinin say tərkibinin artırılması məsələsi də müzakirə edilib. Düzdür, orada say göstərilmir. Ancaq mən deyə bilərəm ki, əgər bu gün o ofisdə 6 nəfər işləyirsə, bu, maksimum 2 dəfə, 2,5 dəfə artırıla bilər. Yəni burada böyük missiyadan söhbət getmir. Nəzərə alsaq ki, təmas xətti on kilometrlərlə ölçülür, bu işlərin başqa mənasını axtarmaq lazım deyil. Ofisin mandatı da yerindədir, heç bir dəyişiklik yoxdur. Sadəcə olaraq, 6 nəfərin əvəzinə 12, ya 13, ya 14 nəfər olacaqdır, vəssalam". İlham Əliyevin sözlərinə görə, ermənilərin şərt kimi ortaya qoyduqları insidentlərin araşdırılması mexanizminin tətbiqinə indiki mərhələdə ehtiyac yoxdur: "Birincisi, bu mexanizmlər yoxdur. Bizə heç kim konkret demir ki, bu nədən ibarət olacaq. Belə olan halda, bu məsələyə bu gün baxmaq düzgün olmazdı. İkincisi, bunun mənası nədən ibarətdir? Əgər bunun mənası ondan ibarətdir ki, münaqişə dondurulsun və təmas xəttində hansısa əlavə tədbirlər görülsün, əlbəttə, Azərbaycan buna getməyəcək. Bu, o vaxt ola bilər ki, danışıqlar prosesində müsbət dinamika davam etdirilsin, biz konkret nəticələri görək, bilək ki, nə vaxt bizim torpaqlarımız işğaldan azad olunacaq, onda əlbəttə, müxtəlif mexanizmlər işlənə və o vaxt bu məsələyə baxıla bilər".

Millət vəkili Aydın Mirzəzadənin sözlərinə görə, Prezident artıq bu barədə bütün spekulyasiyalara birdəfəlik son qoydu:

"Danışıqlar gedir, müəyyən mərhələdə həll prosesinə yaxınlaşırlar, amma sonradan Ermənistanın əvvəlcədən razılaşdırılmış mövqedən imtina etməsi nəticəsində yenidən başlamaq lazım gəlir. Bu gün danışıqlar və problemin özü ümumən bir-birinə bağlı olan məsələdir. Ermənistan üçün vacib olan danışıqlara getməsidirsə, Azərbaycan üçün vacib məsələ problemin həll olunmasıdır. Ermənistan isə çalışır ki, danışıqlarda diqqəti əsas mövzudan uzaqlaşdırsın. Monitorinq qrupunun yaradılması, insidentlərin araşdırılması kimi mövzunu gündəmə gətirməklə ermənilər fikri əsas hədəfdən yayındırmaq istəyir. Bizim üçün indiki mərhələdə bu qəbuledilməzdir. Bununla bağlı ölkə başçısı birmənalı fikir ifadə etdi. Tam haqlı olaraq bildirdi ki, ortada konkret nəticə olandan sonra bu mövzunu nəzərdən keçirmək olar.

Maraqlıdır ki, Ermənistan qoşunlarının nə səbəbdən Azərbaycan torpaqlarında yerləşməsi sualına Ermənistan cavab vermək istəmir. Azərbaycan öz qətiyyətini həm diplomatik, həm hərbi sahədə kifayət qədər ciddi göstərib. Danışıqlarda iştirak edir, amma bununla belə, danışıqlarda nəticə olmadıqda özünün daxili siyasətinin möhkəmlənməsinə əsas diqqət yetirir.

Azərbaycan əsas məsələni gündəliyində saxlayır, böyük dövlətlərin danışıqları davam etdirməklə bağlı təşəbbüsünü dəstəkləyir və onları daha fəal olmağa çağırır. Bununla belə, vaxt itkisinin qeyri-məqbul olduğunu diqqətə çatdırır. Hesab edirəm ki, cənab Prezidentin hərbçilər qarşısındakı çıxışı Azərbaycanın mövqeyini birmənalı şəkildə ortaya qoydu".

Məhəmmədəli QƏRİBLİ

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...