Hitlerçi erməni Njdenin rolunu oynamış rus artistinə Azərbaycanda böyük etirazlar başladı

Tarix: 23.06.2016 / 02:27
Bölmə: Gündəm

Firəngiz Mütəllimova: "Xamatova və Mixail Yefremovun həmin filmdə oynamasını qəti şəkildə qınayıram"

Nurəddin Mehdixanlı: "Ruslar öz aktyorunu Qaregin Njde obrazında görə bilirsə və ya ermənilər Njdeni canlandıracaq şəxsin rus aktyoru olmasını düşünürsə..."

Ermənistanda Njdeyə abidə ucaldılması, dünyanın müxtəlif yerlərində olduğu kimi, Azərbaycanda da etirazla qarşılanıb. Böyük Vətən Müharibəsində iştirak etmiş, faşizmə qarşı mübarizədə qətiyyətlə mübarizə aparmış Azərbaycan veteranları Rusiya prezidenti Vladimir Putinə müraciət ünvanlayıb. Müraciətdə deyilir:

"Hörmətli Vladimir Vladimiroviç!

Ötən il faşizm üzərində tarixi qələbənin 70 illik yubileyi ərəfəsində Böyük Vətən Müharibəsinin veteranları olaraq Sizə ermənilərin hitlerçi əlaltılarının qəhrəmanlaşdırılması cəhdləri barədə müraciət etmişdik. Həmin vaxt söhbət ondan gedirdi ki, bu hal nəinki Ermənistanda, eləcə də faşizmin əlində milyonlarla insanını itirmiş, onların xatirəsini qoruyub saxlayan Rusiyanın mədəniyyət və informasiya məkanına da sirayət etməyə başlayıb. Ürəyimizdə böyük ağrı ilə biz Sizin diqqətinizi ona çəkmək istəmişdik ki, Ermənistan Rusiya resurslarından istifadə edərək, general Dro və general Njde kimi tanınan SS-in erməni cəza legionunda fəaliyyət göstərmiş Drastamat Kananyan və Qaregin Ter-Arutunyanın qanlı fəaliyyətlərini ört-basdır etməyə çalışır. Tanınmış KİV səhifələrində Hitlerin və Himmlerin dostu və əlaltısı Njde qəhrəmanlarla eyni müstəvidə tutulur. Tanınmış rusiyalı aktyorlar Ç.Xamatova (Njdenin arvadı rolunu oynayıb) və Mixail Yefremov (Petko Xristov) "Qaregin Njde" filmində çəkiliblər. Biz hazırda da ümidvarıq ki, Ş.Xamatova və M.Yefremov aldadılıb. Onların Njdenin nasist başkəsəni olmasından xəbərləri olmayıb. Lakin fakt öz faktlığında qalmaqdadır. Yuxarıda adıçəkilən film Rusiyada nümayiş olunmağa imkan tapdı".

Azərbaycan incəsənət nümayəndələri rusiyalı aktyorların adıçəkilən filmdə rol almasını qınayır.

Xalq artisti Firəngiz Mütəllimova "Bakı-Xəbər"ə açıqlamasında bildirdi ki, rusiyalı həmkarlarının "Qaregin Njde" filmində çəkilməsi düzgün addım deyil: "Elə insanlar var ki, onlar üçün maliyyə, pul, şöhrət hər şeydən öndə dayanır. Yəqin ki, onlara yüksək məbləğdə qonorar təklif olunub və onlar da öz nəfslərinə hakim ola bilməyib".

Həmsöhbətimiz hesab edir ki, bu məsələ ilə bağlı aidiyyəti qurumlara şikayət etmək lazımdır: "Artıq məlum hadisə ilə bağlı müharibə iştirakçıları, veteranlar Rusiya prezidentinə müraciət ünvanlayıb. Veteranların bu addımını dəstəkləyirəm və təklif edirəm ki, istər incəsənət, istərsə də digər sahələrdə çalışanlar da rusiyalı aktyorların "Qaregin Njde" filmində çəkilməsinə etiraz etsin. Mən şəxsən öz adıma deyə bilərəm ki, Xamatova və Mixail Yefremovun həmin filmdə oynamasını qəti şəkildə qınayıram".

F.Mütəllimova onu da əlavə etdi ki, ruslar hər zaman ermənilərlə işbirliyində olub: "İndi onların o filmdə oynamasına təəccüblənməməliyik. Onlar üçün pul daha önəmlidir. Bildirirlər ki, guya rus aktyorlar Njdenin kim olmasından xəbərsiz olduğu üçün filmə çəkilməyə razılıq veriblər. Məncə bu düzgün deyil. Çünki hər bir aktyor və aktrisa istənilən obraza dəvət olunarkən belə filmin nədən bəhs etdiyini və canlandırdığı obrazın əslində necə şəxsiyyət olduğunu ona başa salırlar. Yəni onlar bilərəkdən bu filmdə oynayıblar. Mən o aktyorları qınayıram".

Xalq artisti Nurədin Mehdixanlı "Bakı-Xəbər"ə açıqlamasında bildirdi ki, hər zaman olduğu kimi, ermənilər rusların arxasında gizlənib: "Ermənistanda Qaregin Njde və ya onun yaxınlarını oynayacaq kifayət qədər aktyor var. Amma ermənilərin bu rola rus aktyorunu dəvət etməsi onların probleminin olmasından xəbər verir. Qaregin Njde legion başçısı olaraq sovetlərə qarşı vuruşub. Təbii ki, Njde qoşunları azərbaycanlı, türkmən, özbək, belarus əsgəri ilə yanaşı, rus əsgərini də öldürüblər.

Qaregin Njde, həmçinin, bütün dünyanın lənət etdiyi Hitlerə xidmət etmiş şəxsdir. O şəxs və ya onun yaxınları haqqında obrazı canlandıracaq şəxsin rusiyalı aktyor heyətindən olması onların öz tarixindən bixəbər olmasından irəli gəlir. Ruslar öz aktyorunu Qaregin Njde obrazında görə bilirsə və ya ermənilər Njdeni canlandıracaq şəxsin rus aktyoru olmasını düşünürsə, bu onların mənəvi və psixoloji əxlaqının yaxınlığından xəbər verir".

Günel CƏLİLOVA

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...