Prezident xaricdən Nardarana yönəlmiş radikal planların yolunu birdəfəlik kəsdi

Tarix: 23.06.2016 / 00:17
Bölmə: Gündəm

Ramiz Tağıyev: "Prezidentin səfəri və orada aparılan böyük quruculuq işləri təbii ki, qəsəbə əhalisinə dövlətə daha da bağlı olmaq üçün əlavə stimul verəcək"

"Kənardakı qüvvələr də görəcək ki, Azərbaycan dövləti daim öz vətəndaşının yanındadır və onların istənilən növ probleminin öhdəsindən gəlməyə qadirdir"

Məlum olduğu kimi, iyunun 21-də Azərbaycan Respublikasının Prezidenti İlham Əliyev Sabunçu rayonu ərazisində yerləşən Nardaran qəsəbəsində olub. İlham Əliyev Sabunçu rayonunun Nardaran qəsəbəsində sakinlərlə görüşündə qəsəbədə və ətraf ərazilərdə yolların yenidən qurulmasından danışıb.

Dövlət başçısı bundan sonra da Bakı qəsəbələrinin, o cümlədən Nardaranın sosial-iqtisadi inkişafı ilə bağlı tədbirlərin davam etdiriləcəyini deyib, yeni iş yerlərinin açılmasının vacibliyini vurğulayıb.

Nardaran sakinlərinin daim dövlətçiliyə sadiq olduğunu bildirən dövlət başçısı ölkədə bütün azadlıqların, o cümlədən din azadlığının tam təmin edildiyini vurğulayıb, bu sahədə Azərbaycanın əldə etdiyi nailiyyətlərin beynəlxalq təşkilatlar tərəfindən də yüksək qiymətləndirildiyini bildirib.

Prezident İlham Əliyev qeyd edib ki, qəsəbə sakinləri də ölkənin müstəqilliyinin möhkəmləndirilməsi işinə töhfə verir.

Nardaran sakini Ağasəid Orucov Prezident İlham Əliyevə onlara göstərilən diqqət və qayğıya görə minnətdarlığını bildirib. Prezident qəsəbəyə səfəri çərçivəsində son bir il ərzində qəsəbədə tikilərək istifadəyə verilmək üçün hazır olan obyektlərin açılışını da edib.

Qeyd edək ki, bu işlərə Nardaran kəndində baş qaldıran və din pərdəsi altında çıxış edən ekstremist təmayüllü dini qruplaşmaların tamamilə zərərsizləşdirilməsindən sonra start verilib. Bir il ərzində Nardaran tamamilə başqa bir görkəm alıb. Son bir ildə görülən işlər və Prezidentin həmin bölgəyə səfəri vaxtilə qəsəbəyə bir qədər nüfuz etməyi bacarmış xarici radikal dini qrupların ənənəvi təsirlərinin neytrallaşmasında nə kimi rol oynayacaq?

Siyasətçi Ramiz Tağıyev qəzetimizə açıqlamasında bildirdi ki, Prezidentin son səfəri zamanı Nardarandan göstərilən kadrlar, sözün həqiqi mənasında, bizi təəccübləndirdi: "Nardaran coğrafi cəhətdən paytaxta çox yaxın ərazidə yerləşir. Müstəqillikdən sonra hiss edilən o idi ki, sanki qəsəbə başqa qanunlarla yaşayır. Həmin qəsəbinin əhalisinin böyük əksəriyyəti inanclı insanlardır. Mənim də tanıdığım bir çox şəxslər var ki, onlar dindarlıqla yanaşı, həm də öz dövlətini sevir. Yaxın zamanlara kimi qəsəbədə qəribə ab-hava vardı. Hətta kəndin mərkəzində Azərbaycanın dövlət atributlarının əvəzinə cürbəcür bayraqların asıldığını görürdük. Azərbaycan dövləti dini inanclara çox hörmətlə yanaşır. Hətta digər dini konfessayalara belə ibadət, ritualların həyata keçirilməsi üçün lazımi şərait yaradılır. Nardarandakı vətəndaşlarımızın da inanclı olması bizi və dövlətimizi qətiyyən narahat edə bilməz. Ancaq bunun pərdəsi altında hansısa ekstremist qrupların qəsəbədə istədiyi kimi davranması, sakinləri yoldan çıxarması yolverilməzdir. Biz bir müddət əvvəl hüquq-mühafizə orqanlarının orada keçirdiyi əməliyyat zamanı bunun bir daha şahidi olduq. Prezidentin səfəri və orada aparılan böyük quruculuq işləri təbii ki, qəsəbə əhalisinə dövlətə daha da bağlı olmaq üçün əlavə stimul verəcək. Kənardakı qüvvələr də görəcək ki, Azərbaycan dövləti daim öz vətəndaşının yanındadır və onların istənilən növ probleminin öhdəsindən gəlməyə qadirdir".

Məhəmmədəli QƏRİBLİ

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...