Nobel mükafatçısı və "kasıbların bankiri"nə Bakıda BAMF-ın Ali Mükafatı təqdim olundu

Tarix: 21.06.2016 / 02:39
Bölmə: Gündəm

Beynəlxalq Avrasiya Mətbuat Fondunun təşəbbüsü, ADA və İqtisad Universitetinin birgə təşkilatçılığı ilə Bakıya səfər etmiş Nobel Sülh Mükafatı laureatı Məhəmməd Yunusun "Kasıbların bankiri" (The Banker to the Poor) kitabının Azərbaycan dilindəki versiyasının təqdimatı keçirilib.

Qeyd edək ki, Professor Məhəmməd Yunus öz kitabının Azərbaycan dilinə tərcümə olunmuş ilk versiyasını imzalayaraq Azərbaycan Respublikası Prezidentinə hədiyyə edib. Bu kitab BAMF tərəfindən Azərbaycan dilinə tərcümə olunub.

Beynəlxalq Avrasiya Mətbuat Fondunun qərargahında baş tutan təqdimatda Milli Məclis, beynəlxalq təşkilat, xarici səfirlik, vətəndaş cəmiyyəti nümayəndələri və media təmsilçiləri iştirak edib.

Tədbiri açan Beynəlxalq Avrasiya Mətbuat Fondunun sədri Umud Mirzəyev bildirib ki, "Kasıbların bankiri" kitabının Azərbaycan dilinə tərcümə edilməsi və bu kitabın dünya şöhrətli müəllif Məhəmməd Yunusun şəxsi iştirakı ilə Bakıda təqdimatının keçirilməsi əlamətdar hadisədir":Tərcümə prosesilə yaxından məşğul olan insan olaraq deyə bilərəm ki, kitab istər yaradıcılıq, istərsə də professionallıq baxımından yeganə vəsaitlərdən biridir ki, bu kitabı oxuyan hər kəs həyatında dəyişikliyə ehtiyac olduğunu hiss edəcək".

Azərbaycan Milli Elmlər Akademiyasının vitse-prezidenti, millət vəkili İsa Həbibbəyli qeyd edib ki, artıq bir neçə ildir Azərbaycanda Nobel mükafatçıları ilə görüşün səmərəli ənənəsi mövcuddur: "Kasıbların bankiri" kitabı yoxsulluqdan xilas olmaqda, cəmiyyətin çətinlikdən aydınlığa doğru inkişafında insan amilinin maliyyə faktorundan üstün olması fikrini formalaşdırır". "Kasıbların bankiri" kitabını insan iradəsinin manifesti adlandıran İsa Həbibbəyli deyib: "Dərin insanlıq sevgisi, özünəinam, maarifçilik, böyük ümidlər "Kasıbların bankiri" kitabından çıxarılan əsas nəticələrdir".

Tədbirdə söz alan əmək və əhalinin sosial müdafiəsi nazirinin müavini Mətin Kərimli bidirib ki, M.Yunusu unikal edən, ona Nobel qazandıran ən böyük üstünlüyü dəyişikliyə olan inamı olub.

"Siz bankların kasıb insanlarla işləyə biləcəyinə, Banqladeş cəmiyyətinin aşağıdan dəyişə biləcəyinə inanmısız. Azərbaycanı da bugünkü inkişaf səviyyəsində gətirən həmin inamdır. 90-cı illərdə çoxsaylı sınaqlardan keçən Azərbaycan bu gün dünya səviyyəli tədbirlərə ev sahibliyi edir. Kasıblıq və işsizlik dəfələrlə aşağı salınaraq 5%-dən aşağı səviyyəyə endirilib", - deyə M.Kərimli qeyd edib.

Daha sonra "FINCA Azerbaijan" Qeyri-Bank Kredit Təşkilatının baş icraçı meneceri Timoti Tarranta da Mühəmməd Yunusun Bakıya səfər etməsini çox yüksək qiymətləndirərək, dünya iqtisadçılarının məhz onun araşdırmalarından ilhamlandığını etiraf edib.

Kitabının Azərbaycan dilinə təcrümə edilməsini müsbət qiymətləndirən M.Yunus Azərbaycan xalqının və ictimaiyyətinin kasıblığın azaldılması istiqamətindəki addımlarını yüksək qiymətləndirdiyini deyib.

"Kitabın Azərbaycan dilinə tərcümə olunmasında zəhmət çəkən hər bir şəxsə təşəkkür edirəm. Düzü, kitabı ilk yazan zaman bu qədər maraqla qəbul ediləcəyini gözləmirdim. Lakin reaksiyalar məni də təəccübləndirdi. İnkişafı davamlı olan Azərbaycan cəmiyyətinin də "Kasıbların bankiri" kitabından yüksək səviyyədə yararlanacağına ümid edirəm. Biz bu kitabda bir çox vacib məqamlara toxunmuşuq. Hər birimiz yoxsulluğun sıfır səviyyəsinədək endirilməsini arzu edirik. Azərbaycan bu hədəfə çox yaxındır".

Yoxsulluq sıfır səviyyəsinə endirildikdən sonra gələcəkdə yoxsulluğun muzeyinin yaradılacağını deyən M.Yunus bildirib ki, Azərbaycan artıq bu istiqamətdə işlərə başlayıb.

Mərasimdə professor Məhəmməd Yunusa BAMF-ın Ali Mükafatı təqdim olunub.

Qeyd edək ki, sözügedən Ali Mükafat buna qədər Azərbaycan Respublikasının Prezidenti İlham Əliyev cənablarına və Udmurtiya Respublikasının rəhbəri Aleksandr Solovyova təqdim olunub. Bu mükafat dünya miqyasında vətəndaş cəmiyyəti sahəsinə verdiyi töhfə, beynəlxalq səviyyədə sosial və iqtisadi sahədə əldə olunan nailiyyətlərə, dünya elminin inkişafında oynadığı əvəzsiz rol və münaqişələrin həllində sülhü təbliğ edən ictimai xadimlərə təqdim olunur.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...