"Formula-1"dən Azərbaycan üçün istədiyimizi aldıq

Tarix: 21.06.2016 / 01:37
Bölmə: Gündəm

Zahid Oruc: "Bununla bir daha sülh mərkəzi olduğunu ifadə etdi"

Rövşən Rzayev: "Bu yarış Azərbaycana turizm ölkəsi kimi marağı daha da artıracaq"

Məlum olduğu kimi, Azərbaycanın paytaxtı Bakı növbəti dəfə dünya əhəmiyyətli mötəbər idman yarışına ev sahibliyi edib. Bakıda dünyanın ən nüfuzlu idman yarışlarından biri - "Formula-1" Avropa Qran-prisi keçirilib. Odlar Yurdunun paytaxtı Bakı öz tarixində daha bir mötəbər beynəlxalq idman yarışına ev sahibliyi etdi.

Növbəti dəfə bütün Avropanın idman nəbzi Bakıda - Şərqlə Qərbin koloritinin cəmləşdiyi bu nadir şəhərdə döyündü.

"Formula-1" Avropa Qran-prisinin paytaxtın Azadlıq meydanında keçirilən möhtəşəm açılış mərasimi maraqlı anlarla yadda qaldı. Bu anlar təsdiqlədi ki, dünyada yarım milyard tamaşaçı auditoriyası olan "Formula-1" yarışının Bakıda keçirilməsi ölkəmizin beynəlxalq idman aləmində qazandığı uğurları bir daha əks etdirdi. Birinci Avropa Oyunlarından sonra "Formula-1" kimi mühüm yarışın Bakıda keçirilməsi Azərbaycanın idman dövləti olduğunu, bu missiyanın ölkəmizin timsalında hər zaman özünü doğrultduğunu təsdiqləyir.

Karnaval üslubunda hazırlanan açılış mərasimində Azərbaycan mədəniyyətinin incə koloriti, milli rəqslərimiz və ən əsası da xalqımızın əsrlərdir qoruyub saxladığı simvollar dünya tamaşaçılarına canlı yayımda nümayiş etdirildi. Beynəlxalq idman aləmi müstəqillik yolu ilə uğurla addımlayan Azərbaycanı bir daha tanıdı. Qədim tarixə, zəngin mədəniyyətə, milli-mənəvi dəyərlərə, ən əsası da parlaq idman ənənələrinə malik ölkəmizin güclü potensialına bələd oldu.

Ümumilikdə Bakıda keçirilən "Formula 1" yarışları Azərbaycana nə verdi?

Sözügedən məsələ ilə bağlı fikirlərini "Bakı-Xəbər"lə bölüşən millət vəkili Zahid Oruc buna bir neçə prizmadan yanaşdı: "Bu idman növünün milyonlarla tamaşaçı kütləsi var. Sadəcə sürəti deyil, daha çox azadlıqları və idman yarışları sayəsində real potensialı özündə ehtiva etmək üçün çox mühüm bir yarışmadır. Hesab edirəm ki, Bakı buna ev sahibliyi etməklə birinci növbədə informasiya məkanına çıxmaq, bu yarışların auditoriyasından yaxşı mənada istifadə etmək düşüncəsini ortalığa qoydu. Bununla bir daha sülh mərkəzi olduğunu ifadə etdi. Həmçinin, gələcək dövrdə turistlər üçün uğurlu bir ölkə ola biləcəyini ifadə etməyə çalışdı. Azərbaycan gəncləri bu yarışmadan bəhrələndilər, bunun həyəcanını yaşadılar. Ölkəmizin dünyada tanınması baxımından yarışmanın böyük əhəmiyyəti var. Deməyim odur ki, yarışmanın Azərbaycan üçün müsbət tərəflərindən kifayət qədər danışmaq olar".

Digər millət vəkili Rövşən Rzayevin fikrincə, Bakıda keçirilən "Formula 1" yarışı ölkəmizdə turizm sahəsinin inkişafına daha da təkan verəcək: "Bu yarış Azərbaycana turizm ölkəsi kimi marağı daha da artıracaq. Eyni zamanda bu yarış Azərbaycanın idman sahəsində yeni bir mərhələ sayıla bilər. Bu yarışların Bakıda keçirilməsi ölkəmizdə ilk növbədə idmanın inkişafına daha da təkan verəcək. Bu gün Azərbaycanın ərazilərinin 20 faizinin işğal edilməsinə baxmayaraq, onun dünyəvi inkişafını nəzərə almamaq mümkün deyil. "Formula 1" kimi beynəlxalq tədbirlərin Bakıda keçirilməsi ilə beynəlxalq aləmin Azərbaycana diqqəti daha da artır".

Vidadi ORDAHALLI

DİGƏR XƏBƏRLƏR

Tarix: 10.05.2026 / 11:58

Qeyri-adi yetənəyi ilə məşhurlar siyahısına düşən soydaşımız - Günay Həsənova

Tarix: 09.05.2026 / 06:39

Bu gün QƏLƏBƏ günüdür

Tarix: 09.05.2026 / 06:14

İran BMT-yə çağırış etdi - “ABŞ-ı qınayın”…

Tarix: 09.05.2026 / 06:04

Trampı tabutda təsvir etdi, altına “kaş ki…” yazdı - Ağ Ev şokda…

Tarix: 06.05.2026 / 14:30

Türk Dünyasında İnteqrasiya və Texnoloji dönüş: Bakıda strategiya və qardaşlıq vurğusu

Tarix: 06.05.2026 / 08:39

Meloni “deepfake”i “təhlükəli silah” adlandırdı - zarafatından da qalmadı

Tarix: 06.05.2026 / 08:29

Pentaqonun delfin-kamikadzeləri? - Hegseth inkar etmədi…

Tarix: 06.05.2026 / 08:09

Moskva Qələbəni “İD məğlubiyyəti” ilə keçirəcək - İnternetsiz…

Tarix: 06.05.2026 / 07:56

ABŞ müharibəyə “qaldığı yerdən” davam edəcək - İranla danışıqlar uğursuz olarsa…

Tarix: 06.05.2026 / 07:41

İran BƏƏ-yə hücum iddialarını rədd edir - "dağıdıcı və təəssüf doğuran cavab" gündəmdə…

Tarix: 05.05.2026 / 21:37

Arxiyepiskop tərəfdarları səsini Makrona çatdıra bilmədi - Gümrüdə…

Tarix: 04.05.2026 / 17:22

Tenderlərin MMC-lər arasında şübhəli "ötür-ötürü" ölkəni bürüyüb - Bakı İH nümunəsi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.05.2026 / 17:38

Prezident İlham Əliyev və Mehriban Əliyeva Şükürbəyli kəndinə köçən sakinlərlə görüşdü - FOTO/YENİLƏNDİ

Tarix: 07.05.2026 / 22:18

Gürcüstanla Rusiya Zəngəzur dəhlizinə alternativ hazırlayır - qonşumuzdan yeni davranış...

Tarix: 07.05.2026 / 17:18

Azərbaycandan keçən yollar Avrasiyada müharibələrdən təsirlənməyən yeganə marşrut oldu...

“Böyük qayıdış” müasir şəhərsalma mədəniyyətinə böyük töhfələr verir...