İlham Əliyev Putinlə ikitərəfli görüşdə Sarkisyanın öncədən işə saldığı planı pozdu

Tarix: 21.06.2016 / 01:10
Bölmə: Gündəm

Sarkisyan diqqəti qeyri-prinsipial istiqamətə yönəltmək istəsə də, Azərbaycan Prezidenti "Qarabağ-status-kvo" mövzusunu istisnasız qabartdı

Aydın Quliyev: "Sarkisyan Peterburq görüşünü mənasız məsələlərin müzakirəsinə yönəltmək istəyir"

Rusiya prezidentinin mətbuat katibi dünən görüşdən qabaq prezidentlərin Qarabağ görüşü haqqında maraqlı proqnoz vermişdi. Peskov danışıqların çox gərgin keçəcəyini, ümumiyyətlə, çox gərgin bir iş günü olacağını bildirmişdi.

Peskov demişdi ki, hazırda əsas məqsəd hərbi əməliyyatların bərpa olunmasından sığortalanmaqdır.

Dünən Sankt-Peterburqda Qarabağ danışıqları ilə bağlı Rusiya və Ermənistan prezidentlərinin ikitərəfli görüşü olub. RİA "Novosti"nin məlumatına görə, görüşdə Ermənistan prezidenti Serj Sarkisyan bildirib ki, atəşkəsin pozulması hallarının araşdırılması mexanizminin yaradılması Dağlıq Qarabağ danışıqlarının aparılması üçün yaxşı zəmin yaradacaq.

"İstəyirik ki, Dağlıq Qarabağ problemi yalnız sülh yolu ilə həll olunsun", - deyə o vurğulayıb.

S.Sarkisyan onu da deyib ki, bu cür münaqişələr bir tərəfin arzusu ilə həll olunmur. "Əgər artıq əldə etdiyimiz anlaşmaların implementasiyası üzrə irəliləsəydik, yəni insidentlərin araşdırılması mexanizmlərini yarada bilsəydik, sevinərdik. Bu, danışıqların aparılması üçün işgüzar əhval-ruhiyyə yaradardı". O da bildirilmişdi ki, guya Putin bütün bu məsələləri müzakirə etməyə razılıq verib. Dünən dərhal bu xəbəri şərh edən "Bakı-Xəbər"in baş redaktoru Aydın Quliyev deyib: "Sarkisyanın Putinlə görüşündən verilən kiçik xəbər bir çox mühüm mətləbləri ortaya qoyur. Aşkar görünür ki, bütün dünya, o cümlədən Azərbaycan bu üçtərəfli görüşdən çərçivə sazişi ilə bağlı mühüm irəliləyiş gözlədiyi halda, Sarkisyan danışıqlar mövzusunu çox dar və qeyri-prinsipial bir dəhlizə soxmaq istəyir. Guya faktların araşdırılması mexanizmi çox vacib imiş və guya bu mexanizm olsa, Qarabağ problemi həll ediləcək. Bu absurddur. Görünür ki, Sarkisyan bu görüşü çox mənasız bir istiqamətə yönəltmək istəyir ki, əsas mövzu toxunulmamış qalsın. Məsələn, status-kvo-nun dəyişdirilməsi məsələsi nəzərdən yayındırılsın və sadəcə danışıqlar uzansın. Gözləyək, görək Putin Azərbaycan Prezidenti ilə nəyi müzakirə edəcək. Bu çox mühüm məsələdir. Ancaq onu da deyim ki, ermənilərin Vyana görüşündən sonra niyə atəşkəsə əməl etmədiklərinin səbəbini Sarkisyanın davranışları artıq sübut etdi. Aprelin 16-dan indiyədək hər gün atəşkəsi yüz dəfədən çox pozmaqla Sarkisyan bugünkü Peterburq görüşündə faktaraşdırma mexanizminin guya çox vacib məsələ kimi gündəmə gətirilməsinə nail olmaq istəyirdi. Demək, son iki ayda ermənilərin atəşkəs pozuntusunu intensivləşdirməsi indiki Peterburq danışıqlarına hesablanmış taktika olub".

Göründüyü kimi, üçtərəfli Qarabağ görüşündən qabaq prosesin çətin və ziddiyyətli gedəcəyinin əlamətləri ortada idi. Aydın məsələdir ki, Azərbaycan Prezidenti Putinlə görüşdə Qarabağ mövzusunda müzakirənin ikinci-üçüncü dərəcəli məsələlər barədə aparılmasına nail olmaq istəyən Sarkisyanın taktikasına uya bilməzdi və bu taktikanın mahiyyətini öncədən görərək onu pozmağa çalışacaqdı. Həqiqətən də Putinlə ikitərəfli görüşdə İlham Əliyev status-kvo məsələsini danışıqların önəmli mövzusuna çevirməklə Sarkisyanın taktikasını tam alt-üst etdi. Belə ki, dünən Azərbaycan Prezidenti İlham Əliyev rusiyalı həmkarı Vladimir Putinlə görüşdə bəyan edib ki, Dağlıq Qarabağ münaqişəsində "status-kvo" qəbuledilməzdir: "Əlbəttə, bu gün əsas müzakirə mövzusu Ermənistan-Azərbaycan, Dağlıq Qarabağ münaqişəsinin nizamlanmasıdır. Mən görüş keçirmək təşəbbüsünə, Rusiyanın nizamlanma işində oynadığı konstruktiv rola görə Sizə təşəkkür edirəm".

Azərbaycan Prezidenti qeyd edib ki, Ermənistan-Azərbaycan, Dağlıq Qarabağ münaqişəsi uzanıb: "Rusiya və ATƏT-in Minsk Qrupunun digər həmsədlərinin bəyan etdiyi kimi, status-kvo qəbuledilməzdir. Biz bu bəyanatı tam dəstəkləyirik, lakin status-kvonun dəyişməsi üçün 20 ildən artıqdır işğal altında olan Azərbaycan ərazilərinin işğalının dayandırılmasına başlamaq lazımdır".

İlham Əliyev vurğulayıb ki, bu məsələ Rusiya Prezidenti Vladimir Putinlə danışıqlar zamanı müzakirə olunacaq: "Bizdə ümid var ki, son iki ildə praktiki olaraq aparılmayan danışıqlar prosesinə konstruktiv dinamika verə biləcəyik".

Material hazırlanarkən Peterburqda üçtərəfli İlham Əliyev-Putin-Sarkisyan görüşünün olub-olmadığı ilə bağlı rəsmi məlumat hələ yox idi. Odur ki, üçtərəfli görüşün hansı müzakirəyə həsr olunacağını hələlik demək çətindir. Ancaq ikitərəfli görüşdə İlham Əliyevin prinsipial status-kvo məsələsi üzərində təkid etməsi heç bir şübhə yeri qoymur ki, Azərbaycan Prezidenti üçtərəfli görüşdə də Sarkisyanın taktikalarına aman verməyəcək.

Rusiya prezidenti Vladimir Putinlə Azərbaycan Prezidenti İlham Əliyevin görüşü zamanı iqtisadi məsələlər də müzakirə edilib. APA-nın Rusiya bürosunun verdiyi məlumata görə, prezidentlərin Sankt-Peterburq görüşündə ikitərəfli münasibətlər müzakirə olunub.

"Bu gün müzakirə edəcəyimiz problem bəllidir. Bu bizə çoxdan qalan Qarabağ problemidir. Lakin mən görüşümüzdən istifadə edib ikitərəfli münasibətlərimiz haqqında danışmaq istəyirəm. Bizə məlum olan səbəblərdən, təəssüf ki, ticarət dövriyyəmizin aşağı düşməsini müşahidə edirik",- deyə Putin qeyd edib.

Rusiya prezidenti bildirib ki, hər iki lider bunun səbəbini bilir: "Ticarət dövriyyəsinin aşağı düşməsinə səbəb enerji daşıyıcılarının qiymətinin ucuzlaşması və eləcə də milli valyutaların məzənnəsi arasındakı fərqdir".

Prezidentlər ikitərəfli əməkdaşlığın humanitar perspektivlərini də müzakirə ediblər: "Bilirik ki, Azərbaycanda rus dilinin öyrənilməsinə necə həssas yanaşılır. Bizim ali məktəblərin filiallarının necə uğurla fəaliyyət göstərdiyini bilirik. Bütün bunları yüksək qiymətləndiririk. Ümid edirəm ki, belə işlər bundan sonra da bütün istiqamətlərdə davam etdiriləcək".

Prezident İlham Əliyev rusiyalı həmkarını Peterburq İqtisadi Forumunun uğurlu keçməsi münasibətilə təbrik edib. İ.Əliyev Azərbaycanın bu forumda fəal iştirak etdiyini söyləyib. Rusiya-Azərbaycan ticarət dövriyyəsindən danışan İ.Əliyev bunun müvəqqəti xarakter daşıdığını qeyd edib: "Biz ticarət dövriyyəsinin bərpa olunmasının yollarını və möhkəmləndirilməsini axtarırıq. Hesab edirəm ki, bu baş verəcək. Bundan başqa, bizim enerji sahəsində qarşılıqlı aktiv fəaliyyətimiz var. Nəqliyyat əməkdaşlığında da yaxşı perspektivlərimiz var".

İ.Əliyev Vladimir Putini Azərbaycanda görmək arzusunda olduğunu da bildirib.

Dünən Putinin prezidentlərlə ikitərəfli görüşlərindən sonra Sankt-Peterburq şəhərində Azərbaycan Prezidenti İlham Əliyevin, Rusiya Prezidenti Vladimir Putinin və Ermənistan Prezidenti Serj Sarkisyanın birgə görüşü də olub.

Xəbər xidməti

DİGƏR XƏBƏRLƏR

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

Tarix: 27.10.2026 / 10:28

Dubay məhkəməsi Rusiya neftinin satışından 700 milyon dollardan çox vəsaiti dondurub - işin içində azərbaycanlılar da var…

Tarix: 26.10.2026 / 06:58

Vuçiç seçkidə məğlubiyyətini rəsmən bəyan etdi

Tarix: 24.10.2026 / 08:38

Serbiyada etirazlar pik həddə - gənclər Vuçiçi devirməyə qərarlıdır

Tarix: 22.10.2026 / 15:01

44 günün fövqündə: milli iradənin və tarixi yaddaşın təntənəsi

Tarix: 20.10.2026 / 22:19

İran XİN sözçüsü Azərbaycana tövsiyə verməyə qalxdı - həm də insan haqları mövzusunda…

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...