Xalqımızın əziz bayramlarından olan Novruz paytaxtın Nəsimi rayonunda da geniş şəkildə qeyd olunur.
Nəsimi Rayon İcra Hakimiyyətindən baki-xeber.com-a verilən xəbərə görə, Novruz bayramına həsr olunmuş tədbirlər çərçivəsində rayonda yaşayan şəhid, əlil, veteran, kimsəsiz və aztəminatlı ailələr, məcburi köçkünlərə qayğı diqqət mərkəzində saxlanıb. Bu qəbildən olan ailələrin bayrama hazırlıqa işlərində, Nəsimi rayon İcra Hakimiyyəti ilə yanaşı, rayonda yerləşən idarə və təşkilatlar, xüsusilə də ənənəvi olaraq belə xoşməramlı tədbirlərdə yaxından iştirak edən iş adamları, ayrı-ayrı xeyriyyəçilər tərəfindən əziz bayram münasibətilə rayonda yaşayan aztəminatlı ailələr üçün zəruri ərzaqlardan ibarət bağlamalar təşkil olunub.
Novruz tədbirləri çərçivəsində, eyni zamanda, Nəsimi Rayon İcra Hakimiyyəti "İmperial" şadlıq sarayında Qarabağ əlilləri, müharibə veteranları və şəhid ailələri ictimai birliyinin, Veteran Təşkilatları Şurasının, Azərbaycan Vətən Müharibəsi Veteranları İctimai Birliyinin, Qızıl Aypara, Gözdən Əlillər, Əlillər, Çernobıl əlilləri, 20 Yanvar cəmiyyəti, Azərbaycandakı Rus İcmasının və "Sodrujestvo" cəmiyyətlərinin rayon şöbələrinin rəhbərləri və üzvləri, yataq xəstələrinə xidmət göstərən sosial xidmət işçiləri üçün bayram mərasimi təşkil edib.
Nəsimi rayon İcra Hakimiyyəti başçısının birinci müavini Gülarə Verdiyeva tədbir iştirakçılarını salamlayaraq, onları Novruz Bayramı münasibətilə təbrik edib, rayon rəhbərliyi və ictimaiyyət nümayəndələrinin cəbhə bölgəsində, düşmənlə birbaşa təmas xəttində xidmət edən əsgərlərimizin qonağı olduğunu və onlara xeyli sovqat aparıldığını diqqətə çatdırıb.
Novruz Bayramı ilə əlaqədar rayon İcra Hakimiyyətinin təşkilatçılığı ilə hazırlanmış ərzaq bağlamaları ilk növbədə yardıma ehtiyacı olan ailələrə - şəhid, əlil, ərazidə yerləşəna yataqxanada kompakt məskunlaşmış məcburi köçkün ailələri, tənha, kimsəsiz və s. aztəminatlı ailələrin üzvlərinə, ümumilikdə 2500-dən çox ailəyə təqdim olunub. Tədbirdə çıxış edən Çernobıl və 20 Yanvar Əlilləri cəmiyyətlərinin rəhbərləri, Böyük Vətən müharibəsi, Qarabağ veteranları və digərləri bayram münasibətilə göstərilən yardımlara görə minnətdarlıqlarını bildiriblər.
Baki-xeber.com
