Azərbaycan Tibb Universitetinin doktorantura və dissertantura şöbəsinə qəbul başa çatıb. Dünən ATU-nun rektoru, professor Gəray Gəraybəyli doktorant və dissertant adını qazanan gənc alimlərlə görüşüb, onları təbrik edib.
Rektor bildirib ki, Tibb Universitetində təhsilin hər pilləsində, o cümlədən doktorantura və dissertanturada bütün proseslər tamamilə şəffaf aparılır. Professor G.Gəraybəyli gənclərə elmi işlərlə bağlı mövzu seçimi, işlərin aparılması, elmi tədqiqatlarda məsuliyyətli olmağı məsləhət görüb.
Görüş zamanı gənc alimlər təhsil və tədrisin təşkili ilə bağlı öz fikirlərini bildirib, təkliflərini səsləndirib. Rektor doktorant və dissertantlara gələcəkdə üzləşəcəkləri hər bir çətinliklə bağlı rəhbərliyə müraciət etməyi tövsiyə edib.
Qeyd edək ki, bu il Azərbaycan Tibb Universitetinin doktorantura və dissertantura şöbəsinə 30 nəfər qəbul olunub. Onlardan 19-u dissertant, 11-i doktorantdır.
Baki-xeber.com
