Azərbaycanın ilk mobil operatoru və aparıcı mobil internet provayderi "Bakcell" şirkəti xarici ölkələrə səfər edən abunəçilərinə rouminqdə olarkən internetə ən sərfəli şərtlərlə çıxışı təmin etmək üçün dünyanın daha 7 aparıcı telekommunikasiya operatoru ilə yeni razılaşmalar imzalayıb.
Şirkət abunəçilərinin hər MB üçün cəmi 1 qəpik ödəyərək yüksək sürətli internetdən istifadə etmək imkanına malik olduğu ölkələrin siyahısını genişləndirməkdədir. Bu ilin yanvar ayından etibarən Gürcüstan, Ukrayna, İsrail, Qazaxıstan, Qırğızıstan, Tacikistan və Özbəkistan kimi bir neçə yeni istiqamətlərə səfər edən "Bakcell" abunəçiləri rouminqdə olduqca sərfəli olan data xidmətlərindən faydalanmağa başlayıb. Hazırda "Bakcell" abunəçiləri dünyanın 28 ölkəsində bu təklifdən faydalanmaq imkanına malikdir (Türkiyə, Gürcüstan, Rusiya, Ukrayna, İran, Böyük Britaniya, Almaniya, ABŞ, BƏƏ, Çexiya Respublikası, İtaliya, Niderland, Macarıstan, İspaniya, Qazaxıstan, İsrail, Yunanıstan, Portuqaliya, Rumıniya, İrlandiya, Malta, Özbəkistan, Misir, Yeni Zelandiya, Qırğızıstan, Tacikistan, Albaniya, Cənubi Afrika).
Bu razılaşmalar sayəsində yuxarıda sadalanan ölkələrdən hər hansı birinə səfər edən "Bakcell" abunəçiləri hər MB üçün cəmi 1 qəpik ödəyərək yüksək sürətli internetdən istifadə etmək imkanına malik olacaq. Bu təklifdən yararlanmaq üçün abunəçilər sadəcə *125#1000#YES yığaraq rouminq internet paketini aktivləşdirməlidir.
Qeyd etmək lazımdır ki, səfərdə olan "Bakcell" abunəçiləri "Bakcell Roaming" mobil tətbiqindən istifadə etməklə bütün tərəfdaş rouminq ölkələrində və operatorlarında zəng, SMS və internet qiymətləri və rouminq xidməti üzrə cari kampaniyalar haqqında bütün məlumatları əldə edə, eyni zamanda, "Bakcell"lə onlayn əlaqə yaradaraq dəstək ala bilər. Bundan əlavə, abunəçilər bu tətbiq vasitəsilə öz nömrələrinin balansını asanlıqla artıra bilir. "Bakcell Roaming" mobil tətbiqi haqqında daha ətraflı məlumat üçün keçid:http://www.bakcell.com/az/bakcell-rouminq-ap
