2017-ci ilin ilk günlərindən qeydə alınmağa başlayan sanballı uduşlar ötən ilin sonlarında "Qış Möcüzəsi", "Super Binqo" və "Yeni il Sevincləri" lotereyalarının tirajlarında udulan çoxsaylı uduşları, o cümlədən 15 ədəd 10 min manat məbləğində pul uduşları lotereya həvəskarlarında doğurduğu pozitiv ovqatı daha da yüksəltdi. Cari ilin ilk "Cek Pot" uduşu yanvarın 6-da qeydə alındı. Həmin axşam "5/36" lotereyasının 112 min 150 manat məbləğində "Cek Pot"u daha bir həmvətənimizin evinə sevinc gətirdi.
Bu ilin əvvəlindən bəri "5/36" lotereyasında beş rəqəm kombinasiyasını 5 dəfə uğurla tərtib edən 8 iştirakçı həm də öz intellekt və intuisiyaları ilə qürur duya bilərlər. Yanvar ayının 21-də bu iştirakçılardan daha biri son mərhələni də uğurla başa vuraraq 12 min 900 manat məbləğində "Cek Pot"a sahib oldu. Lakin bu uduş nə ayın, nə də 21 yanvar tarixinin son "Cek Pot" uduşu olmadı. Belə ki, "5/36" lotereyasının rəqibi olan "6/40" lotereyası bu möhtəşəm uduş marafonundan kənarda qalmadı və sadiq iştirakçılarına 108 min 530 manat məbləğində "Cek Pot" uduşu bəxş etdi. Yeni Vergi Məcəlləsinə əsasən, 10 faizlik vergi tutulduqdan sonra bəxtəvər həmvətənimiz 97 min 677 manat qazandı.
Beləliklə, yeni ilin üç həftəsi ərzində artıq ümumi məbləği 233 min 550 manat olan üç "Cek Pot" uduldu. Mübaliğəsiz deyə bilərik ki, ilin ilk uduş göstəriciləri cari ilin də uduşlarla zəngin olacağından xəbər verir. Yeri gəlmişkən ötən 2016-cı ildə 30 min 20 manat məbləğində ilk "Cek Pot" uduşu "Binqo" lotereyasının 11 yanvar tirajında qeydə alınmışdı. Ümumiyyətlə, ötən il intellektual lotereya iştirakçıları yüksək intellekt və güclü intuisiya nümayiş etdirmişlər. "5/36" lotereyasının iştirakçıları 49 dəfə beş rəqəm kombinasiyasını dəqiq tərtib etmiş və hərəyə 1 min 500 - 2 min manat udmuşlar. Onlardan yeddisi isə son mərhələyə çataraq "Cek Pot" uduşunun sevincini yaşamış və toplam olaraq 390 min 615 manat qazanmışlar.
Digər intellektual "6/40" lotereyasının iştirakçıları isə ötən ildə beş dəfə "Cek Pot" uduşunun sevincini yaşamış və bu bəxtəvər qaliblərin ailə büdcələrinə ümumilikdə 392 min 323 manat əlavə olunub. Bütün uduş sahiblərini təbrik edir və qeyd edirik ki, hazırda ölkə lotereya bazarında sanballı uduşlarla qalibləri gözləyən təkcə intellektual lotereyalar deyil. Ötən il lotereya həvəskarlarını 256 min manat məbləğində fantastik "Meqa Pot"la sevindirən "Klassik Loto" hazırda iştirakçıları 44 min manat məbləğində "Meqa Pot" və 55 min manat məbləğində "Cek Pot"la gözləyir.
Ötən il iştirakçılarına 135 min manat məbləğində "Binqo" və 175 min manat məbləğində "Super Binqo" uduşları bəxş edən unikal "Binqo" lotereyası isə hazırda iştirakçılara 60 min manat məbləğində "Fortuna" və 75 min manat məbləğində "Meqa Pot" təklif edir. İştirakçılarını son dəfə 196 min manat məbləğində "Meqa Pot" uduşu ilə bəxtəvər edən "Super Loto" lotereyası da iştirakçıları 50 min manat məbləğində "Cek Pot" və 73 min manat məbləğində "Meqa Pot"la gözləyir.
Hazırda fəaliyyətdə olan lotereyalarda oynanılan sanballı uduşların hamısını sadalamaq qeyri-mümkündür. Yeri gəlmişkən, bu say durmadan artmaqdadır. Bu baxımdan ani lotereyaları xüsusi qeyd etmək olar. Bu lotereyaların istehlakçılar tərəfindən rəğbətlə qarşılandığını nəzərə alan "Azərlotereya" ASC populyar seriyadan olan ani lotereyaların yeni buraxılışlarını istehlakçıların ixtiyarına verir. Hazırda satışda olan "Çempionat" ani lotereyası idman həvəskarı olan lotereyasevərlər arasında xüsusi rəğbətlə qarşılanır.
"Çempionat" ani lotereyasının qaydalarına əsasən, lotereya biletlərinin üzərində yerləşən 6 (altı) üstüörtülü oyun zolaqlarının ("Oyun 1", "Oyun 2", "Oyun 3", "Oyun 4", "Oyun 5", "Oyun 6") qoruyucu səthini pozmaq lazımdır. Hər bir oyun zolağı üç hissədən ibarətdir: "Sən", "Rəqib" və "Uduş". Oyun zolağının "Sən" xanasında əks olunan rəqəm "Rəqib" xanasında əks olunan rəqəmdən böyük olduğu halda - bilet uduşlu sayılır və "Uduş" xanasındakı məbləği qazanmış olur. Məsələn: Bir zolaqda "Sən" yazılmış xanada 5 (beş), "Rəqib" xanasında isə 3 (üç) rəqəmi yazıldığı halda, oyunçu "Uduş" xanasında yazılan məbləği qazanır. Bir biletdə siz bir neçə dəfə qalib ola bilərsiniz və bu halda uduşlarınız cəmlənir.
Lotereya iştirakçıları arasında populyarlığı ilə fərqlənən "Qoşa Şans" ani lotereyasında, adından göründüyü kimi, lotereya iştirakçılarının hər biri bir neçə oyundan ibarət olan iki şansa malikdirlər. Hazırda bu ani lotereyanın növbəti buraxılışı - "Qoşa Şans 3" satışdadır. Ani lotereyalardan danışarkən "Uğurlu Rəqəm" seriyasından olan ani lotereyalardan danışmamaq olmur. 2014-cü ildən etibarən "Uğurlu rəqəm 1,2...7,8" adı altında səkkiz buraxılış yüksək populyarlıqla həyata keçirilib və bu seriyadan olan 9-cu buraxılış - "Uğurlu Rəqəm 9" ani lotereyası 749 min 788 ədəd uduşla artıq lotereya həvəskarlarının ixtiyarındadır. İstəsəniz, tirajlarda həyəcanlı və əyləncəli anlar yaşayın, istəsəniz, intellekt və intuisiyanızı səfərbər edin, istəsəniz, alın və anındaca pozun - fərqi yoxdur, önəmli odur ki, lotereyalarda iştirak edin və mütləq qazanın...
