Azərbaycan Respublikası Kənd Təsərüfat Nazirliyi ilə Azərbaycan Respublikası Təhsil Nazirliyinin əməkdaşlığı əsasında Aqrar Elm və İnformasiya Məsləhət Mərkəzinin Gənc Alim və Mütəxəssislər Şurası 8-9 dekabr 2016-cı il tarixlərində Astara rayonun (4 tam orta məktəblərində) 6-11-ci sinif şagirdləri ilə “Gənclərin və ümumtəhsil məktəb şagirdlərinin aqrar elmə marağının artırılması” mövzusunda təlimlər təşkil edib.
Dekabrın 8-də Astara rayonunun 3 və 5 saylı, dekabrın 9-da isə Pensər və Siyakü kənd tam orta məktəblərində keçirilmiş tədbirdə Aqrar Elm və İnformasiya Məsləhət Mərkəzi Gənc Alim və Mütəxəssislər Şurasının sədri , a.e.ü.f. doktoru Faiq Xudayev, Azərbaycan Dövlət Aqrar Universitetinin “Gənc alim və mütəxəsislər” Şurasının sədri a.e.ü.f.d. Fariz Ələkbərov, Baytarlıq elmi-tədqiqat institutunun gənc alim və mütəxəssislər şurasının sədri Ülviyyə Hüseynova, Tərəvəzçilik Elmi-Tətqiqat İnstitutunun elmi-katibi, həmçinin “Gənc alim və mütəxəsislər” Şurasının sədri Ramil Nəbiyev, Əkinçilik Elmi-Tətqiqat İnstitutunun kiçik elmi işçisi “Gənc alim və mütəxəssislər” Şurasının üzvü Tarıverdi İslamzadə, Kənd Təsərrüfatının İqtisadiyyatı Elmi-Tədqiqat institutunun elmi işçisi Savalan Kərimli, Hikmət Əhmədzadə, Respublika Baytarlıq laboratoriyasının əməkdaşı Yusif Hüseynov, Lənkəran Regional Aqrar Elm və İnformasiya Məsləhət Mərkəzinin direktoru Təyyub Rzayev, Meyvəçilik və Çayçılıq Elmi- Tədqiqat İnstitutunun Lənkəran Bölgə Təcrübə Stansiyasının direktoru İltifat Kərimov, Üzümçülük və Şərabçılıq Elmi-Tədqiqat İnstitutunun Cəlilabad Dayaq Məntəqəsinin direktoru Azad Əkbərov və Astara rayon təhsil şöbəsi Metokabinetin müdiri Emin Fətəliyev iştirak ediblər.
Aqrar Elm və İnformasiya Məsləhət Mərkəzi Gənc Alim və Mütəxəssislər Şurasının sədri , a.e.ü.f. doktoru Faiq Xudayev Azərbaycan Respublikası Kənd Təsərüfatı Nazirliyi Aqrar Elm və informasiya Məsləhət Mərkəzi və Gənc alimlər şurasının fəaliyyəti haqqda geniş məlumat verib, ölkəmizin aqrar sahədə qazandığı uğurlardan söhbət açaraq, Dövlət başçısı cənab İlham Əliyevin bu sahəyə göstərdiyi diqqət və qayğıdan, imzalanan çoxlusaylı sərəncam və fərmanlardan, kənd təsərrüfatı naziri cənab Heydər Əsədovun bu sahədə çalışan gənc alim və mütəxəssislərə göstərdiyi diqqətdən və Aqrar Elm və İnformasiya Məsləhət Mərkəzinin direktoru, iqtisаd еlmləri dокtоru Rəsul Balayevin gənc alimlərə yaratdığı şəraitdən ətraflı şəkildə bəhs edib. F.Xudayev məlumat verib ki, hazırda KT Nazirliyinin göndərişi ilə Elmi-Tədqiqat institutlarında çalışan gənc mütəxəssislər dünyanın müxtəlif ölkələrində - Almaniya, Fransa, Çin, Koreya, Yaponiya, İran, Türkiyə, Belarus, Ukrayna, Rusiya və digər avropa ölkələrində magistiratura, doktorantura sahəsində təhsil alırlar, digər bir qrup gənc alim və mütəxəssislərimiz isə həmin ölkələrdə aqrar sahədə olan müasir texnologiyanı, elmi yenilikləri öyrənirlər.
Azərbaycan Dövlət Aqrar Universitetinin “Gənc alim və mütəxəsislər” Şurasının sədri a.e.ü.f.d. Fariz Ələkbərov universitet haqqda geniş məlumat verərək bu təhsil ocağının fəaliyyətini əks etdirən videoçarxı təqdim edib. Şagirdlərin diqqətini cəlb edən mövzulara toxunan F.Ələkbərov tədbir iştirakçılarını maraqlandıran sualları da ətraflı şəkildə cavablandırıb.
Tərəvəzçilik Elmi-Tətqiqat İnstitutunun elmi-katibi Ramil Nəbiyev institutun sturukturu, fəaliyyəti və alimləri haqqında məlumat verib. O, Tərəvəzçilik Elmi-Tətqiqat İnstitutunun beynəlxalq əlaqələri haqda söhbət açaraq gənc kadr potensialının artırılmasının vacibliyini vurğulayıb.
Baytarlıq elmi-tədqiqat institutunun gənc alim və mütəxəssislər şurasının sədri Ülviyyə Hüseynova institutda aparılan elmi-tədqiqat işləri, gənclərin bu sahədə əldə etdiyi elmi nailiyyətlərindən söz açaraq, institutun beynəlxalq əlaqələri və qarşıda duran vəzifələr barədə geniş məlumat verib.
Əkinçilik Elmi-Tətqiqat İnstitutunun kiçik elmi işçisi “Gənc alim və mütəxəssislər” Şurasının üzvi Tarıverdi İslamzadə institutun sturukturu, fəaliyyəti, aparılan elmi tədqiqat işləri, yaradılan sortlar haqqında danışıb. Cənub bölgəsinə xas olan çəltik bitkisi üzərində aparılan təcrübədən söz açan T.İslamzadə təmsil etdiyi institutun beynalxalq əlaqələrindən dən bəhs edib.
Kənd Təsərrüfatının İqtisadiyyatı Elmi-Tədqiqat institutunun elmi işçisi Savalan Kərimli, Hikmət Əhmədzadə, Respublika Baytarlıq laboratoriyasının əməkdaşı Yusif Hüseynov da çıxış edərək təmsil etdikləri qurumlar haqqında ətraflı məlumat veriblər.
Lənkəran Regional Aqrar Elm və İnformasiya Məsləhət Mərkəzinin direktoru Təyyub Rzayev, Meyvəçilik və Çayçılıq Elmi- Tədqiqat İnstitutunun Lənkəran Bölgə Təcrüə Stansiyasının direktoru İltifat Kərimov, Üzümçülük və Şərabçılıq Elmi-Tədqiqat İnstitutunun Cəlilabad Dayaq Məntəqəsinin direktoru Azad Əkbərov rəhbərlik etdikləri müəsissələrin fəaliyyətindən söz açaraq belə tədbirlərin keçirilməsini aqrar sahədə kadr potensialının gücləndirilməsi baxımından vacib olduğunu qeyd ediblər.
Astara rayon təhsil şöbəsinin əməkdaşı Emil Fətəliyev çıxış edərək bildirib ki, belə tədbirlərin təkcə Astara rayonunda deyil, respublikanın bütün regionlarında keçirilməsi şagirdlər arasında aqrar sahəyə marağın artmasına səbəb olacaq. O, qeyd edib ki, belə tədbirlər davamlı olmalıdır və şagirdlər aqrar sahədəki yeniliklər bardə daima məlumatlandırılmalıdır. E.Məmmədov rayon təhsil şöbəsinin rəhbərliyi adından bu tədbirin Astara rayonunda keçirildiyi üçün Kənd Təsərrüfatı və Təhsil nazirliyinə təşəkkürünü bildirib.
Astara rayonunun 3 saylı tam orta məktəbinin direktoru Adil Rzayev, 5 saylı tam orta məktəbinin direktoru Arzu Əhmədova, Pensər 2 saylı tam orta məktəbinin direktoru Faiq Həsənov və Təngərüd tam orta məktəbinin direktoru Xaqani Mahmudov çıxış edərək bildiriblər ki, aqrar sahəyə marağın artırılması baxımından bu cür tədbirlərin ümüumtəhsil orta məktəblərdə keçirilməsi aqrar sahəyə şagirdlərin marağını artıracaq, ixtisas seçimində şagirdlərə yardımçı olacaq və bu sahədə olan kadır çatışmamazlığının aradan qaldırılmasına kömək göstərəcək.
Şagirdlər belə görüşlərin tez-tez keçirilməsinin vacib olduğunu bildirərək müxtəlif təkliflər irəli sürüblər:
1. Azərbaycan Respublikası Kənd Təsərrüfatı Nazirliyi Aqrar Elm və İnformasiya Məsləhət Mərkəzinin tabeliyində fəaliyyət göstərən elmi-tədqiqat institutlarının və Azərbaycan Dövlət Aqrar Universitetinin şöbə və laboratoriyaları ilə tanışlıq məqsədi ilə ekskursiyaların təşkili;
2.Bölgənin torpaq-iqlim şəraitinə uyğun kənd təsərrüfatı sahələrinin inkişaf etdirilməsinə dair şagirdlərdə müasir bilik, bacarıq, vərdiş və təcrübənin formalaşmasından ötrü aqrar kursların və ya peşə məktəblərinin yaradılması;
3. Orta məktəb dərsliklərində aqrar sahənin bölgələr üzrə özünəməxsus müxtəlif istiqamətləri haqqında vacib informasiyanın əks olunması;
4. Əkin sahələri və ya aparılan aqrar yönümlü işlərlə əyani şəkildə tanış olmaq üçün fermer təsərrüfatlarına şagirdlərin səfərlərinin təşkili;
5. Azərbaycan Dövlət Aqrar Universitetində təhsil alan tələbələrnən şagirdlərin görüşünün təşkili;
6. İstixanalara və digər kənd təsərrüfatlı istehsal müəssisələrinə ekskursiyaların təşkili.
Sonda şagirdlərə “Mən aqrar sahənin mütəxəssisi olsam gələcəkdə bu sahənin inkişafı üçün nə edərdim”, “Şagirdlərin düşüncəsində aqrar sahənin inkişaf yolları” mövzularında inşa müsabiqəsinin başlandığı elan olunub. Şagirdlər öz inşalarını məktəb rəhərliyi vasitəsilə Aqrar Elm və İnformasiya Məsləhət Mərkəzinin Gənc Alim və Mütəxəssislər Şurasına təqdim edəcəklər. İnşa yazılarının qalibləri (1, 2 və 3-cü yerlər) sonda tədbirin proqramına uyğun olaraq təltif olunacaqlar.
Qeyd edək ki, şagirdlərlə görüş Bakıda və ölkənin digər bir sıra rayonlarında da təşkil olunacaq.
Baki-xeber.com
