Oktyabr ayı lotereyasevərlərin xatirində möhtəşəm uduşlar ilə qaldı. 6 oktyabr və 12 oktyabr tarixlərində lotereya istehlakçılarına 113 min 690 manat və 146 min 430 manat məbləğində iki uduş bəxş edən ötən ay daha bir fantastik uduşla başa çatdı.
Oktyabr ayının 31-də "Binqo" lotereyasında 175 min manat məbləğində "Super Binqo" uduldu. Xoşbəxt qalibi təbrik edirik, düşərli olsun,-deyirik. Bir anlıq bəxtəvər həmvətənimizin evində hansı gözəl ovqatın və pozitiv hisslərin yaşandığını təsəvvür etmək heç də çətin deyil, özü də indiki vaxtda. Yeri gəlmişkən, bu möhtəşəm uduş qalibə "Azərlotereya"nın Bakı şəhəri, Nobel prospekti 13 a saylı binada yerləşən yeni ofisində təqdim ediləcək.
Əminik ki, uduş üçün bu ünvana müraciət edənlərin sayı günbəgün çoxalacaq, çünki bu payız uduşlarla çox zəngindir. Məsələn, təkcə oktyabr ayında və yalnız həftəlik lotereyalarda 12 iştirakçı 10 min manat, 12 min manat və 13 min 300 manat məbləğində uduşların sevincini yaşayıb. Ayrı-ayrı lotereyalara gəldikdə isə, bu payız "Binqo" lotereyası iştirakçıları üçün daha məhsuldar olub. "Binqo"sevərlər hesab edir ki, 19 sentyabrda və 31 oktyabrda qeydə alınan 135 min manat və 175 min manat məbləğində uduşlar "Klassik Loto" lotereyasının 19 iyun tarixli tirajında qeydə alınmış 256 min manat məbləğində uduşuna "Binqo"nun layiqli cavabıdır.
Gündəlik və həftəlik lotereyalarda belə böyük məbləğlərdə uduşların oynanılmasına baxmayaraq, iştirakçıların əksəriyyəti məmnuniyyətlə mövsümi lotereyalarda iştirak edir. Bu lotereyalardan biri - "Qızıl Payız" lotereyası başa çatdı. Lotereyanın 28 oktyabr tirajı başlayan kimi, əsas turlar başlamamış, lotereya biletlərinin seriya nömrələri ilə keçirilən 100 faiz uduşlu əlavə turda 012079 nömrəli biletin sahibi 10 min manat uddu. Əsas turlarda müşahidə olunan uduş yağışından sonra 100 faiz uduşlu daha iki "təsəlli" turu keçirildi və ilk təsəlli turunda lototrondan çıxan bilet satılmadığından, "Qızıl Payız" lotereyasının şərtlərinə görə şarlar lototrona qaytarıldı və bu tur təkrar keçirildi. Beləliklə, "təsəlli" turlarında 082514 və 089245 saylı bilet sahiblərinin hərəsi 5 min manat uddu. Düşərli və xeyirli olmasını arzulayırıq.
"Qızıl Payız" lotereyasının ardınca bu qəbildən olan ənənəvi və populyar Yeni il bayram layihələri fəaliyyətə başlayır. Onlardan birincisi - "Super Binqo"nun tirajı dekabrın 26-da keçiriləcək və həmin axşam saat 19.30-da "Space" TV-nin tamaşaçıları canlı yayımda sanballı uduşlara şahidlik edəcək. Amma şahidlik niyə edəsiniz ki?! Hesab edirik ki, yeni il ərəfəsi bir min manat məbləğində uduşa sahiblik etmək, 10 min manat məbləğində uduşa şahidlik etməkdən qat-qat yaxşıdır. Digər tərəfdən isə, 10 min manatı niyə siz udmayasınız?! Xüsusən də bilə-bilə ki, "Super Binqo" Sizə 10 min manat məbləğində 5 ədəd uduş təklif edir.
Bəli, dekabrın 26-da sizi maraqlı bir tiraj gözləyir. Tiraj beş turdan ibarətdir. Birinci turda istənilən üfüqi sırasından hər hansı biri, ikinci turda hər hansı ikisi, üçüncü turda hər hansı üçü, dördüncü turda hər hansı dördü və beşinci turda hər hansı beşi ən tez dolmuş biletlərin hər biri 10 min manat udur. Beşinci tur bitənədək beş üfüqi sırası tam dolmuş bütün lotereya biletləri uduşlu sayılır.
Hər turda sanballı uduşlar sizə sevinc yaşadır və əsas turlar qurtarsa da, uduşlar qurtarmır, çünki bu "Super Binqo" lotereyasıdır. Əsas turlar başa çatdıqdan sonra yenidən lotereya biletlərinin seriya nömrələri ilə keçirilən turda lototrondan çıxarılmış altı şar üzərindəki rəqəmlər lotereya biletinin seriya nömrəsi ilə uyğun gələrsə, bilet öz sahibinə 5 min manat qazandırır. Uduşlu nömrə satılmamış lotereya biletinə təsadüf edərsə, şarlar yenidən lototrona qaytarılır və yeni uduşlu nömrə müəyyən edilir. Başqa sözlə, oynanılan 5 min manat 100 faiz uduşludur. Bəxtinizi sınayın, lotereyaların təkliflərini yetərincə dəyərləndirin və Yeni ili uduşlarla qarşılayın!!!
