MTRŞ - İsa Məmmədov: "Poçt şöbələrinə paylanan 5000 ədəd dekoder artıq qurtarmaq üzrədir"
RYTN-nin Radio-Televiziya Yayımı və Peyk Rabitəsi İstehsalat Birliyi: "Analoq yayımdan istifadə edən əhalinin sayı bizim düşündüyümüzdən daha çox imiş"
Noyabrın 1-dən Bakı və Abşeronda analoq yayım tam dayandırılıb. Bir ay sonra bütün bölgələrdə ancaq rəqəmsal yayım gerçəkləşdiriləcək.
Analoq yayımın dayandırılması, rəqəmsal yayıma keçid cəmiyyətdə müəyyən çaşqınlıq yaradıb. LCD ekran televizoru olmayanlar dekoder problemi ilə üzləşib. Dekoder almaq istəyənlər öncə yollarını poçtdan salmalı olur. Lakin poçtlara dekoder məhdud sayda verildiyindən, bəziləri bu cihazı ala bilmir. Vətəndaşların poçtlardan dekoder almağa səy göstərməsinin səbəbi burada adıçəkilən cihazın satış qiymətinin dükanlara nisbətən ucuz olmasıdır. Qeyd edək ki, poçt şöbələrində dekoderin satış qiyməti 22 manatdır. Ancaq müxtəlif mağazalarda isə həmin aparatın satış qiyməti 40 manata çatır.
Poçt işçiləri də bizimlə söhbətində dekoderin onlara az sayda verildiyini bildirir. Onlar qeyd edir ki, aparatı almaq istəyənlər çoxdur, lakin məhdud sayda verildiyi üçün alıcıların istəyini tam təmin etmək mümkün olmur.
Milli Televiziya və Radio Şurasının (MTRŞ) şöbə müdiri, professor İsa Məmmədov "Bakı-Xəbər"ə açıqlamasında qeyd etdi ki, dekoderlərə bu qədər tələbat olacağı gözlənilmirdi: "Poçt şöbələrində cihazın satış qiyməti dükanlara nisbətən ucuzdur. Poçt şöbələrinə paylanan 5000 ədəd dekoder artıq qurtarmaq üzrədir. Bəzi poçt şöbələrində dekoder var, bəzilərində isə yoxdur. Hansı poçtda dekoder qalıbsa, həmin yerdən o cihazı götürüb tələb olunan poçta aparırlar. Yeni dekoderlər sifariş olunub, iki-üç gün ərzində gətiriləcək".
Həmsöhbətimizin sözlərinə görə, ayrı-ayrı dükanlarda da dekoder satılır: "Biz onlara qiymət sarıdan müdaxilə edə bilmərik. Onlar sahibkardır, dekoderi istədiyi qiymətə sata bilər".
İ.Məmmədov onu da qeyd etdi ki, Rabitə və Yüksək Texnologiyalar Nazirliyi iki şirkətlə danışıq aparıb: "Tək Bakı üçün deyil, regionları da nəzərə almaq lazımdır. Sözün düzü, biz Bakıda bu qədər dekoder alıcısı gözləmirdik. Bakıda bu qədər alıcı varsa, regionlarda ondan da çox olacaq".
Rabitə və Yüksək Texnologiyalar Nazirliyinin Radio-Televiziya Yayımı və Peyk Rabitəsi İstehsalat Birliyinin nümayəndəsi bizimlə söhbətində bildirdi ki, noyabrın 1-dən başlayaraq əhalidən çox sayda zənglər gəlir: "Analoq yayımdan istifadə edən əhalinin sayı bizim düşündüyümüzdən daha çox imiş. Eyni zamanda, sosial vəziyyəti aşağı olduğu üçün dekoder əldə edə bilməyən insanların sayı da düşündüyümüzdən qat-qat çoxdur. Müraciət edənlər arasında dekoderlərdən necə istifadə edəcəyini, hətta pultu idarə edə bilməyən insanlar da çoxdur. Əhalini maarifləndirmək bizim işimiz olmasa da, əməkdaşlarımız bu işdə də onlara yardımçı olur. Vaxtında telekanallarda bu məsələ ilə bağlı daha ətraflı və geniş məlumatlandırma aparılsa idi, bunun faydası olardı. Bəzən insanlar dəqiqələrlə telefonu məşğul edib məsələyə aid olmayan şikayətlər edir. Bu hal da telefonların məşğul olmasına səbəb olur.
Onu da bildirim ki, artıq beş ildir ölkə ərazisinin 85 faizini əhatə etməklə rəqəmli yayım analoq yayımla paralel həyata keçirilirdi, bu isə idarənin xərclərini artırırdı".
Günel CƏLİLOVA �b�u.y.��j`|.�.h �Ia�.Hk8�.��. �P�jh�H� ��@�p�j��x�m@Fa�������8������P���(p� @&�)�,0�6�M�dx�k���k��xl style='mso-ansi-language:AZ-LATIN'>Günel CƏLİLOVA
