Sürətli mobil interneti hamı üçün əlçatan etməyi qarşısına məqsəd qoyan Azərbaycanın lider mobil operatoru "Azercell Telekom" "4G - indi burada!" layihəsi çərçivəsində abunəçilərini yeniliklərlə sevindirməyə davam edir.
11 oktyabrda Z.Tağıyev 26A ünvanı, Fəvvarələr meydanında yerləşən "Azercell"in ilk və ən sevilən müştəri xidmətlərindən biri olan ofis yeni konsepsiya əsasında təmir edilərək yenidən istifadəyə verildi. İstər dizaynda istifadə olunan müasir yanaşma, istərsə də mobil telekoma aid yeniliklərlə detallı tanışlıq üçün öz rahatlığı ilə fərqlənən yeni konsepsiya artıq "Azercell" müştərilərinə yaxşı tanışdır. İlk belə ofis ötən il 28 May küçəsində yerləşən "Azercell Ekspres"də istifadəyə verildi. Bu ofislərdə həm telefon danışığına görə ödəmə həyata keçirmək, müştəri xidmətlərindən istifadə etmək, həm də yeni telefon və ya nömrə almaq mümkündür.
Həmçinin, oktyabr ayının 11-dən bütün "Azercell" müştərilərinə inanılmaz fürsətlər və kampaniyalar təqdim olundu.
Beləliklə, yüksək sürətli və keyfiyyətli mobil internetdən istifadəni mümkün edən smartfonları və müasir cihazları əhaliyə əlverişli şərtlərlə təqdim etmək niyyətini əsas tutaraq, "Azercell" 2 kampaniyaya birdən start verdi. Onlardan biri "General Mobile Android One" telefonunu eksklüziv olaraq ilk dəfə yalnız "Azercell" abunəçilərinə təqdim edir. "Azercell" 4G şəbəkəsinin üstünlüyündən rahat yararlanmağa imkan verəcək yeni "General Mobile Android One" smartfonunun üzərində abunəçinin seçiminə əsasən internet paketi də təklif olunur:
* General Mobile-Fakturalı xəttə keçən SimSim abunəçiləri 12 ay müddətində ayda cəmi 35 AZN ödəməklə GM smartfonu+ aylıq 5 GB internet əldə edəcək.
* LG Flexa-Fakturalı xəttə keçən SimSim abunəçiləri 12 ay müddətində ayda cəmi 89 AZN ödəməklə LM smartfonu+ aylıq 5 GB internet əldə edəcək.
Kampaniyaya qoşulmaq üçün SimSim və fakturalı xətt abunəçiləri "Azercell" müştəri xidmətləri, ekspres ofislərinə və diler mağazalarına müraciət edə bilər.
Qeyd edək ki, "Azercell" şirkəti sürətli mobil interneti hamı üçün əlçatan etmək məqsədilə dördüncü nəsil şəbəkəsinin əhatə dairəsini də əsaslı şəkildə genişləndirir. Təkcə 2016-cı ildə Bakıda və Abşeron yarımadasında "Azercell" 220 yeni LTE stansiyası quraşdırıb. Bununla da sürətli mobil internetə ən çox tələbat olan Bakı və Abşeronun 4G ilə əhatə olunması səviyyəsi 79 %-ə çatıb.
Son il ərzində mobil internetin keyfiyyətini artıran, tariflərdə isə 55 % qədər endirim tətbiq edən "Azercell" hamını öz 4G şəbəkəsində 100 Mb.s qədər sürətli və keyfiyyətli internetdən faydalanmağa dəvət edir!
Bundan əlavə, xatırladaq ki, may ayından etibarən bütün "Azercell" abunəçiləri istənilən "Azercell" Müştəri Xidmətləri Mərkəzi və "Azercell Ekspres" ofislərinə yaxınlaşaraq 4G şəbəkəsini dəstəkləyən pulsuz simkart əldə etmək imkanını qazanıb.
Məlumat üçün bildirək ki, "Azercell" Azərbaycanda ən sürətli mobil internet təqdim edən ilk və ən böyük LTE (4G) şəbəkəsinə sahibdir.
Daha ətraflı məlumat üçün [email protected] ünvanına müraciət edə bilərsiniz.
