Bakıda Beynəlxalq Təhsil Sərgisi...

Tarix: 24.02.2016 / 01:07
Bölmə: Sosial

Doğu Akdeniz Universiteti Azərbaycandan daha çox tələbə cəlbində maraqlıdır

Fevralın 20-də "Hilton" oteldə Şimali Kipr Türk Respublikası Nümayəndəliyinin dəstəyi, "BEGIN EDU FAIR" şirkətinin təşkilatçılığı ilə Beynəlxalq Təhsil Sərgisi keçirildi. Təhsil Sərgisində ənənəvi olaraq Şimali Kipr Türk Respublikasındakı Doğu Akdeniz Universiteti (DAU) də iştirak edirdi. Qeyd edək ki, Şimali Kipr Türk Respublikası bu sərgidə bir neçə dövlət və özəl ali məktəblə təmsil olunur.

Yeni proqram və layihələrlə sərgiyə qatılan Doğu Akdeniz Universiteti Azərbaycandan yeni tələbə axını cəlb etmək niyyətindədir. DAU-nun rəsmi təmsilçisi Ijlal Dezza "Bakı-Xəbər"ə açıqlamasında bildirdi ki, əməkdaşı olduğu ali məktəbdə tələbələr üçün hər cür şərait yaradılıb.

Ijlal Dezza qeyd etdi ki, DAU-da memarlıq, incəsənət, jurnalistika, ingilis dili, mühəndis, bank idarəçiliyi, turizm, informasiya texnologiyaları və s sahələrə aid fakültələr fəaliyyət göstərir. Budəfəki sərgiyə yeni layihələrlə gəldiyini deyən xanım Dezza vurğuladı ki, bu proqramlar əsasən onlayn təhsillə bağlıdır. Onun sözlərinə görə, təmsil etdiyi universitetdə yeni fakültələr açılıb və onlar tibb, əczaçılıq, biznes və turizm fakültələridir. Bunlar onlayn proqramlardır. O həmçinin bildirdi ki, bütün dünyada məşhur olan Beynəlxalq Yay Məktəbi də DAU-nun maraqla izlənən layihələrindən biridir. Bu layihə iyulda başlayıb sentyabrda başa çatır. Ijlal Dezzanın sözlərinə görə, Yay Məktəbində dərslər ingilis, rus, fransız, alman, türk dillərində aparılır və hər mövsüm 1000 nəfərdən artıq tələbə bu proqramdan yararlanır. Yay Məktəbində Qazaxıstandan, Özbəkistandan, Azərbaycandan, Rusiyadan, Ukraynadan, Belarusdan, Türkiyədən, İrandan, Əlcəzairdən, Fələstindən, Suriyadan, Omandan və digər ölkələrdən tələbələr iştirak edir. Yay Məktəbində oxumaq arzusunda olan tələbələr 2 həftə oxumaq üçün 580 ABŞ dolları ödəməlidir. Onu da qeyd edək ki, Yay Məktəbində oxuyanların hava limanında qarşılanması və yola salınması universitetin hesabına həyata keçirilir. Xanım Dezzanın sözlərinə görə, bütün proqramlarda olduğu kimi, burda da azərbaycanlı tələbələr 50 faiz güzəştlə oxuyur: "Bizim universitetdə azərbaycanlı tələbələr 50 faiz ödəniş əsasında oxuyur. Bu ondan irəli gəlir ki, biz qardaşıq və Azərbaycandan daha çox gəncin yüksək səviyyədə təhsil almasını istəyirik. Azərbaycan dövləti bizim üçün çox dəyərlidir, təhsil və digər sahələrdə çox sıx əlaqələrimiz var. Doğu Akdeniz Universiteti 1979-cu ildə təsis olunub, son 30 ildə beynəlxalq aləmdə tanınan və akkreditasiyası olan universitet səviyyəsinə yüksəlib. Beynəlxalq Universitetlər Birliyi, Avropa Universitetlər Birliyi, Aralıq Dənizi Universitetlər Birliyi, İslam Ölkələri Universitetlər Federasiyası İdarə Heyətinin üzvü olan DAU ABŞ-da texniki və mühəndislik proqramlarına nəzarət edən ABET-dən ekvivalentlik sənədi alıb. DAU 150-yə yaxın dünya universitetləri ilə qarşılıqlı əməkdaşlıq müqaviləsi imzalayıb. İnkişaf etmiş maddi-texniki baza, 35 ölkədən 1000-ə yaxın yüksək səviyyəli professor-müəllim heyəti, dünyanın 68 ölkəsindən 14000 tələbə, ingiliscə təhsil proqramları, ikinci xarici dil öyrənmək imkanı, tələbə mübadilə proqramları, zəngin sosial-mədəni mühit, beynəlxalq aləmdə tanınan diplomları ilə DAU tələbələrini yaradıcı, beynəlxalq səviyyədə rəqabətə hazır gənclər olaraq yetişdirir və onları beynəlxalq karyera üçün hazırlayır".

Xanım Dezza qeyd etdi ki, Akdeniz Universitetində 106 ölkədən 20 mindən artıq tələbə təhsil alır. Onun dediyinə görə, Akdeniz Universitetini bitirənlərin diplomu bütün dünyada tanınır və onlar istədiyi ölkədə işlə təmin olunur. Xanım Dezzanın verdiyi bilgiyə görə, universitetin mühəndislik fakültəsinin bütün bölmələri Amerikada texnoloji və mühəndislik proqramlarını izləyən ABET-də akkreditə olunub. Bu akkreditasiya mühəndislik sahəsində çox nüfuzludur. Akdeniz Universitetinin memarlıq fakültəsinin memarlıq bölümünün MİAK, müəssisə iqtisadiyyat fakültəsinin, turizm fakültəsi və Kompyuter və Texnologiya Yüksək Okulunun isə FIBAA akkreditasiyası var. Təhsli fakültəsi, ingilis dili fakültəsi, ingilis dili təhsil bölməsi AQAS-dan akkreditə alıb. Bunlardan əlavə, Turizm və Otelçilik Yüksək Okulu TEDQUAL, Kompyuter və Texnologiya Yüksək Məktəbi Kompyuter Texnologiyası və İnformasiya Sistemləri Proqramı ASİİN-də akkreditə olunub. Xarici Dillər və İngilis Hazırlıq Məktəbinin isə EDEXCEL akkreditəsi var. Ayrıca, müəssisə və iqtisadiyyat fakültəsi Türkiyədə yalnız üç universitetin üzv olduğu AACSB-yə üzvdür.

Müsahibimiz bildirdi ki, DAU-da tələbələrin idmandan geniş istifadə etmək imkanları var. Universitet şəhərciyində tartan zəminli atletizm astanasına sahib 5000 nəfərlik stadion, ürək mərkəzi, spinning salonu, TRX salonu və 66,500 kv.m.-lik açıq idman sahəsi ilə bağlı sahədə edilən hər cür idman fəaliyyətini reallaşdıran 3500 nəfərlik LMP İdman Sarayı DAU şagirdlərinin istifadəsindədir. Özlərinə aid Sosial və Mədəni Fəaliyyət Mərkəzində xüsusi ofisləri olan 50-dən çox şagird klubu ilə Beynəlxalq Mərkəz altında fəaliyyət göstərən beynəlxalq tələbə birlikləri kompleksdəki həyatı daha rəngli, xüsusiyyətli və zəngin edən mədəni, ictimai tədbirlər keçirilir.

Xanım Dezza onu da qeyd etdi ki, DAU-da 9 mütəxəssis həkimin çalışdığı tam təchizatlı, xüsusi təcili yardımı olan Sağlamlıq Mərkəzi yanında 30-u aşan xüsusi məqsədli araşdırma mərkəzləri var. Bunlardan bəziləri birbaşa şagirdlərə xidmət verən vahidlərdir.

Psixoloji Məsləhət, Rəhbərlik və Araşdırma Mərkəzi ilə Məzunlarla Əlaqə və Karyera Araşdırma Mərkəzi DAU şagirdlərinin ehtiyaclarını qarşılamaq üçün qurulan və istifadə edilən mərkəzdir.

Doğu Akdeniz Universitetinin təmsilçisi Ijlal Dezza qeyd etdi ki, universitetdə tələbələr üçün bütün şərait yaradılıb. Onun sözlərinə görə, hətta burada fiziki qüsurlu tələbələr də nəzərə alınıb. Belə ki, ali məktəb komleksində fiziki əngəllilər maneəsiz hərəkət edə bilir: "Bizim universitetdə fiziki əngəlli insanların oxuması üçün heç bir problem yoxdur. Onlar sərbəst şəkildə təhsil ala bilir. Biz görmə əngəlli tələbələr üçün brayl əlifbası ilə təchiz olunmuş xüsusi kompyüterlər, tədris ləvazimatları hazırlamışıq. Onlar istifadə edirlər. Onların yaraqxanası, avtobusları, istirahət üçün gərək olan hər şeyi var. Onların olduğu auditoriyaları, otaqları, yerləri tam olaraq fiziki qüsurlu insanlara uyğunlaşdırmışıq. Doğrudur, onların sayı çox deyil".

Xanım Dezza sonda onu da qeyd etdi ki, Azərbaycandan daha çox tələbə cəlb etmək arzusundadırlar. Onun bildirdiyinə görə, azərbaycanlı tələbələrə Doğu Akdeniz Universiteti tərəfindən edilən güzəştlər, təhsil haqqı üzrə endirimlər onları burada oxumağa həvəsləndirməlidir: "Biz Azərbaycandan daha çox tələbə cəlb etməyə iddialıyıq. Bizim ali məktəb Şimali Kipr Türk Respublikasının ən köklü dövlət universitetidir. Bizdə təhsil çox yüksək səviyyədədir".

İradə Sarıyeva

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...