Modelyer olmaq istəyən qızlarımızın sayı sürətlə artır

Tarix: 24.02.2016 / 01:46
Bölmə: Sosial

Xəyalə Rəis: "Azərbaycandan fərqli olaraq dünyanın müxtəlif ölkələrində bu sənətə ciddi peşə kimi baxılır"

Gülnarə Xəlilova: "Model olmazsa, modelyerlər çalışa bilməz"

Şəlalə Maqsudova: "Hər yerindən duran model ola bilməz, model istənilən paltarı daşımağı bacarmalıdır"

Əvvəllər model kimi çalışmaq istəyənlər böyük çətinliklərlə üzləşirdi. Ailənin və qohum-qonşunun qınağı ilə hər addımbaşı qarşılaşan gənc modellər çox zaman məşğul olduğu sənəti gizlətməyə çalışırdı. Hətta elə faktlar var ki, ailə model olan övladından üz çevirirdi. Amma doğru deyirlər ki, zaman hər şeyi öz yoluna qoyur.

Bu gün isə məlum sahədə fərqli mənzərənin şahidi oluruq. Dünəndən fərqli olaraq valideyn özü qız və ya oğlan övladını bu sahəyə yönəldir. Bu da oğlan və qızlar arasında modelliyə kütləvi marağın artmasına səbəb olur.

Sənətşünas Xəyalə Rəis "Bakı-Xəbər"ə açıqlamasında qeyd etdi ki, əvvəllər model sənəti cəmiyyətimiz tərəfindən müsbət qarşılanmırdı: "Hətta bu sənəti seçənlərə ev tərbiyəsindən uzaq xanımlar kimi baxılırdı. Əslində modellik özü bir sənətdir. Adi bir insan podiuma çıxıb modellərin etdiyini, onlar kimi düzgün yeriyə bilməz. Kənardan hər nə qədər asan görünsə də, bu elə deyil. Çünki onların baxışları, podiumda duruş tərzi, əyinlərindəki libası reklam etməsi istedad tələb edir".

X.Rəisin sözlərinə görə, Azərbaycandan fərqli olaraq, dünyanın müxtəlif ölkələrində bu sənətə ciddi peşə kimi baxılır: "Hətta bu gün dünyanın ən tanınmış aktyor və aktrisalarının keçmişinə nəzər salsaq aydın olar ki, onlar da nə zamansa model kimi çalışıb və çalışdıqları sənətə məhz modellikdən gəliblər. Model podiumda olarkən üzərində olan libasın möhtəşəmliyini tamaşaçıya təqdim etməyi bacarır. Model podiumda bir obraz sərgiləyir. Onların simaları da kameraya uyğun olmalıdır. Rejissorlar dəfələrlə öz açıqlamalarında bildiriblər ki, onlar modellə işlədiyi zaman heç bir çətinlik çəkmir. Çünki modellərin simaları kamerada çox əsrarəngiz görünür, eləcə də onların obrazları".

Həmsöhbətimizin fikrincə, Azərbaycanda da bu sənətə meylliliyin artması məhz filmlərdən irəli gəlir. Daha çox xarici filmlərə meyllənən gənclər onlardan, bir növ, ibrət götürür.

Tanınmış modelyer-dizayner, sənətşünaslıq üzrə fəlsəfə doktoru Gülnarə Xəlilova qəzetimizə açıqlamasında bildirdi ki, ötən illərə nisbətən artıq Azərbaycanda incəsənətin bütün sahələrinə maraq artıb: "Xatırladım ki, əvvəllər sənət aləmində olan insanlara xoş baxılmırdı. Amma müasir dövrdə insanların təfəkkürü, düşüncəsi dəyişib. İnsanlar artıq qara düşüncə ilə sənətə baxmırlar. Sənətin özəlliyini, çətinliyini başa düşürlər. İncəsənətin hər bir sahəsinə böyük ehtiyac var. Model olmazsa, modelyerlər çalışa bilməz. Modellər podiuma çıxıb bizim geyimlərimizi nümayiş etdirməlidir. Modelliyə marağın artması bu sahənin yalnız inkişafına səbəb ola bilər".

Modelyer Şəlalə Maqsudova bizimlə söhbətində bildirdi ki, artıq dövran dəyişib: "Model sahəsinə tələbat var. Çünki modelyerlər yalnız modellərlə çalışır. Onlar öz geyim kolleksiyasını məhz modellər vasitəsilə ictimaiyyətə çatdırır".

Həmsöhbətimiz onu da əlavə etdi ki, illər öncə ilə müqayisədə indiki dövr tamam fərqlidir: "Əvvəllər bir-iki modelyer var idi. Onlar da çox geyim kolleksiyası nümayiş etdirmirdi. Xarici ölkələrin modelləri artıq özlərini bu sahədə təsdiq ediblər. Yəni öz sözlərini deyiblər. Bizdə də bu vəziyyət yaşanmalıdır. Elə modellərimiz var ki, onlar özlərini xaricdə tanıdıb. Onlardan biri Türkiyədə fəaliyyət göstərən Günay Musayevadır".

Ş.Maqsudova söhbət əsnasında onu da dilə gətirdi ki, model sahəsinə uyğun gəlməyən gənclər model olmaq üçün ona müraciət edir: "Doğrudur, bizdə boy problemi mövcuddur. Amma elə insanlar gəlir ki, onun boyu 1.55 sm-dir və deyir ki, o, kablok geyinməklə hündür görünə bilər. Həmçinin, bu sahədə çalışmaq istəyənlər öz çəkilərinə də fikir verməlidir. Model olmaq üçün tək gözəllik deyil, eyni zamanla bədən ölçüləri də normal olmalıdır. Hər yerindən duran model ola bilməz. Model istənilən paltarı daşımağı bacarmalıdır. Təəssüf ki, bu sahədə hələ də gözlədiyimiz nəticəni əldə etməmişik".

Günel CƏLİLOVA

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...