Bakıda mütəşəkkil taksi xidmətləri fərdi taksiləri üstələməyə başlayıb

Tarix: 23.02.2016 / 01:43
Bölmə: Sosial

Taksi xidməti bizdə dədə-babadan yolun kənarında dayanaraq yoldan keçən boş taksiyə əl etməklə sifariş olunub. Ödəniş isə, həmişəki kimi, mənzil başına çatanda nağd şəkildə həyata keçirilib. Amma indi taksi sifariş etmək, əvvəlki illərlə müqayisədə, çox rahatdır.

Müştəri telefon vasitəsilə taksi xidməti ilə məşğul olan hansısa şirkətə müraciət edir. Şirkət isə müştərinin hara gedəcəyi ünvanı soruşur, daha sonra isə sərnişinə qiyməti deyir.

Paytaxt küçələrində ənənəvi taksidən əlavə xidməti taksilərə də rast gəlmək olur. Qeyd edək ki, hər bir taksi xidmətinin özünə uyğun müştərisi olur.

Biz taksi xidmətlərinin fəaliyyətini və onlara tələbatın necə olmasını öyrənmək məqsədilə araşdırma apardıq.

"Bakı Taksi" MMC-də (London) *9000 qısa nömrəsi ilə taksi sifarişi mümkündür. "Bakı Taksi" şirkəti sifarişləri daha çox telefonla qəbul edir. Şirkətə məxsus taksilər taksometr, POS-terminal rahat ödənişi ilə təmin edilib. Eləcə də şirkətin bütün avtomobillərində GPS naviqator xidmətindən istifadə olunur.

"Bakı Taksi" MMC-nin internet səhifəsində qeyd olunur ki, sərnişin taksiyə əyləşən zaman avtomatik olaraq 1 manat yazılır. "London taksiləri"ndə 1-10 km arası məsafə üçün hər kilometrə görə 70 qəpik tələb olunur. 10-20 km üçün hər km-ə görə 40 qəpik hesablanır. 20 km-lik yol üçün sərnişin 12 manat ödəməlidir.

"London taksiləri"nin sərnişini gözləmə müddəti belədir: ilk 10 dəqiqə üçün pul tələb olunmur, 10 dəqiqə bitəndən sonra sayğac sıfırlanır və hər dəqiqə üçün 5 qəpik hesablanır.

Adıçəkilən xidmətin taksiləri 15 dəqiqə ərzində sifariş verilən ünvana çatır.

"Dost Taxi" xidmətinin operatoru Aytən adlı xanım bizimlə söhbətində qeyd etdi ki, müştəri *3311 nömrəsinə zəng etməklə taksi sifariş edə bilər: "Taksi sifariş etmək istəyənlər bilməlidir ki, məsafədən asılı olaraq qiymət dəyişir:

3-15 km 50 qəpik,

16-90 km 40 qəpik

91-220 km 30 qəpik

221 km-dən çox olarsa, 20 qəpikdən hesablanır".

Bu taksilərdə də gözləmə müddəti eynidir. Yəni ilk 10 dəqiqə üçün pul hesablanmır. 10 dəqiqə bitəndən sonra hər dəqiqə üçün 5 qəpik hesablanır.

Aytən xanım onu da əlavə etdi ki, son illər "Dost Taxi" xidmətindən istifadə edənlərin sayı artıb: "Sifariş qəbul edildikdə sifarişə ən yaxın taksi sürücülərinə təklif göndərilir. Hansı sürücü ilk olaraq seçim etsə, həmin sifarişi yerinə yetirir. Bununla da müştəriyə ən yaxın sürücü göndərilməklə müştəri vaxt itkisi yaşamır".

"Situ Taxi" xidmətindən istifadə etmək istəyənlər *8844 nömrəsinə zəng etməlidir. Xidmətin marketinq şöbəsinin nümayəndəsi Ofelya Səfərəliyeva bizimlə söhbətində bildirdi ki, adıçəkilən taksi də müştərilərə rahat xidmət edir: "Sifariş veriləndən 5 dəqiqə sonra taksi həmin ünvanda olur. Qiymətlər isə kilometrə görə dəyişir. Bir onu deyim ki, sərnişin taksini çağırandan sonra fikrindən daşınıb istifadə etmək istəməsə, o zaman 2 manat ödəməlidir.

"Situ Taxi"-də əlavə xidmətlər də mövcuddur. Bu xidmətlərin hər birinin öz qiyməti var.

Uşaq oturacağı 4, sürücünün köməyi 3, lövhəciklə sərnişini qarşılama 3, universal kuzov 3, heyvanların daşınmasının qiyməti 3 manatdır".

Dünyanın 57 ölkəsində və 300-dən çox şəhərində xidmət göstərən populyar taksi və xüsusi avtomobil çağırma xidməti "Uber" xidməti ötən ildən etibarən artıq ölkəmizdə də fəaliyyət göstərir. Bu taksi xidmətinin özəlliyi ondan ibarətdir ki, müştərilərinə göz qamaşdıran, lüks və biznes klass avtomobilləri təqdim edir.

"Uber" taksi xidmətinin təmsilçisinin sözlərinə görə, xidmətə qoşulmaq istəyənlər "Uber" tətbiqini "iPhone", "Android", "Windows" və ya "Blackberry 7" smartfonlarında quraşdıra və yaxud buradan qeydiyyatdan keçə bilər: "Həmçinin sərnişin adını, emailini və ödəniş kartını daxil edərək birbaşa qeydiyyatdan keçib gediş sifariş edə bilər. Avtomobil bir neçə dəqiqə ərzində sifariş verilən məkanda olacaq. Sərnişin ödənişi kart vasitəsilə də edə bilər".

Məlumat üçün bildirək ki, Bakıda "Uber"in ilk istifadəçisi "GoldenPay" və "Hesab.az"ın təsisçisi Fərid İsmayılzadə olub. "Mercedes-Benz S Class" avtomobili Fərid İsmayılzadəni evindən götürərək ADA Universitetinə çatdırıb.

Adıçəkilən xidmətin avtomobillərinin qiyməti aşağıdakı kimidir:

Avtomobilin sifariş edilməsi - 2 AZN,

Bir kilometri - 0.90 AZN,

Gözləməyin bir dəqiqəsi - 0.20 AZN,

Minimal qiymət - 5.00 AZN.

Günel CƏLİLOVA

DİGƏR XƏBƏRLƏR

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

Tarix: 30.09.2026 / 14:35

DİN-in Mərkəzi avtobus zolaqlarına daxil olan sürücülərə müraciət etdi - VİDEO

Tarix: 30.09.2026 / 12:50

Cəlilabadda kütləvi zəhərlənmə - araşdırma aparılır...

Tarix: 30.09.2026 / 12:06

"Bələdiyyələr 300-500 min evdən əmlak vergisi toplaya bilmir" - Siyavuş Novruzov

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 28.09.2026 / 22:22

Xüsusi şərtlərlə pensiya alan qulluqçuların pulları azala bilər...

Tarix: 28.09.2026 / 20:57

Azərbaycandakı Kürmük məbədinə Gürcüstan patriarxlığının iddiası... Real tarix...

Tarix: 28.09.2026 / 14:57

Dövlət qulluğuna qəbulun mürəkkəbləşdirilməsi ciddi suallar doğurdu...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...