Evin açarını palazın altına qoyub sonra acınacaqlı nəticə üçün polisi axtarırıq...

Tarix: 13.10.2015 / 02:11
Bölmə: Sosial

Kim haqlıdır?

Hər gün mənzil oğurluqları ilə bağlı xəbərlər eşidirik. Onlarla mənzil oğruların hədəfinə çevrilir, vətəndaşa külli miqdarda ziyan dəyir. Müşahidələr göstərir ki, üstü açılan oğurluq faktlarını törədənlərin əksəriyyətini əvvəllər məhkum olunmuş şəxslər, narkomanlar, müəyyən qismini isə xarici ölkə vətəndaşları təşkil edir.

Mövzu bu gün çox aktualdır və bir çox məqamlara aydınlıq gətirmək üçün daha dərindən düşünməyə, təhlil etməyə ehtiyac var.

Gəlin etiraf edək ki, bir çox mənzil oğurluqları mənzil sahiblərinin məsuliyyətsizliyindən, biganəliyindən və etinasızlığından baş verir. Yəni illərlə yığdıqları var-dövlət əldən çıxdıqdan, oğurlandıqdan sonra aidiyyəti qurumlara müraciət edir, tədbir görməyə çalışırlar.

Təəssüflər olsun ki, bəzi vətəndaşlarımız hələ də mənzillərinin açarını qapının kandarındakı palazın, zibil vedrəsinin altında və s. ənənəvi yerlərdə "gizlədirlər". Nəticə acınacaqlı olduqda isə ilk yada düşən polis olur.

Sözün düzü, bu mövzu həmişə məni çox narahat edib. Vətəndaş nə üçün dara düşəndə polisə müraciət edib, ondan kömək istəyir? Axı niyə vaxtında tədbir görə bilmirik?

Yeri gəlmişkən, bir dəfə rayonların birində obyektdən oğurluq olmuşdu və polislərimizin gərgin əməyi nəticəsində oğrular tutulmuşdu. Hadisə ilə bağlı Rayon Mühafizə İdarəsinin səlahiyyətli nümayəndəsindən faktla bağlı münasibət bildirməyini xahiş etdikdə dedi ki, "Əvvəllər bu obyektdən oğurluq olub, təəssüflər olsun ki, zərərçəkmiş şəxs obyektinin qorunması, mühafizəyə qəbul olunması üçün polisə üz tutmayıb, polisin xidmətindən yararlanmayıb. Hadisə baş verdikdən sonra isə üstümüzə qaçıb kömək istəyir"...

Bəli, düz sözə nə deyəsən? Danılmaz bir həqiqət də var ki, bəzən var-dövlət, obyekt sahibləri elə bir simiclik nümayiş etdirirlər ki, onu yazmaqda belə adam çətinlik çəkir. Sadə bir həqiqət var: gəlir dövriyyəsi ayda müəyyən qədər məbləğ edən bir obyekt, mağaza sahibinin polisin xidmətindən yararlanmaması, əslində, insanın öz-özünə, malına-puluna, çəkdiyi zəhmətə biganəliyidir.

Fikrimiz heç də polisin fəaliyyətini reklam etmək deyil. Bir də ki, "Görünən dağa nə bələdçi"...

Diqqətinizə çatdırmaq istəyirəm ki, mövzu ilə bağlı vətəndaşların da münasibətini bilmək üçün paytaxtın bir çox rayonlarında sorğu keçirdim.

Respondentlərin cavablarından məlum oldu ki, onlar evlərinin, obyektlərinin polis xidməti ilə qorunmasına müsbət yanaşırlar, lakin əksəriyyəti hələ bu xidmətdən yararlanmır. Bax, elə məsələnin əsl mahiyyəti də bundan ibarətdir: deyirik, amma əməl eləmirik.

Əlbəttə, hər hansı bir işi, fəliyyəti publikanın, cəmiyyətin diqqətinə çatdırmaq üçün təbliğata ehtiyac var. Və sevindirici haldır ki, mühafizə polisi ilə bağlı təkcə paytaxtımızda deyil, yerlərdə də yüksək səviyyədə təbliğat işi gedir. Araşdırmamız zamanı o da bəlli oldu ki, mühafizə olunan obyektlərdə, mənzillərdə oğurluğa cəhd halları qeydə alınsa da, vətəndaşa ziyan dəyməyib, yəni oğrular ya əliboş qayıdıb, ya da tutularaq məsuliyyətə cəlb olunublar.

Mövzunu daha da dolğunlaşdırmaq üçün paytaxtımızın bir çox Rayon Polis İdarələri və Rayon Mühafizə İdarələrinin yetkililərinə mənzil oğurluqlarının, ümumiyyətlə, oğurluq hallarının qarşısını almaq üçün ilk növbədə hansı tədbirin görülməsinin vacibliyi barədə sual ünvanladım. Fərqli cavablar alsam da, yenə də əsas məsuliyyətin birbaşa vətəndaşın üzərinə düşdüyü vurğulandı. Bəli, qurumlar arasında müəyyən qınaqlar da oldu. Hətta bəzi Rayon Polis Bölmələri oldu ki, onlar maraqlı təkiliflərlə də çıxış etdilər.

O təkliflərdən birini də diqqətinizə çatdırmaq istərdim. Müsahiblərimdən biri dedi ki, Mühafizə Polisi rayon ərazisində mühafizəyə qəbul etdiyi mənzillərin, obyektlərin ünvanını həmin əraziyə xidmət edən polis bölməsinə bildirərsə, bu da qarşıya çıxan bəzi problemlərin aradan qaldırılmasına, yəni qarşılıqlı koordinasiya nəticəsində baş vermiş hər hansı bir cinayət hadisəsinin qarşısı vaxtında alınmasına kömək olar.

Əlbəttə, verilən bəzi təkliflərlə müəyyən rayonların mühafizə polisi əməkdaşlarının yetkililəri razılaşmadı.

Ancaq bütün deyilənlərdən, gördüklərimdən və bu kiçik araşdırmadan belə qənaətə gəldim ki, terrorun, insanları vahiməyə salan hadisələrin baş alıb getdiyi bir dövrdə digər hüquq-mühafizə orqanları ilə birgə daxili işlər orqanlarının qurumları arasında koordinasiyanın qurulması bizi qarşılaşacağımız neqativ hallardan qoruyar, nə canımız, nə də malımız-mülkümüz ziyan görər.

Bütün bunlara rəğmən, vətəndaşlar da öz məsuliyyətini dərindən dərk etməlidir.

Hafiz Təmirov

DİGƏR XƏBƏRLƏR

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

Tarix: 10.07.2026 / 14:18

Bakıda sərnişinlərdən küsən avtobus sürücüsü ilə bağlı QƏRAR VERİLDİ...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...