MTRŞ-nin əsaslı iradlarından sonra teleseriallar üçün hansı tip mövzular aktuallaşmalıdır?

Tarix: 09.10.2015 / 02:39
Bölmə: Sosial

Elşən Zeynallı: "Azərbaycanda serial istehsalında mövzu baxımından düzgün seçim aparılmır"

"Teleseriallar üçün müəyyən edilən mövzulara hazırda Azərbaycan cəmiyyətinin ehtiyacı yoxdur"

Artıq neçə ildir yerli telekanallarda xarici seriallar deyil, milli teleseriallar yayımlanır. Məlum olduğu kimi, ölkə başçısı İlham Əliyev 9 sentyabr 2011-ci il tarixdə "Azərbaycan Respublikasında milli televiziya filmlərinin istehsalına maliyyə yardımının göstərilməsi haqqında" Sərəncam imzaladı.

Həmin Sərəncama əsasən, yerli serialların çəkilişi üçün büdcədən müəyyən məbləğdə vəsait ayrılıb. Telekanallarda müxtəlif rejissorların ssenarisi əsasında seriallar yayımlanır. Həmin serialların əsas mövzusu daha çox ailə-məişət, sevgi və ya xəyanətdir.

Milli Televiziya və Radio Şurasının (MTRŞ) sədri Nuşirəvan Məhərrəmli media nümayəndələrinə açıqlamasında bildirib ki, televiziya kanallarının çəkdiyi seriallar onları qane etmir: "Bu kanalların əksəriyyəti onlara verilən vəsaitdən lazımınca istifadə etmədi. Bəlkə də şəxsi məqsədlər üçün istifadə etdilər. Artıq bir telekanalı məhkəməyə vermişik, bəzilərini də verəcəyik. Seriallar üçün ən aşağı səviyyəli mövzular seçilib. Ailə-məişət məsələsi, ailədə xəyanət, varlı-yoxsul arasında olan münasibətlər seriallarda əsas mövzu kimi qoyulub. Biz seriallarla bağlı məsələni artıq bir qədər səngitmişik. Gördüyünüz kimi, xeyli müddətdir ki, bununla bağlı hər hansı bir yenilik yoxdur".

MTRŞ sədri qeyd edib ki, bu səbəblərə görə də Azərbaycan ictimaiyyəti serialları qəbul etmədi: "Təbii ki, yaxşı seriallar çəkildi. Seriallara çəkilən xərclər bu sahədə müəyyən canlanma yaratdı. Müəyyən aktyor və aktrisalar işə cəlb olundu. Bu sahədə infrastrukturun qurulmasına böyük dəstək oldu. Yəni bu sahədə xeyli iş görüldü. Hətta ssenaristlərin sayı artdı. Amma təbii ki, ümumi keyfiyyət bizi qane etmir. Özəl kanalların əsas gəlir yeri reklamlardır. Biz Türkiyədə, Rusiyada çəkilən serialları Azərbaycanda çəkilən seriallardan üstün tuturuq. Amma Türkiyədə efirdə yayımlanan reklamın dəqiqəsi 40-50 min dollar, bizdə isə 1000 manat həcmindədir. Təsəvvür edin ki, onların bizdən 50 dəfə çox maliyyə gəliri var. Bu sahədə dəyişikliklər ölkəmizin iqtisadi qüdrəti artdıqca özünü göstərəcək. Biz birdən-birə bu sahədə inqilabi dəyişiklik edəcəyimizi gözləmirdik".

Maraqlıdır, seriallar üçün niyə aşağı səviyyəli mövzular seçilir? Bunun günahı telekanaldadır, ya ssenaristdə?

Kinorejissor, ssenarist Elşən Zeynallı "Bakı-Xəbər"ə açıqlamasında qeyd etdi ki, teleseriallar üçün müəyyən edilən mövzulara hazırda Azərbaycan cəmiyyətinin ehtiyacı yoxdur: "Bu serialların heç birinin ictimai çəkisi yoxdur və ölkə ictimaiyyəti üçün hər hansı bir mesaj verilmir".

Kinorejissorun sözlərinə görə, Azərbaycanda serial istehsalında mövzu baxımından düzgün seçim aparılmır. Eyni zamanda, həmin seriallarda rol alan aktyorlar da peşəkar deyil: "Dövlət tərəfindən serialın çəkilişi üçün hər bir kanala müəyyən məbləğdə pul ayrılır. Kanal rəhbərliyi də həmin pulun bir hissəsini özü mənimsəyir. Qalanını da istədiyi adama verir ki, sən bu mövzuda serial çək".

E.Zeynallı onu da əlavə etdi ki, teleserial üçün elə mövzular seçilməlidir ki, sözün əsl mənasında, xalqın ürəyindən xəbər versin. Hətta ailə-məişət mövzularını da işləyərkən milliliyimizi saxlamalıyıq. Azərbaycanda serial yaradıcılığı olmalıdır və bu işi peşəkarlar görməlidir. Hər serial xalqa yaxın buraxılmamalıdır.

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...