Şanlı Ordumuz Qarabağ torpaqların azadlığı uğrunda müqəddəs Vətən müharibəsində erməni dığalarının üzərində qazandığı zəfərləri ilə yeni bir tarix yazır. Həyat kredosu vətəninə, xalqına, el-obaya təmənnasiz xidmət olan Azərbaycanın polad biləkli oğulları qarşısında düşmən indi çox cılız görünür.
Elə torpağa bağlı igidimiz var ki, o, tək başına dığaların yüzünə cavab verə bilir. İndi qəhrəmanlığı böyük bir xalqın dilində dastan olan Rüfət Əsədullayev bir-birindən çətin döyüş meydanlarında mərdliklə vuruşaraq dığaların başqalardan diləndiyi 7 tankını, eləcə digər zirehli hərbi texnikasını məhv etmişdi. Rüfət Astara rayonunun Ərçivan kəndindəndir. Qəlbi vətən, torpaq sevgisi ilə döyünən bu 26 yaşlı vətənsevər övladımızH.Əliyev adına Hərbi Ali Məktəbin məzunudur.
Rüfət Əsədullayev olduğu döyüşlərdə hər an müdriklər beşiyi, dahilər diyarı Azərbaycanın şərəfini düşünməklə dığaların qətlinə cəngavər tək addım atıbdır. Qəlbi sevdalı mərd igidimiz öz torpağında döyüşməklə dığalara ürəyincə qan qusdurub. O, vətənin haqq savaşında gözdən, əldən yaralansa da əzmi, qüruru dağ qədərdir. Bu da ondan irəli gəlir ki, qələbəmizə ürəkdən inanır. Onun məğrurluğu, daxildən gələn mənəvi zənginliyi bir daha göstərir ki, məhz sevdalı dünyanın quranı, yaradanı Rüfət kimi oğullardır. Onun timsalında əsgərlərlə, zabitlərlə sözün həqiqi mənasında fəxr etməyə dəyər.
Rüfət Əsədullayev deyir:- Mən həmişə fəxr etmişəm ki, Milli Ordumuzda xidmət edirəm. Çünki Ulu Öndər Heydər Əliyev tərəfindən yaradılan bu orduda hər kəs qardaş kimi bir yumruq olaraq Ali Baş Komandanın ətrafına yığışıb. Səhhətimlə əlaqədar evə qayıtsam da, ruhum, vətənə qurban dediyim canım cəbhədə silahdaşlarımın yanındadır. Onlardan aldığım qələbə xəbərləri qəlbimi sevincdən dağa döndərir. Ordumuz qətiyyətlidir, güclüdür, dönməzdir. Tam zəfər günümüzə az qalıb, buna şübhəniz olmasın.
Zəfər ORUCOĞLU, Azərbaycan Jurnalistlər Birliyinin üzvü
