Ölkəmiz hazırda iki virusla üz-üzədir. Hər iki virusun qəddarlığı bütün dünyaya bəllidir. Xalqımızın isə ən çox nifrət bəslədiyi erməni dığaların doğma Azərbaycan torpaqlarına səpdiyi virusdur. 30 il idi ki, bu iyrənc, qaniçən virusun əlindən zülm çəkirdik. Artıq müdrik, cəsarətli Ali Baş Komandan İlham Əliyevin rəhbərliyi altında Şanlı Ordumuzun erməni dığaların murdar ayaqlarını xalqımıza məxsus qədim, müqəddəs Qarabağ torpaqlarından kəsməsilə bu virusa son qoyulur. Və Ordumuzun hər zəfərindən sonra bir daha dərk edirik ki, torpaqsız vətən olmaz, vətənsiz insan...
“Taclı düşmən” kimi tarixə düşən, bütün dünya insanları üçün təhlükə yaradan ikinci virus COVİD-19 adlanır. Yarandığı yer Çin olsa da, bizim ölkəmizdən də yan keçmədi. Lakin insanlığın qəsdinə duran bu virus da qəddarlıqda erməni virusuna çata bilməz. Belə ki, erməni dığaları azərbaycanlı körpələrin qanına susadığı halda, koronovirus ən çox həyatın ləzzətini çıxaran yaşlı adamlardan can istəyir. Qaldı ki, hər ikisi düşməndir, ikisinə də lənət olsun.
Hər sahədə olduğu kimi, xalqına ürəkdən bağlı, hər zaman əhalinin güzəranını, sağlamlığını düşünən müdrik ölkə başçısı İlham Əliyev COVID-19 pandemiyası başlanan gündən gördüyü operativ tədbirlər nəticəsində bu bəlanın ölkəmizdə geniş vüsət almasına imkan vermədi. Bu sahədə atdığı addımları bütün dövlətlər də bəyəndi. Təəssüf ki, erməni dığalarla halal torpağımız uğrunda müharibə etdiyimiz bu günlərdə koronovirus yenidən respublikamızda bir qədər şiddətli şəkildə baş qaldırıb. Dövlət nə mümkünsə onu edib. İndi bu bəlanın qarşısını almaq üçün insanların məsuliyyətli olmasından çox şey asılıdır. Yəni bu məqsədlə Nazirlər Kabineti yanında Operativ Qərargahın göstərişinə uyğun olaraq xüsusi karantin rejiminin tələblərinə əməl etməklə virusdan yaxa qurtarmaq olar.
Yardımlı ucqar dağ rayonudur. Burada koronovirus infeksiyasının yarada biləcəyi təhlükənin qarşısını almaqdan ötrü təxirəsalınmaz tədbirlər ara vermir. Şəxsən rayon İcra Hakimiyyətinin başçısı hüquq-mühafizə orqanlarının məsul əməkdaşları ilə birlikdə bu məqsədlə rayon ərazisində tez-tez reydlər təşkil edir. Reyd iştirakçıları Operativ Qərargahın müəyyən etdiyi qaydalara uyğun olaraq qida məhsullarının ticarəti ilə məşğul olan müəssisələrdə, ictimai-iaşə obyektlərində, ticarət və xidmət sahələrində əhali arasında fərdi söhbətlər aparırlar. Söhbətlər zamanı vətəndaşlara sanitar rejimin tələbləri izah edilir, onlara evdən çıxarkən, qapalı məkanlarda, xüsusən iaşə müəssisələrində, ictimai nəqliyyatda nəfəs yollarını qoruyan tibbi maskadan mütləq qaydada istifadə etmələri, insanlarla təmas zamanı 2 metrlik ara məsafəsini saxlamaları və bütövlükdə karantin rejimi dövrü üçün müəyyən edilmiş qaydalara ciddi riayət etmələri tövsiyə olunur. Bütün bunlarla bərabər, rayonun özündə, eləcə də onun kəndlərdəki insanların kompakt toplaşdığı bütün yerlərdə vaxtaşırı olaraq kütləvi dezinfeksiya işləri görülür. Aparılan tədbirlər öz müsbət nəticəsini verir, rayonda, demək olar ki, yoluxma hallarına rast gəlinmir.
Zəfər ORUCOĞLU zərbaycan Jurnalistlər Birliyinin üzvü
